10 shlokas
- 1
वालखिल्याः शंसति प्राणा वै वालखिल्याः प्राणान् एवास्य तत्कल्पयति
vālakhilyāḥ śaṃsati prāṇā vai vālakhilyāḥ prāṇān evāsya tatkalpayati
- 2
ता विहृताः शंसति विहृता वा इमे प्राणाः प्राणेनापानो ऽपानेन व्यानः
tā vihṛtāḥ śaṃsati vihṛtā vā ime prāṇāḥ prāṇenāpāno 'pānena vyānaḥ
- 3
स पच्छः प्रथमे सूक्ते विहरत्य् अर्धर्चशो द्वितीये ऋक्शस्तृतीये
sa pacchaḥ prathame sūkte viharaty ardharcaśo dvitīye ṛkśastṛtīye
- 4
स यत्प्रथमे सूक्ते विहरति प्राणं च तद्वाचं च विहरति यद्द्वितीये चक्षुश्च तन्मनश्च विहरति यत्तृतीये श्रोत्रं च तद् आत्मानं च विहरति
sa yatprathame sūkte viharati prāṇaṃ ca tadvācaṃ ca viharati yaddvitīye cakṣuśca tanmanaśca viharati yattṛtīye śrotraṃ ca tad ātmānaṃ ca viharati
- 5
ते हैके सह बृहत्यौ सह सतोबृहत्यौ विहरन्ति तद् उपाप्तो विहारे कामो नेत्तु प्रगाथाः कल्पन्ते
te haike saha bṛhatyau saha satobṛhatyau viharanti tad upāpto vihāre kāmo nettu pragāthāḥ kalpante
- 6
अतिमर्शम् एव विहरेत्तथा वै प्रगाथाः कल्पन्ते प्रगाथा वै वालखिल्यास्तस्माद् अतिमर्शम् एव विहरेद्यद् एवातिमर्शाम्
atimarśam eva viharettathā vai pragāthāḥ kalpante pragāthā vai vālakhilyāstasmād atimarśam eva viharedyad evātimarśām
- 7
आत्मा वै बृहती प्राणाः सतोबृहती स बृहतीम् अशंसीत्स आत्माथ सतोबृहतीं ते प्राणा अथ बृहतीम् अथ सतोबृहतीं तद् आत्मानम्प्राणैः परिबृहन्न् एति तस्माद् अतिमर्शम् एव विहरेत्
ātmā vai bṛhatī prāṇāḥ satobṛhatī sa bṛhatīm aśaṃsītsa ātmātha satobṛhatīṃ te prāṇā atha bṛhatīm atha satobṛhatīṃ tad ātmānamprāṇaiḥ paribṛhann eti tasmād atimarśam eva viharet
- 8
यद्व् एवातिमर्शाम् आत्मा वै बृहती पशवः सतोबृहती स बृहतीम् अशंसीत्स आत्माथ सतोबृहतीं ते पशवो ऽथ बृहतीम् अथ सतोबृहतीं तद् आत्मानम्पशुभिः परिबृहन्न् एति तस्माद् अतिमर्शम् एव विहरेत्
yadv evātimarśām ātmā vai bṛhatī paśavaḥ satobṛhatī sa bṛhatīm aśaṃsītsa ātmātha satobṛhatīṃ te paśavo 'tha bṛhatīm atha satobṛhatīṃ tad ātmānampaśubhiḥ paribṛhann eti tasmād atimarśam eva viharet
- 9
व्य् एवोत्तमे सूक्ते पर्यस्यति स एव तयोर्विहारः
vy evottame sūkte paryasyati sa eva tayorvihāraḥ
- 10
तस्य मैत्रावरुणः प्राणान्कल्पयित्वा ब्राह्मणाच्छंसिने सम्प्रयच्छत्य् एतं त्वम्प्रजनयेति
tasya maitrāvaruṇaḥ prāṇānkalpayitvā brāhmaṇācchaṃsine samprayacchaty etaṃ tvamprajanayeti

