15 shlokas
- 1
शिल्पानि शंसन्ति
śilpāni śaṃsanti
- 2
देवशिल्पान्य् एतेषाम्वै शिल्पानाम् अनुकृतीह शिल्पम् अधिगम्यते हस्ती कंसो वासो हिरण्यम् अश्वतरीरथः शिल्पम्
devaśilpāny eteṣāmvai śilpānām anukṛtīha śilpam adhigamyate hastī kaṃso vāso hiraṇyam aśvatarīrathaḥ śilpam
- 3
शिल्पं हास्मिन्न् अधिगम्यते य एवं वेद
śilpaṃ hāsminn adhigamyate ya evaṃ veda
- 4
यद् एव शिल्पानीन्
yad eva śilpānīn
- 5
आत्मसंस्कृतिर्वाव शिल्पानि छन्दोमयं वा एतैर्यजमान आत्मानं संस्कुरुते
ātmasaṃskṛtirvāva śilpāni chandomayaṃ vā etairyajamāna ātmānaṃ saṃskurute
- 6
नाभानेदिष्ठं शंसति
nābhānediṣṭhaṃ śaṃsati
- 7
रेतो वै नाभानेदिष्ठो रेतस्तत्सिञ्चति
reto vai nābhānediṣṭho retastatsiñcati
- 8
तम् अनिरुक्तं शंसत्य् अनिरुक्तं वै रेतो गुहा योन्यां सिच्यते
tam aniruktaṃ śaṃsaty aniruktaṃ vai reto guhā yonyāṃ sicyate
- 9
स रेतोमिश्रो भवति क्ष्मया रेतः संजग्मानो निषिञ्चद् इति रेतःसमृद्ध्या एव
sa retomiśro bhavati kṣmayā retaḥ saṃjagmāno niṣiñcad iti retaḥsamṛddhyā eva
- 10
तं सनाराशंसं शंसति प्रजा वै नरो वाक्शंसः प्रजास्व् एव तद्वाचं दधाति तस्माद् इमाः प्रजा वदन्त्यो जायन्ते
taṃ sanārāśaṃsaṃ śaṃsati prajā vai naro vākśaṃsaḥ prajāsv eva tadvācaṃ dadhāti tasmād imāḥ prajā vadantyo jāyante
- 11
तं हैके पुरस्ताच्छंसन्ति पुरस्तादायतना वाग् इति वदन्तः
taṃ haike purastācchaṃsanti purastādāyatanā vāg iti vadantaḥ
- 12
उपरिष्टाद् एक उपरिष्टादायतना वाग् इति वदन्तः
upariṣṭād eka upariṣṭādāyatanā vāg iti vadantaḥ
- 13
मध्य एव शंसेन्मध्यायतना वा इयं वाक्
madhya eva śaṃsenmadhyāyatanā vā iyaṃ vāk
- 14
उपरिष्टान्नेदीयसीवोपरिष्टान्नेदीयसीव वा इयं वाक्
upariṣṭānnedīyasīvopariṣṭānnedīyasīva vā iyaṃ vāk
- 15
तं होता रेतोभूतं सिक्त्वा मैत्रावरुणाय सम्प्रयच्छत्य् एतस्य त्वम्प्राणान्कल्पयेति
taṃ hotā retobhūtaṃ siktvā maitrāvaruṇāya samprayacchaty etasya tvamprāṇānkalpayeti

