13 shlokas
- 1
अथातो ऽहीनस्य युक्तिश्च विमुक्तिश्च
athāto 'hīnasya yuktiśca vimuktiśca
- 2
व्य् अन्तरिक्षम् अतिरद् इत्य् अहीनं युङ्क्त एवेद् इन्द्रम् इति विमुञ्चति
vy antarikṣam atirad ity ahīnaṃ yuṅkta eved indram iti vimuñcati
- 3
आहं सरस्वतीवतोर्नूनं सा त इत्य् अहीनं युङ्क्ते
āhaṃ sarasvatīvatornūnaṃ sā ta ity ahīnaṃ yuṅkte
- 4
ते स्याम देव वरुण नू ष्टुत इति विमुञ्चति
te syāma deva varuṇa nū ṣṭuta iti vimuñcati
- 5
एष ह वा अहीनं तन्तुम् अर्हति य एनं योक्तुं च विमोक्तुं च वेद
eṣa ha vā ahīnaṃ tantum arhati ya enaṃ yoktuṃ ca vimoktuṃ ca veda
- 6
तद्यच्चतुर्विंशे ऽहन्युज्यन्ते सा युक्तिर् अथ यत्पुरस्ताद् उदयनीयस्यातिरात्रस्य विमुच्यन्ते स विमुक्तिः
tadyaccaturviṃśe 'hanyujyante sā yuktir atha yatpurastād udayanīyasyātirātrasya vimucyante sa vimuktiḥ
- 7
तद्यच्चतुर्विंशे ऽहन्न् ऐकाहिकाभिः परिदध्युर् अत्राहैव यज्ञं संस्थापयेयुर्नाहीनकर्म कुर्युर् अथ यद् अहीनपरिधानीयाभिः परिदध्युर्यथा श्रान्तो ऽविमुच्यमान उत्कृत्येतैवं यजमाना उत्कृत्येरन्न् उभयीभिः परिदध्युः
tadyaccaturviṃśe 'hann aikāhikābhiḥ paridadhyur atrāhaiva yajñaṃ saṃsthāpayeyurnāhīnakarma kuryur atha yad ahīnaparidhānīyābhiḥ paridadhyuryathā śrānto 'vimucyamāna utkṛtyetaivaṃ yajamānā utkṛtyerann ubhayībhiḥ paridadhyuḥ
- 8
तद्यथा दीर्घाध्व उपविमोकं यायात्तादृक्तत्
tadyathā dīrghādhva upavimokaṃ yāyāttādṛktat
- 9
संततो हैषां यज्ञो भवतीं व्य् ऊ मुञ्चन्ते
saṃtato haiṣāṃ yajño bhavatīṃ vy ū muñcante
- 10
एकां द्वे न द्वयोः सवनयोः स्तोमम् अतिशंसेत्
ekāṃ dve na dvayoḥ savanayoḥ stomam atiśaṃset
- 11
दीर्घारण्यानि ह वै भवन्ति यत्र बह्वीभिः स्तोमो ऽतिशस्यते
dīrghāraṇyāni ha vai bhavanti yatra bahvībhiḥ stomo 'tiśasyate
- 12
अपरिमिताभिः तृतीयसवने ऽपरिमितो वै स्वर्गो लोकः स्वर्गस्य लोकस्याप्त्यै
aparimitābhiḥ tṛtīyasavane 'parimito vai svargo lokaḥ svargasya lokasyāptyai
- 13
संततो हास्याभ्यारब्धो ऽविस्रस्तो ऽहीनो भवति य एवं विद्वान् अहीनं तनुते
saṃtato hāsyābhyārabdho 'visrasto 'hīno bhavati ya evaṃ vidvān ahīnaṃ tanute

