17 shlokas
- 1
भूतेछदः शंसति
bhūtechadaḥ śaṃsati
- 2
भूतेछद्भिर्वै देवा असुरान् उपासचन्तोतेव युद्धेनोतेव मायया तेषां वै देवा असुराणाम्भूतेछद्भिर् एव भूतं छादयित्वाथैनान् अत्यायंस्तथैवैतद्यजमाना भूतेछद्भिर् एवाप्रियस्य भ्रातृव्यस्य भूतं छादयित्वाथैनम् अतियन्ति
bhūtechadbhirvai devā asurān upāsacantoteva yuddhenoteva māyayā teṣāṃ vai devā asurāṇāmbhūtechadbhir eva bhūtaṃ chādayitvāthainān atyāyaṃstathaivaitadyajamānā bhūtechadbhir evāpriyasya bhrātṛvyasya bhūtaṃ chādayitvāthainam atiyanti
- 3
ता अर्धर्चशः शंसति प्रतिष्ठाया एव
tā ardharcaśaḥ śaṃsati pratiṣṭhāyā eva
- 4
अहनस्याः शंसति
ahanasyāḥ śaṃsati
- 5
आहनस्याद्वै रेतः सिच्यते रेतसः प्रजाः प्रजायन्ते प्रजातिम् एव तद्दधाति
āhanasyādvai retaḥ sicyate retasaḥ prajāḥ prajāyante prajātim eva taddadhāti
- 6
ता दश शंसति दशाक्षरा विराᄆ अन्नं विराᄆ अन्नाद्रेतः सिच्यते रेतसः प्रजाः प्रजायन्ते प्रजातिम् एव तद्दधाति
tā daśa śaṃsati daśākṣarā virāᄆ annaṃ virāᄆ annādretaḥ sicyate retasaḥ prajāḥ prajāyante prajātim eva taddadhāti
- 7
ता न्यूङ्खयत्य् अन्नं वै न्यूङ्खो ऽन्नाद्रेतः सिच्यते रेतसः प्रजाः प्रजायन्ते प्रजातिम् एव तद्दधाति
tā nyūṅkhayaty annaṃ vai nyūṅkho 'nnādretaḥ sicyate retasaḥ prajāḥ prajāyante prajātim eva taddadhāti
- 8
दधिक्राव्णो अकारिषम् इति दाधिक्रीं शंसति देवपवित्रं वै दधिक्रा इदं वा इदं व्याहनस्यां वाचम् अवादीत्तद्देवपवित्रेण वाचम्पुनीते
dadhikrāvṇo akāriṣam iti dādhikrīṃ śaṃsati devapavitraṃ vai dadhikrā idaṃ vā idaṃ vyāhanasyāṃ vācam avādīttaddevapavitreṇa vācampunīte
- 9
सानुष्टुब्भवति वाग्वा अनुष्टुप्तत्स्वेन छन्दसा वाचम्पुनीते
sānuṣṭubbhavati vāgvā anuṣṭuptatsvena chandasā vācampunīte
- 10
सुतासो मधुमत्तमा इति पावमानीः शंसति
sutāso madhumattamā iti pāvamānīḥ śaṃsati
- 11
देवपवित्रं वै पावमान्य इदं वा इदं व्याहनस्यां वाचम् अवादीत्तद्देवपवित्रेणैव वाचम्पुनीते ता अनुष्टुभो भवन्ति वाग्वा अनुष्टुप्तत्स्वेनैव छन्दसा वाचम्पुनीते
devapavitraṃ vai pāvamānya idaṃ vā idaṃ vyāhanasyāṃ vācam avādīttaddevapavitreṇaiva vācampunīte tā anuṣṭubho bhavanti vāgvā anuṣṭuptatsvenaiva chandasā vācampunīte
- 12
अव द्रप्सो अंशुमतीम् अतिष्ठद् इत्य् ऐन्द्राबार्हस्पत्यं तृचं शंसति
ava drapso aṃśumatīm atiṣṭhad ity aindrābārhaspatyaṃ tṛcaṃ śaṃsati
- 13
विशो अदेवीर् अभ्य् आचरन्तीर्बृहस्पतिना युजेन्द्रः ससाह इति
viśo adevīr abhy ācarantīrbṛhaspatinā yujendraḥ sasāha iti
- 14
असुरविशं ह वै देवान् अभ्य् उदाचार्य आसीत्स इन्द्रो बृहस्पतिनैव युजासुर्यं वर्णम् अभिदासन्तम् अपाहंस्तथैवैतद्यजमाना इन्द्राबृहस्पतिभ्याम् एव युजासुर्यं वर्णम् अभिदासन्तम् अपघ्नते
asuraviśaṃ ha vai devān abhy udācārya āsītsa indro bṛhaspatinaiva yujāsuryaṃ varṇam abhidāsantam apāhaṃstathaivaitadyajamānā indrābṛhaspatibhyām eva yujāsuryaṃ varṇam abhidāsantam apaghnate
- 15
तद् आहुः संशंसेत्षष्ठे ऽहान्न संशंसैत् इति संशंसेद् इत्य् आहुः कथम् अन्येष्व् अहस्सु संशंसति कथम् अत्र न संशंसेद् इत्य् अथो खल्व् आहुर्नैव संशंसेत्स्वर्गो वै लोकः षष्ठम् अहर् असमायी वै स्वर्गो लोकः कश्चिद्वै स्वर्गे लोके समेतीति स यत्संशंसेत्समानं तत्कुर्याद् अथ यन्न संशंसतीꣳ तत्स्वर्गस्य लोकस्य रूपं तस्मान्न संशंसेद्यद् एव न संशंसतीꣳ
tad āhuḥ saṃśaṃsetṣaṣṭhe 'hānna saṃśaṃsait iti saṃśaṃsed ity āhuḥ katham anyeṣv ahassu saṃśaṃsati katham atra na saṃśaṃsed ity atho khalv āhurnaiva saṃśaṃsetsvargo vai lokaḥ ṣaṣṭham ahar asamāyī vai svargo lokaḥ kaścidvai svarge loke sametīti sa yatsaṃśaṃsetsamānaṃ tatkuryād atha yanna saṃśaṃsatīm̐ tatsvargasya lokasya rūpaṃ tasmānna saṃśaṃsedyad eva na saṃśaṃsatīm̐
- 16
एतानि वा अत्रोक्थानि नाभानेदिष्ठो वालखिल्या वृषाकपिर् एवयामरुत्स यत्संशंसेद् अपैव स एतेषु कामं राध्नुयात्
etāni vā atrokthāni nābhānediṣṭho vālakhilyā vṛṣākapir evayāmarutsa yatsaṃśaṃsed apaiva sa eteṣu kāmaṃ rādhnuyāt
- 17
ऐन्द्रो वृषाकपिः सर्वाणि छन्दांस्य् ऐतशप्रलापस्तत्र स काम उपाप्तो य ऐन्द्रे जागते ऽथेदम् ऐन्द्राबार्हस्पत्यं सूक्तम् ऐन्द्राबार्हस्पत्या परिधानीया तस्मान्न संशंसेन्न संशंसेत्
aindro vṛṣākapiḥ sarvāṇi chandāṃsy aitaśapralāpastatra sa kāma upāpto ya aindre jāgate 'thedam aindrābārhaspatyaṃ sūktam aindrābārhaspatyā paridhānīyā tasmānna saṃśaṃsenna saṃśaṃset

