10 shlokas
- 1
अप प्राच इन्द्र विश्वाꣳ अमित्रान् इति मैत्रावरुणः पुरस्तात्सूक्तानाम् अहर् अहः शंसति
apa prāca indra viśvām̐ amitrān iti maitrāvaruṇaḥ purastātsūktānām ahar ahaḥ śaṃsati
- 2
अपापाचो अभिभूते नुदस्व अपोदीचो अप शूराधराच उरौ यथा तव शर्मन्मदेमेति
apāpāco abhibhūte nudasva apodīco apa śūrādharāca urau yathā tava śarmanmademeti
- 3
अभयस्य रूपम् अभयम् इव हि यन्न् इच्छति
abhayasya rūpam abhayam iva hi yann icchati
- 4
ब्रह्मणा ते ब्रह्मयुजा युनज्मीति ब्राह्मणाच्छंस्य् अहर् अहः शंसति युनज्मीति युक्तवती युक्त इव ह्य् अहीनो ऽहीनस्य रूपम्
brahmaṇā te brahmayujā yunajmīti brāhmaṇācchaṃsy ahar ahaḥ śaṃsati yunajmīti yuktavatī yukta iva hy ahīno 'hīnasya rūpam
- 5
उरुं नो लोकम् अनु नेषि विद्वान् इत्य् अछावाको ऽहरहः शंसत्य् अनु नेषीत्य् एतीव ह्य् अहीनो ऽहीनस्य रूपम्
uruṃ no lokam anu neṣi vidvān ity achāvāko 'harahaḥ śaṃsaty anu neṣīty etīva hy ahīno 'hīnasya rūpam
- 6
नेषीति सत्त्रायणरूपम्
neṣīti sattrāyaṇarūpam
- 7
ता वा एता अहर् अहः शस्यन्ते
tā vā etā ahar ahaḥ śasyante
- 8
समानीभिः परिदध्युः
samānībhiḥ paridadhyuḥ
- 9
ओकःसारी हैषाम् इन्द्रो यज्ञम्भवती३ं यथर्षभो वाशितां यथा वा गौः प्रज्ञातं गोष्ठम् एवं हैषाम् इन्द्रो यज्ञम् ऐव गच्छति
okaḥsārī haiṣām indro yajñambhavatī3ṃ yatharṣabho vāśitāṃ yathā vā gauḥ prajñātaṃ goṣṭham evaṃ haiṣām indro yajñam aiva gacchati
- 10
न शुनंहुवीययाहीनस्य परिदध्यात्क्षत्रियो ह राष्ट्राच्च्यवते यो हैव परो भवति तम् अभिह्वयति
na śunaṃhuvīyayāhīnasya paridadhyātkṣatriyo ha rāṣṭrāccyavate yo haiva paro bhavati tam abhihvayati

