7 shlokas
- 1
देवा ह वै सर्वचरौ सत्रं निषेदुस्ते ह पाप्मानं नापजघ्निरे तान्होवाचार्बुदः काद्रवेयः सर्पऋषिर्मन्त्रकृद् एका वै वो होत्राकृता तां वो ऽहं करवाण्य् अथ पाप्मानम् अपहनिष्यध्व इति ते ह तथेत्य् ऊचुस्तेषां ह स्म स मध्यंदिने मध्यंदिन एवोपोदासर्पन्ग्राव्णो ऽभिष्टौति
devā ha vai sarvacarau satraṃ niṣeduste ha pāpmānaṃ nāpajaghnire tānhovācārbudaḥ kādraveyaḥ sarpaṛṣirmantrakṛd ekā vai vo hotrākṛtā tāṃ vo 'haṃ karavāṇy atha pāpmānam apahaniṣyadhva iti te ha tathety ūcusteṣāṃ ha sma sa madhyaṃdine madhyaṃdina evopodāsarpangrāvṇo 'bhiṣṭauti
- 2
तस्मान्मध्यंदिने मध्यंदिन एव ग्राव्णो ऽभिष्टुवन्ति तदनुकृति
tasmānmadhyaṃdine madhyaṃdina eva grāvṇo 'bhiṣṭuvanti tadanukṛti
- 3
स ह येनोपोदासर्पत्तद्धाप्य् एतर्ह्य् अर्बुदोदासर्पणी नाम प्रपद् अस्ति
sa ha yenopodāsarpattaddhāpy etarhy arbudodāsarpaṇī nāma prapad asti
- 4
तान्ह राजा मदयांचकार ते होचुर् आशीविषो वै नो राजानम् अवेक्षते हन्तास्योष्णीषेणाक्ष्याव् अपिनह्यामेति तथेति तस्य होष्णीषेणाक्ष्याव् अपिनेहुस्तस्माद् उष्णीषम् एव पर्यस्य ग्राव्णो ऽभिष्टुवन्ति तदनुकृति
tānha rājā madayāṃcakāra te hocur āśīviṣo vai no rājānam avekṣate hantāsyoṣṇīṣeṇākṣyāv apinahyāmeti tatheti tasya hoṣṇīṣeṇākṣyāv apinehustasmād uṣṇīṣam eva paryasya grāvṇo 'bhiṣṭuvanti tadanukṛti
- 5
तान्ह राजा मदयाम् एव चकार ते होचुः स्वेन वै नो मन्त्रेण ग्राव्णो ऽभिष्टौतीति हन्तास्यान्याभिर् ऋग्भिर्मन्त्रम् आपृणचामेति तथेति तस्य हान्याभिर् ऋग्भिर्मन्त्रम् आपपृचुस्ततो हैनान्न मदयांचकार तद्यद् अस्यान्याभिर् ऋग्भिर्मन्त्रम् आपृञ्चन्ति शान्त्या एव
tānha rājā madayām eva cakāra te hocuḥ svena vai no mantreṇa grāvṇo 'bhiṣṭautīti hantāsyānyābhir ṛgbhirmantram āpṛṇacāmeti tatheti tasya hānyābhir ṛgbhirmantram āpapṛcustato hainānna madayāṃcakāra tadyad asyānyābhir ṛgbhirmantram āpṛñcanti śāntyā eva
- 6
ते ह पाप्मानम् अपजघ्निरे तेषाम् अन्व् अपहतिं सर्पाः पाप्मानम् अपजघ्निरे त एते ऽपहतपाप्मानो हित्वा पूर्वां जीर्णां त्वचं नवयैव प्रयन्ति
te ha pāpmānam apajaghnire teṣām anv apahatiṃ sarpāḥ pāpmānam apajaghnire ta ete 'pahatapāpmāno hitvā pūrvāṃ jīrṇāṃ tvacaṃ navayaiva prayanti
- 7
अप पाप्मानं हते य एवं वेद
apa pāpmānaṃ hate ya evaṃ veda

