7 shlokas
- 1
दूरोहणं रोहति तस्योक्तम्ब्राह्मणम्
dūrohaṇaṃ rohati tasyoktambrāhmaṇam
- 2
ऐन्द्रे पशुकामस्य रोहेद् ऐन्द्रा वै पशवः
aindre paśukāmasya rohed aindrā vai paśavaḥ
- 3
तज्जागतं स्याज्जागता वै पशवः
tajjāgataṃ syājjāgatā vai paśavaḥ
- 4
तन्महासूक्तं स्याद्भूयिष्ठेष्व् एव तत्पशुषु यजमानम्प्रतिष्ठापयति
tanmahāsūktaṃ syādbhūyiṣṭheṣv eva tatpaśuṣu yajamānampratiṣṭhāpayati
- 5
बरौ रोहेत्तन्महासूक्तं च जागतं च
barau rohettanmahāsūktaṃ ca jāgataṃ ca
- 6
ऐन्द्रावरुणे प्रतिष्ठाकामस्य रोहेद् एतद्देवता वा एषा होत्रैतत्प्रतिष्ठा यद् ऐन्द्रावरुणा तद् एनत्स्वायाम् एव प्रतिष्ठायाम् अन्ततः प्रतिष्ठापयति
aindrāvaruṇe pratiṣṭhākāmasya rohed etaddevatā vā eṣā hotraitatpratiṣṭhā yad aindrāvaruṇā tad enatsvāyām eva pratiṣṭhāyām antataḥ pratiṣṭhāpayati
- 7
यद् एवैन्द्रावरुणैषा ह वा अत्र निविन्निविदा वै कामा आप्यन्ते स यद्य् ऐन्द्रावरुणे रोहेत्सौपर्णे रोहेत्तद् उपाप्त ऐन्द्रावरुणे काम उपाप्तः सौपर्णे
yad evaindrāvaruṇaiṣā ha vā atra nivinnividā vai kāmā āpyante sa yady aindrāvaruṇe rohetsauparṇe rohettad upāpta aindrāvaruṇe kāma upāptaḥ sauparṇe

