9 shlokas
- 1
महानाम्नीष्व् अत्र स्तुवते शाक्वरेण साम्ना राथंतरे ऽहनि पञ्चमे ऽहनि पञ्चमस्याह्नो रूपम्
mahānāmnīṣv atra stuvate śākvareṇa sāmnā rāthaṃtare 'hani pañcame 'hani pañcamasyāhno rūpam
- 2
इन्द्रो वा एताभिर्महान् आत्मानं निरमिमीत तस्मान्महानाम्न्यो ऽथो इमे वै लोका महानाम्न्य इमे महान्तः
indro vā etābhirmahān ātmānaṃ niramimīta tasmānmahānāmnyo 'tho ime vai lokā mahānāmnya ime mahāntaḥ
- 3
इमान्वै लोकान्प्रजापतिः सृष्ट्वेदं सर्वम् अशक्नोद्यद् इदम्किंच यद् इमांल्लोकान्प्रजापतिः सृष्ट्वेदं सर्वम् अशक्नोद्यद् इदं किंच तच्छक्वर्यो ऽभवंस्तच्छक्वरीणां शक्वरीत्वम्
imānvai lokānprajāpatiḥ sṛṣṭvedaṃ sarvam aśaknodyad idamkiṃca yad imāṃllokānprajāpatiḥ sṛṣṭvedaṃ sarvam aśaknodyad idaṃ kiṃca tacchakvaryo 'bhavaṃstacchakvarīṇāṃ śakvarītvam
- 4
ता ऊर्ध्वाः सीम्नो ऽभ्यसृजत यद् ऊर्ध्वाः सीम्नो ऽभ्यसृजत तत्सिमा अभवंस्तत्सिमानां सिमात्वम्
tā ūrdhvāḥ sīmno 'bhyasṛjata yad ūrdhvāḥ sīmno 'bhyasṛjata tatsimā abhavaṃstatsimānāṃ simātvam
- 5
स्वादोर् इत्था विषूवत उप नो हरिभिः सुतम् इन्द्रं विश्वा अवीवृधन्न् इत्य् अनुरूपो वृषण्वान्पृश्निमान्मद्वान्वृधन्वान्पञ्चमे ऽहनि पञ्चमस्याह्नो रूपम्
svādor itthā viṣūvata upa no haribhiḥ sutam indraṃ viśvā avīvṛdhann ity anurūpo vṛṣaṇvānpṛśnimānmadvānvṛdhanvānpañcame 'hani pañcamasyāhno rūpam
- 6
यद्वावानेति धाय्याच्युता
yadvāvāneti dhāyyācyutā
- 7
अभि त्वा शूर नोनुम इति रथंतरस्य योनिम् अनु निवर्तयति राथंतरं ह्य् एतद् अहर् आयतनेन
abhi tvā śūra nonuma iti rathaṃtarasya yonim anu nivartayati rāthaṃtaraṃ hy etad ahar āyatanena
- 8
मो षु त्वा वाघतश्चनेति सामप्रगाथो ऽध्यासवान्पशुरूपम्पञ्चमे ऽहनि पञ्चमस्याह्नो रूपम्
mo ṣu tvā vāghataścaneti sāmapragātho 'dhyāsavānpaśurūpampañcame 'hani pañcamasyāhno rūpam
- 9
त्यम् ऊ षु वाजिनं देवजूतम् इति तार्क्ष्यो ऽच्युतः
tyam ū ṣu vājinaṃ devajūtam iti tārkṣyo 'cyutaḥ

