18 shlokas
- 1
द्यौर्वै देवता षष्ठम् अहर्वहति त्रयस्त्रिंशः स्तोमो रैवतं सामातिछन्दाश्छन्दो यथादेवतम् एनेन यथास्तोमं यथासाम यथाछन्दसं राध्नोति य एवं वेद
dyaurvai devatā ṣaṣṭham aharvahati trayastriṃśaḥ stomo raivataṃ sāmātichandāśchando yathādevatam enena yathāstomaṃ yathāsāma yathāchandasaṃ rādhnoti ya evaṃ veda
- 2
यद्वै समानोदर्कं तत्षष्ठस्याह्नो रूपं यद्ध्येव तृतीयम् अहस्तद् एतत्पुनर्यत्षष्ठं यद् अश्ववद्यद् अन्तवद्यत्पुनरावृत्तं यत्पुनर्निनृत्तं यद्रतवद्यत्पर्यस्तवद्यत्त्रिवद्यद् अन्तरूपं यद् उत्तमे पदे देवता निरुच्यते यद् असौ लोको ऽभ्युदितः
yadvai samānodarkaṃ tatṣaṣṭhasyāhno rūpaṃ yaddhyeva tṛtīyam ahastad etatpunaryatṣaṣṭhaṃ yad aśvavadyad antavadyatpunarāvṛttaṃ yatpunarninṛttaṃ yadratavadyatparyastavadyattrivadyad antarūpaṃ yad uttame pade devatā nirucyate yad asau loko 'bhyuditaḥ
- 3
यत्पारुच्छेपं यत्सप्तपदं यन्नाराशंसं यन्नाभानेदिष्ठं यद्रैवतं यद् अतिछन्दा यत्कृतं यत्तृतीयस्याह्नो रूपं एतानि वै षष्ठस्याह्नो रूपाणि
yatpārucchepaṃ yatsaptapadaṃ yannārāśaṃsaṃ yannābhānediṣṭhaṃ yadraivataṃ yad atichandā yatkṛtaṃ yattṛtīyasyāhno rūpaṃ etāni vai ṣaṣṭhasyāhno rūpāṇi
- 4
अयं जायत मनुषो धरीमणीति षष्ठस्याह्न आज्यम्भवति पारुच्छेपम् अतिछन्दाः सप्तपदं षष्ठे ऽहनि षष्ठस्याह्नो रूपम्
ayaṃ jāyata manuṣo dharīmaṇīti ṣaṣṭhasyāhna ājyambhavati pārucchepam atichandāḥ saptapadaṃ ṣaṣṭhe 'hani ṣaṣṭhasyāhno rūpam
- 5
स्तीर्णम्बर्हिर् उप नो याहि वीतय आ वां रथो नियुत्वान्वक्षद् अवसे सुषुमा यातम् अद्रिभिर्युवां स्तोमेभिर्देवयन्तो अश्विना वर्मह इन्द्र वृषन्न् इन्द्रास्तु श्रौषᄆ ओ षू णो अग्ने शृणुहि त्वम् ईᄆइतो ये देवासो दिव्य् एकादश स्थेयम् अददाद्रभसम् ऋणच्युतम् इति प्रौगम्पारुच्छेपम् अतिछन्दाः सप्तपदं षष्ठे ऽहनि षष्ठस्याह्नो रूपम्
stīrṇambarhir upa no yāhi vītaya ā vāṃ ratho niyutvānvakṣad avase suṣumā yātam adribhiryuvāṃ stomebhirdevayanto aśvinā varmaha indra vṛṣann indrāstu śrauṣaᄆ o ṣū ṇo agne śṛṇuhi tvam īᄆito ye devāso divy ekādaśa stheyam adadādrabhasam ṛṇacyutam iti praugampārucchepam atichandāḥ saptapadaṃ ṣaṣṭhe 'hani ṣaṣṭhasyāhno rūpam
- 6
स पूर्व्यो महानाम् इति मरुत्वतीयस्य प्रतिपद् अन्तो वै महद् अन्तः षष्ठम् अहः षष्ठे ऽहनि षष्ठस्याह्नो रूपम्
sa pūrvyo mahānām iti marutvatīyasya pratipad anto vai mahad antaḥ ṣaṣṭham ahaḥ ṣaṣṭhe 'hani ṣaṣṭhasyāhno rūpam
- 7
त्रय इन्द्रस्य सोमा इन्द्र नेदीय एद् इहि प्र नूनम्ब्रह्मणस्पतिर् अग्निर्नेता त्वं सोम क्रतुभिः पिन्वन्त्य् अपो नकिः सुदासो रथम् इति तृतीयेनाह्ना समान आतानः षष्ठे ऽहनि षष्ठस्याह्नो रूपम्
traya indrasya somā indra nedīya ed ihi pra nūnambrahmaṇaspatir agnirnetā tvaṃ soma kratubhiḥ pinvanty apo nakiḥ sudāso ratham iti tṛtīyenāhnā samāna ātānaḥ ṣaṣṭhe 'hani ṣaṣṭhasyāhno rūpam
- 8
यं त्वं रथम् इन्द्र मेधसातय इति सूक्तम्पारुच्छेपम् अतिछन्दाः सप्तपदं षष्ठे ऽहनि षष्ठस्याह्नो रूपम्
yaṃ tvaṃ ratham indra medhasātaya iti sūktampārucchepam atichandāḥ saptapadaṃ ṣaṣṭhe 'hani ṣaṣṭhasyāhno rūpam
- 9
स यो वृषा वृष्ण्येभिः समोका इति सूक्तं समानोदर्कं षष्ठे ऽहनि षष्ठस्याह्नो रूपम्
sa yo vṛṣā vṛṣṇyebhiḥ samokā iti sūktaṃ samānodarkaṃ ṣaṣṭhe 'hani ṣaṣṭhasyāhno rūpam
- 10
इन्द्र मरुत्व इह पाहि सोमम् इति सूक्तं तेभिः साकम्पिबतु वृत्रखाद इत्य् अन्तो वै खादो ऽन्तः षष्ठम् अहः षष्ठे ऽहनि षष्ठस्याह्नो रूपम्
indra marutva iha pāhi somam iti sūktaṃ tebhiḥ sākampibatu vṛtrakhāda ity anto vai khādo 'ntaḥ ṣaṣṭham ahaḥ ṣaṣṭhe 'hani ṣaṣṭhasyāhno rūpam
- 11
तद् उ त्रैष्टुभं तेन प्रतिष्ठितपदेन सवनं दाधारायतनाद् एवैतेन न प्रच्यवते
tad u traiṣṭubhaṃ tena pratiṣṭhitapadena savanaṃ dādhārāyatanād evaitena na pracyavate
- 12
अयं ह येन वा इदम् इति पर्यासः स्वर्मरुत्वता जितम् इत्य् अन्तो वै जितम् अन्तः षष्ठम् अहः षष्ठे ऽहनि षष्ठस्याह्नो रूपम्
ayaṃ ha yena vā idam iti paryāsaḥ svarmarutvatā jitam ity anto vai jitam antaḥ ṣaṣṭham ahaḥ ṣaṣṭhe 'hani ṣaṣṭhasyāhno rūpam
- 13
ता उ गायत्र्यो गायत्र्यो वा एतस्य त्र्यहस्य मध्यंदिनं वहन्ति तद्वै तच्छन्दो वहति यस्मिन्निविद्धीयते तस्माद्गायत्रीषु निविदं दधाति
tā u gāyatryo gāyatryo vā etasya tryahasya madhyaṃdinaṃ vahanti tadvai tacchando vahati yasminnividdhīyate tasmādgāyatrīṣu nividaṃ dadhāti
- 14
रेवतीर्नः सधमादे रेवाꣳ इद्रेवत स्तोतेति रैवतम्पृष्ठम्भवति बार्हते ऽहनि षष्ठे ऽहनि षष्ठस्याह्नो रूपम्
revatīrnaḥ sadhamāde revām̐ idrevata stoteti raivatampṛṣṭhambhavati bārhate 'hani ṣaṣṭhe 'hani ṣaṣṭhasyāhno rūpam
- 15
यद्वावानेति धाय्याच्युता
yadvāvāneti dhāyyācyutā
- 16
त्वाम् इद्धि हवामह इति बृहतो योनिम् अनु निवर्तयति बार्हतं ह्य् एतद् अहर् आयतनेन
tvām iddhi havāmaha iti bṛhato yonim anu nivartayati bārhataṃ hy etad ahar āyatanena
- 17
इन्द्रम् इद्देवतातय इति सामप्रगाथो निनृत्तवान्षष्ठे ऽहनि षष्ठस्याह्नो रूपम्
indram iddevatātaya iti sāmapragātho ninṛttavānṣaṣṭhe 'hani ṣaṣṭhasyāhno rūpam
- 18
त्यम् ऊ षु वाजिनं देवजूतम् इति तार्क्ष्यो ऽच्युतः
tyam ū ṣu vājinaṃ devajūtam iti tārkṣyo 'cyutaḥ

