8 shlokas
- 1
उद्धराहवनीयम् इत्य् अपराह्ण आह यद् एवाह्ना साधु करोति तद् एव तत्प्राङ् उद्धृत्य तदभये निधत्ते
uddharāhavanīyam ity aparāhṇa āha yad evāhnā sādhu karoti tad eva tatprāṅ uddhṛtya tadabhaye nidhatte
- 2
उद्धराहवनीयम् इति प्रातर् आह यद् एव रात्र्या साधु करोति तद् एव तत्प्राङ् उद्धृत्य तदभये निधत्ते
uddharāhavanīyam iti prātar āha yad eva rātryā sādhu karoti tad eva tatprāṅ uddhṛtya tadabhaye nidhatte
- 3
यज्ञो वा आहवनीयः स्वर्गो लोक आहवनीयः
yajño vā āhavanīyaḥ svargo loka āhavanīyaḥ
- 4
यज्ञ एव तत्स्वर्गे लोके स्वर्गं लोकं निधत्ते य एवं वेद
yajña eva tatsvarge loke svargaṃ lokaṃ nidhatte ya evaṃ veda
- 5
यो वा अग्निहोत्रं वैश्वदेवं षोᄆअशकलम्पशुषु प्रतिष्ठितं वेद वैश्वदेवेनाग्निहोत्रेण षोᄆअशकलेन पशुषु प्रतिष्ठितेन राध्नोति
yo vā agnihotraṃ vaiśvadevaṃ ṣoᄆaśakalampaśuṣu pratiṣṭhitaṃ veda vaiśvadevenāgnihotreṇa ṣoᄆaśakalena paśuṣu pratiṣṭhitena rādhnoti
- 6
रौद्रं गवि सद्वायव्यम् उपावसृष्टम् आश्विनं दुह्यमानं सौम्यं दुग्धं वारुणम् अधिश्रितम्पौष्णं समुदन्तम्मारुतं विष्यन्दमानं वैश्वदेवम्बिन्दुमन्मैत्रं शरोगृहीतं द्यावापृथिवीयम् उद्वासितं सावित्रम्प्रक्रान्तं वैष्णवं ह्रियमाणम्बार्हस्पत्यम् उपसन्नम् अग्नेः पूर्वाहुतिः प्रजापतेर् उत्तरैन्द्रं हुतम्
raudraṃ gavi sadvāyavyam upāvasṛṣṭam āśvinaṃ duhyamānaṃ saumyaṃ dugdhaṃ vāruṇam adhiśritampauṣṇaṃ samudantammārutaṃ viṣyandamānaṃ vaiśvadevambindumanmaitraṃ śarogṛhītaṃ dyāvāpṛthivīyam udvāsitaṃ sāvitramprakrāntaṃ vaiṣṇavaṃ hriyamāṇambārhaspatyam upasannam agneḥ pūrvāhutiḥ prajāpater uttaraindraṃ hutam
- 7
एतद्वा अग्निहोत्रं वैश्वदेवं षोᄆअशकलम्पशुषु प्रतिष्ठितम्
etadvā agnihotraṃ vaiśvadevaṃ ṣoᄆaśakalampaśuṣu pratiṣṭhitam
- 8
वैश्वदेवेनाग्निहोत्रेण षोᄆअशकलेन पशुषु प्रतिष्ठितेन राध्नोति य एवं वेद
vaiśvadevenāgnihotreṇa ṣoᄆaśakalena paśuṣu pratiṣṭhitena rādhnoti ya evaṃ veda

