9 shlokas
- 1
तान्य् एतानि सहचराण्य् इत्य् आचक्षते नाभानेदिष्ठं वालखिल्या वृषाकपिम् एवयामरुतं तानि सहैव शंसेत्
tāny etāni sahacarāṇy ity ācakṣate nābhānediṣṭhaṃ vālakhilyā vṛṣākapim evayāmarutaṃ tāni sahaiva śaṃset
- 2
यद् एषाम् अन्तरियात्तद्यजमानस्यान्तरियात्
yad eṣām antariyāttadyajamānasyāntariyāt
- 3
यदि नाभानेदिष्ठं रेतो ऽस्यान्तरियाद्यदि वालखिल्याः प्राणान् अस्यान्तरियाद्यदि वृषाकपिम् आत्मानम् अस्यान्तरियाद्यद्य् एवयामरुतम्प्रतिष्ठाया एनं च्यावयेद्दैव्यै च मानुष्यै च
yadi nābhānediṣṭhaṃ reto 'syāntariyādyadi vālakhilyāḥ prāṇān asyāntariyādyadi vṛṣākapim ātmānam asyāntariyādyady evayāmarutampratiṣṭhāyā enaṃ cyāvayeddaivyai ca mānuṣyai ca
- 5
अहश्च कृष्णम् अहर् अर्जुनं चेत्य् आग्निमारुतस्य प्रतिपद् अहश्चाहश्चेति पुनरावृत्तम्पुनर्निनृत्तं षष्ठे ऽहनि षष्ठस्याह्नो रूपम्
ahaśca kṛṣṇam ahar arjunaṃ cety āgnimārutasya pratipad ahaścāhaśceti punarāvṛttampunarninṛttaṃ ṣaṣṭhe 'hani ṣaṣṭhasyāhno rūpam
- 6
मध्वो वो नाम मारुतं यजत्रा इति मारुतम्बह्वभिव्याहृत्यम् अन्तो वै बह्व् अन्तः षष्ठम् अहः षष्ठे ऽहनि षष्ठस्याह्नो रूपम्
madhvo vo nāma mārutaṃ yajatrā iti mārutambahvabhivyāhṛtyam anto vai bahv antaḥ ṣaṣṭham ahaḥ ṣaṣṭhe 'hani ṣaṣṭhasyāhno rūpam
- 7
जातवेदसे सुनवाम सोमम् इति जातवेदस्याच्युता
jātavedase sunavāma somam iti jātavedasyācyutā
- 8
स प्रत्नथा सहसा जायमान इति जातवेदस्यं समानोदर्कं षष्ठे ऽहनि षष्ठस्याह्नो रूपम्
sa pratnathā sahasā jāyamāna iti jātavedasyaṃ samānodarkaṃ ṣaṣṭhe 'hani ṣaṣṭhasyāhno rūpam
- 9
धारयन्धारयन्न् इति शंसति प्रस्रंसाद्वा अन्तस्य बिभाय तद्यथा पुनराग्रन्थम्पुनर्निग्रन्थम् अन्तम्बध्नीयान्मयूखं वान्ततो धारणाय निहन्यात्तादृक्तद्यद्धारयन्धारयन्न् इति शंसति संतत्यै
dhārayandhārayann iti śaṃsati prasraṃsādvā antasya bibhāya tadyathā punarāgranthampunarnigrantham antambadhnīyānmayūkhaṃ vāntato dhāraṇāya nihanyāttādṛktadyaddhārayandhārayann iti śaṃsati saṃtatyai
- 10
संततैस्त्र्यहैर् अव्यवच्छिन्नैर्यन्ति य एवं विद्वांसो यन्ति यन्ति
saṃtataistryahair avyavacchinnairyanti ya evaṃ vidvāṃso yanti yanti

