4 shlokas
- 1
तद् आहुर्महावदाः यद् ऋचैव हौत्रं क्रियते यजुषाध्वर्यवं साम्नोद्गीथं व्यारब्धा त्रयी विद्या भवत्य् अथ केन ब्रह्मत्वं क्रियत इति त्रय्या विद्ययेति ब्रूयात्
tad āhurmahāvadāḥ yad ṛcaiva hautraṃ kriyate yajuṣādhvaryavaṃ sāmnodgīthaṃ vyārabdhā trayī vidyā bhavaty atha kena brahmatvaṃ kriyata iti trayyā vidyayeti brūyāt
- 2
अयं वै यज्ञो यो ऽयं पवते तस्य वाक्च मनश्च वर्तन्यौ वाचा च हि मनसा च यज्ञो वर्तत इयं वै वाग् अदो मनस्तद्वाचा त्रय्या विद्ययैकम्पक्षं संस्कुर्वन्ति मनसैव ब्रह्मा संस्करोति
ayaṃ vai yajño yo 'yaṃ pavate tasya vākca manaśca vartanyau vācā ca hi manasā ca yajño vartata iyaṃ vai vāg ado manastadvācā trayyā vidyayaikampakṣaṃ saṃskurvanti manasaiva brahmā saṃskaroti
- 3
ते हैके ब्रह्माण उपाकृते प्रातरनुवाके स्तोमभागाञ्जपित्वा भाषमाणा उपासते तद्धैतद् उवाच ब्राह्मण उपाकृते प्रातरनुवाके ब्रह्माणम्भाषमाणं दृष्ट्वार्धम् अस्य यज्ञस्यान्तरगुर् इति तद्यथैकपात्पुरुषो यन्न् एकतश्चक्रो वा रथो वर्तमानो भ्रेषं न्येत्य् एवम् एव स यज्ञो भ्रेषं न्येति यज्ञस्य भ्रेषम् अनु यजमानो भ्रेषं न्येति
te haike brahmāṇa upākṛte prātaranuvāke stomabhāgāñjapitvā bhāṣamāṇā upāsate taddhaitad uvāca brāhmaṇa upākṛte prātaranuvāke brahmāṇambhāṣamāṇaṃ dṛṣṭvārdham asya yajñasyāntaragur iti tadyathaikapātpuruṣo yann ekataścakro vā ratho vartamāno bhreṣaṃ nyety evam eva sa yajño bhreṣaṃ nyeti yajñasya bhreṣam anu yajamāno bhreṣaṃ nyeti
- 4
तस्माद्ब्रह्मोपाकृते प्रातरनुवाके वाचंयमः स्याद् ओपांश्वन्तर्यामयोर्होमाद् उपाकृतेषु पवमानेष्व् ओदृचो ऽथ यानि स्तोत्राणि सशस्त्राण्य् आ तेषां वषट्काराद्वाचंयम एव स्यात्तद्यथोभयतःपात्पुरुषो यन्न् उभयतश्चक्रो वा रथो वर्तमानो न रिष्यत्य् एवम् एव स यज्ञो न रिष्यति यज्ञस्यारिष्टिम् अनु यजमानो न रिष्यति
tasmādbrahmopākṛte prātaranuvāke vācaṃyamaḥ syād opāṃśvantaryāmayorhomād upākṛteṣu pavamāneṣv odṛco 'tha yāni stotrāṇi saśastrāṇy ā teṣāṃ vaṣaṭkārādvācaṃyama eva syāttadyathobhayataḥpātpuruṣo yann ubhayataścakro vā ratho vartamāno na riṣyaty evam eva sa yajño na riṣyati yajñasyāriṣṭim anu yajamāno na riṣyati

