12 shlokas
- 1
एन्द्र याह्य् उप नः परावत इति सूक्तम्पारुच्छेपम् अतिछन्दाः सप्तपदं षष्ठे ऽहनि षष्ठस्याह्नो रूपम्
endra yāhy upa naḥ parāvata iti sūktampārucchepam atichandāḥ saptapadaṃ ṣaṣṭhe 'hani ṣaṣṭhasyāhno rūpam
- 2
प्र घा न्व् अस्य महतो महानीति सूक्तं समानोदर्कं षष्ठे ऽहनि षष्ठस्याह्नो रूपम्
pra ghā nv asya mahato mahānīti sūktaṃ samānodarkaṃ ṣaṣṭhe 'hani ṣaṣṭhasyāhno rūpam
- 3
अभूर् एको रयिपते रयीणाम् इति सूक्तं रथम् आ तिष्ठ तुविनृम्ण भीमम् इत्य् अन्तो वै स्थितम् अन्तः षष्ठम् अहः षष्ठे ऽहनि षष्ठस्याह्नो रूपम्
abhūr eko rayipate rayīṇām iti sūktaṃ ratham ā tiṣṭha tuvinṛmṇa bhīmam ity anto vai sthitam antaḥ ṣaṣṭham ahaḥ ṣaṣṭhe 'hani ṣaṣṭhasyāhno rūpam
- 4
तद् उ त्रैष्टुभं तेन प्रतिष्ठितपदेन सवनं दाधारायतनाद् एवैतेन न प्रच्यवते
tad u traiṣṭubhaṃ tena pratiṣṭhitapadena savanaṃ dādhārāyatanād evaitena na pracyavate
- 5
उप नो हरिभिः सुतम् इति पर्यासः समानोदर्कः षष्ठे ऽहनि षष्ठस्याह्नो रूपम्
upa no haribhiḥ sutam iti paryāsaḥ samānodarkaḥ ṣaṣṭhe 'hani ṣaṣṭhasyāhno rūpam
- 6
ता उ गायत्र्यो गायत्र्यो वा एतस्य त्र्यहस्य मध्यंदिनं वहन्ति तद्वै तच्छन्दो वहति यस्मिन्निविद्धीयते तस्माद्गायत्रीषु निविदं दधाति
tā u gāyatryo gāyatryo vā etasya tryahasya madhyaṃdinaṃ vahanti tadvai tacchando vahati yasminnividdhīyate tasmādgāyatrīṣu nividaṃ dadhāti
- 7
अभि त्यं देवं सवितारम् ओण्योर् इति वैश्वदेवस्य प्रतिपद् अतिछन्दाः षष्ठे ऽहनि षष्ठस्याह्नो रूपम्
abhi tyaṃ devaṃ savitāram oṇyor iti vaiśvadevasya pratipad atichandāḥ ṣaṣṭhe 'hani ṣaṣṭhasyāhno rūpam
- 8
तत्सवितुर्वरेण्यं दोषो आगाद् इत्य् अनुचरो ऽन्तो वै गतम् अन्तः षष्ठम् अहः षष्ठे ऽहनि षष्ठस्याह्नो रूपम्
tatsaviturvareṇyaṃ doṣo āgād ity anucaro 'nto vai gatam antaḥ ṣaṣṭham ahaḥ ṣaṣṭhe 'hani ṣaṣṭhasyāhno rūpam
- 9
उद् उ ष्य देवः सविता सवायेति सावित्रं शश्वत्तमं तदपा वह्निर् अस्थाद् इत्य् अन्तो वै स्थितम् अन्तः षष्ठम् अहः षष्ठे ऽहनि षष्ठस्याह्नो रूपम्
ud u ṣya devaḥ savitā savāyeti sāvitraṃ śaśvattamaṃ tadapā vahnir asthād ity anto vai sthitam antaḥ ṣaṣṭham ahaḥ ṣaṣṭhe 'hani ṣaṣṭhasyāhno rūpam
- 10
कतरा पूर्वा कतरापरायोर् इति द्यावापृथिवीयं समानोदर्कं षष्ठे ऽहनि षष्ठस्याह्नो रूपम्
katarā pūrvā katarāparāyor iti dyāvāpṛthivīyaṃ samānodarkaṃ ṣaṣṭhe 'hani ṣaṣṭhasyāhno rūpam
- 11
किम् उ श्रेष्ठः किं यविष्ठो न आजगन्न् उप नो वाजा अध्वरम् ऋभुक्षा इत्य् आर्भवं नाराशंसं त्रिवत्षष्ठे ऽहनि षष्ठस्याह्नो रूपम्
kim u śreṣṭhaḥ kiṃ yaviṣṭho na ājagann upa no vājā adhvaram ṛbhukṣā ity ārbhavaṃ nārāśaṃsaṃ trivatṣaṣṭhe 'hani ṣaṣṭhasyāhno rūpam
- 12
इदम् इत्था रौद्रं गूर्तवचा ये यज्ञेन दक्षिणया समक्ता इति वैश्वदेवम्
idam itthā raudraṃ gūrtavacā ye yajñena dakṣiṇayā samaktā iti vaiśvadevam

