19 shlokas
- 1
अपूर्व्या पुरुतमान्य् अस्मा इति सूक्तम्महे वीराय तवसे तुरायेति महद्वद् अष्टमे ऽहनि अष्टमस्याह्नो रूपं तां सु ते कीर्तिम्मघवन्महित्वेति सूक्तम्महद्वद् अष्टमे ऽहनि अष्टमस्याह्नो रूपं त्वम्महाꣳ इन्द्र यो ह शुष्मैर् इति सूक्तम्महद्वद् अष्टमे ऽहनि अष्टमस्याह्नो रूपं त्वम्महाꣳ इन्द्र तुभ्यं ह क्षा इति सूक्तम्महद्वद् अष्टमे ऽहन्य् अष्टमस्याह्नो रूपम्
apūrvyā purutamāny asmā iti sūktammahe vīrāya tavase turāyeti mahadvad aṣṭame 'hani aṣṭamasyāhno rūpaṃ tāṃ su te kīrtimmaghavanmahitveti sūktammahadvad aṣṭame 'hani aṣṭamasyāhno rūpaṃ tvammahām̐ indra yo ha śuṣmair iti sūktammahadvad aṣṭame 'hani aṣṭamasyāhno rūpaṃ tvammahām̐ indra tubhyaṃ ha kṣā iti sūktammahadvad aṣṭame 'hany aṣṭamasyāhno rūpam
- 2
तद् उ त्रैष्टुभं तेन प्रतिष्ठितपदेन सवनं दाधारायतनाद् एवैतेन न प्रच्यवते
tad u traiṣṭubhaṃ tena pratiṣṭhitapadena savanaṃ dādhārāyatanād evaitena na pracyavate
- 3
दिवश्चिद् अस्य वरिमा वि पप्रथ इति सूक्तम् इन्द्रं न मह्नेति महद्वद् अष्टमे ऽहनि अष्टमस्याह्नो रूपम्
divaścid asya varimā vi papratha iti sūktam indraṃ na mahneti mahadvad aṣṭame 'hani aṣṭamasyāhno rūpam
- 4
तद् उ जागतं जगत्यो वा एतस्य त्र्यहस्य मध्यंदिनं वहन्ति तद्वै तच्छन्दो वहति यस्मिन्निविद्धीयते तस्माज्जगतीषु निविदं दधाति
tad u jāgataṃ jagatyo vā etasya tryahasya madhyaṃdinaṃ vahanti tadvai tacchando vahati yasminnividdhīyate tasmājjagatīṣu nividaṃ dadhāti
- 5
मिथुनानि सूक्तानि शस्यन्ते त्रैष्टुभानि च जागतानि च मिथुनं वै पशवः पशवश्छन्दोमाः पशूनाम् अवरुद्ध्यै
mithunāni sūktāni śasyante traiṣṭubhāni ca jāgatāni ca mithunaṃ vai paśavaḥ paśavaśchandomāḥ paśūnām avaruddhyai
- 6
महद्वन्ति सूक्तानि शस्यन्ते महद्वा अन्तरिक्षम् अन्तरिक्षस्याप्त्यै पञ्च पञ्च सूक्तानि शस्यन्ते पञ्चपदा पङ्क्तिः पाङ्क्तो यज्ञः पाङ्क्ताः पशवः पशवश्छन्दोमाः पशूनाम् अवरुद्ध्यै
mahadvanti sūktāni śasyante mahadvā antarikṣam antarikṣasyāptyai pañca pañca sūktāni śasyante pañcapadā paṅktiḥ pāṅkto yajñaḥ pāṅktāḥ paśavaḥ paśavaśchandomāḥ paśūnām avaruddhyai
- 7
तानि द्वेधा पञ्चान्यानि पञ्चान्यानि दश सम्पद्यन्ते सा दशिनी विराᄆ अन्नम्विराᄆ अन्नम्पशवः पशवश्छन्दोमाः पशूनाम् अवरुद्ध्यै
tāni dvedhā pañcānyāni pañcānyāni daśa sampadyante sā daśinī virāᄆ annamvirāᄆ annampaśavaḥ paśavaśchandomāḥ paśūnām avaruddhyai
- 8
विश्वो देवस्य नेतुस्तत्सवितुर्वरेण्यम् आ विश्वदेवं सत्पतिम् इति वैश्वदेवस्य प्रतिपदनुचरौ बार्हते ऽहनि अष्टमे ऽहनि अष्टमस्याह्नो रूपम्
viśvo devasya netustatsaviturvareṇyam ā viśvadevaṃ satpatim iti vaiśvadevasya pratipadanucarau bārhate 'hani aṣṭame 'hani aṣṭamasyāhno rūpam
- 9
हिरण्यपाणिम् ऊतय इति सावित्रम् ऊर्ध्ववद् अष्टमे ऽहन्य् अष्टमस्याह्नो रूपम्
hiraṇyapāṇim ūtaya iti sāvitram ūrdhvavad aṣṭame 'hany aṣṭamasyāhno rūpam
- 10
मही द्यौः पृथिवी च न इति द्यावापृथिवीयम्महद्वद् अष्टमे ऽहनि अष्टमस्याह्नो रूपम्
mahī dyauḥ pṛthivī ca na iti dyāvāpṛthivīyammahadvad aṣṭame 'hani aṣṭamasyāhno rūpam
- 11
युवाना पितरा पुनर् इत्य् आर्भवम्पुनर्वद् अष्टमे ऽहनि अष्टमस्याह्नो रूपम्
yuvānā pitarā punar ity ārbhavampunarvad aṣṭame 'hani aṣṭamasyāhno rūpam
- 12
इमा नु कम्भुवना सीषधामेति द्विपदाः शंसति द्विपाद्वै पुरुषश्चतुष्पादाः पशवः पशवश्छन्दोमाः पशूनाम् अवरुद्ध्यै तद्यद्द्विपदाः शंसति यजमानम् एव तद्द्विप्रतिष्ठं चतुष्पात्सु पशुषु प्रतिष्ठापयति
imā nu kambhuvanā sīṣadhāmeti dvipadāḥ śaṃsati dvipādvai puruṣaścatuṣpādāḥ paśavaḥ paśavaśchandomāḥ paśūnām avaruddhyai tadyaddvipadāḥ śaṃsati yajamānam eva taddvipratiṣṭhaṃ catuṣpātsu paśuṣu pratiṣṭhāpayati
- 13
देवानाम् इद् अवो महद् इति वैश्वदेवम्महद्वद् अष्टमे ऽहन्य् अष्टमस्याह्नो रूपम्
devānām id avo mahad iti vaiśvadevammahadvad aṣṭame 'hany aṣṭamasyāhno rūpam
- 14
तान्य् उ गायत्राणि गायत्रतृतीयसवन एष त्र्यहः
tāny u gāyatrāṇi gāyatratṛtīyasavana eṣa tryahaḥ
- 15
ऋतावानं वैश्वानरम् इत्य् आग्निमारुतस्य प्रतिपद् अग्निर्वैश्वानरो महान् इति महद्वद् अष्टमे ऽहन्यष्टमस्याह्नो रूपम्
ṛtāvānaṃ vaiśvānaram ity āgnimārutasya pratipad agnirvaiśvānaro mahān iti mahadvad aṣṭame 'hanyaṣṭamasyāhno rūpam
- 16
क्रीᄆअं वः शर्धो मारुतम् इति मारुतं जम्भे रसस्य वावृध इति वृधन्वद् अष्टमे ऽहन्य् अष्टमस्याह्नो रूपम्
krīᄆaṃ vaḥ śardho mārutam iti mārutaṃ jambhe rasasya vāvṛdha iti vṛdhanvad aṣṭame 'hany aṣṭamasyāhno rūpam
- 17
जातवेदसे सुनवाम सोमम् इति जातवेदस्याच्युता
jātavedase sunavāma somam iti jātavedasyācyutā
- 18
अग्ने मृᄆअ महाꣳ असीति जातवेदस्यम्महद्वद् अष्टमे ऽहन्यष्टमस्याह्नो रूपम्
agne mṛᄆa mahām̐ asīti jātavedasyammahadvad aṣṭame 'hanyaṣṭamasyāhno rūpam
- 19
तान्य् उ गायत्राणि गायत्रतृतीयसवन एष त्र्यह एष त्र्यहः
tāny u gāyatrāṇi gāyatratṛtīyasavana eṣa tryaha eṣa tryahaḥ

