16 shlokas
- 1
पृष्ठ्यं षᄆअहम् उपयन्ति यथा वै मुखम् एवम्पृष्ठ्यः षᄆअहस्तद्यथान्तरम्मुखस्य जिह्वा तालु दन्ता एवं छन्दोमा अथ येनैव वाचं व्याकरोति येन स्वादु चास्वादु च विजानाति तद्दशमम् अहः
pṛṣṭhyaṃ ṣaᄆaham upayanti yathā vai mukham evampṛṣṭhyaḥ ṣaᄆahastadyathāntarammukhasya jihvā tālu dantā evaṃ chandomā atha yenaiva vācaṃ vyākaroti yena svādu cāsvādu ca vijānāti taddaśamam ahaḥ
- 2
यथा वै नासिके एवम्पृष्ठ्यः षᄆअहस्तद्यथान्तरम्नासिकयोर् एवं छन्दोमा अथ येनैव गन्धान्विजानाति तद्दशमम् अहः
yathā vai nāsike evampṛṣṭhyaḥ ṣaᄆahastadyathāntaramnāsikayor evaṃ chandomā atha yenaiva gandhānvijānāti taddaśamam ahaḥ
- 3
यथा वा अक्ष्य् एवम्पृष्ठ्यः षᄆअहस्तद्यथान्तरम् अक्ष्णः कृष्णम् एवं छन्दोमा अथ यैव कनीनिका येन पश्यति तद्दशमम् अहः
yathā vā akṣy evampṛṣṭhyaḥ ṣaᄆahastadyathāntaram akṣṇaḥ kṛṣṇam evaṃ chandomā atha yaiva kanīnikā yena paśyati taddaśamam ahaḥ
- 4
यथा वै कर्ण एवम्पृष्ठ्यः षᄆअहस्तद्यथान्तरं कर्णस्यैवं छन्दोमा अथ येनैव शृणोति तद्दशमम् अहः
yathā vai karṇa evampṛṣṭhyaḥ ṣaᄆahastadyathāntaraṃ karṇasyaivaṃ chandomā atha yenaiva śṛṇoti taddaśamam ahaḥ
- 5
श्रीर्वै दशमम् अहः श्रियं वा एत आगच्छन्ति ये दशमम् अहर् आगच्छन्ति तस्माद्दशमम् अहर् अविवाक्यम्भवति मा श्रियो ऽववादिष्मेति दुरववदं हि श्रेयसः
śrīrvai daśamam ahaḥ śriyaṃ vā eta āgacchanti ye daśamam ahar āgacchanti tasmāddaśamam ahar avivākyambhavati mā śriyo 'vavādiṣmeti duravavadaṃ hi śreyasaḥ
- 6
ते ततः सर्पन्ति
te tataḥ sarpanti
- 7
ते मार्जयन्ते
te mārjayante
- 8
ते पत्नीशालां सम्प्रपद्यन्ते
te patnīśālāṃ samprapadyante
- 9
तेषां य एताम् आहुतिं विद्यात्स ब्रूयात्समन्वारभध्वम् इति स जुहुयात्
teṣāṃ ya etām āhutiṃ vidyātsa brūyātsamanvārabhadhvam iti sa juhuyāt
- 10
इह रमेह रमध्वम् इह धृतिर् इह स्वधृतिर् अग्ने वाट्स्वाहा वाᄆ इति
iha rameha ramadhvam iha dhṛtir iha svadhṛtir agne vāṭsvāhā vāᄆ iti
- 11
स यद् इह रमेत्य् आहास्मिन्न् एवैनांस्तल्लोके रमयतीह रमध्वम् इति यद् आह प्रजाम् एवैषु तद्रमयतीह धृतिर् इह स्वधृतिर् इति यद् आह प्रजां चैव तद्वाचं च यजमानेषु दधात्य् अग्ने वाᄆ इति रथंतरम्स्वाहा वाᄆ इति बृहत्
sa yad iha ramety āhāsminn evaināṃstalloke ramayatīha ramadhvam iti yad āha prajām evaiṣu tadramayatīha dhṛtir iha svadhṛtir iti yad āha prajāṃ caiva tadvācaṃ ca yajamāneṣu dadhāty agne vāᄆ iti rathaṃtaramsvāhā vāᄆ iti bṛhat
- 12
देवानां वा एतन्मिथुनं यद्बृहद्रथंतरे देवानाम् एव तन्मिथुनेन मिथुनम् अवरुन्धते देवानाम्मिथुनेन मिथुनम्प्रजायन्ते प्रजात्यै
devānāṃ vā etanmithunaṃ yadbṛhadrathaṃtare devānām eva tanmithunena mithunam avarundhate devānāmmithunena mithunamprajāyante prajātyai
- 13
प्रजायते प्रजया पशुभिर्य एवं वेद
prajāyate prajayā paśubhirya evaṃ veda
- 14
ते ततः सर्पन्ति ते मार्जयन्ते त आग्नीध्रं सम्प्रपद्यन्ते तेषां य एताम् आहुतिं विद्यात्स ब्रूयात्समन्वारभध्वम् इति स जुहुयात्
te tataḥ sarpanti te mārjayante ta āgnīdhraṃ samprapadyante teṣāṃ ya etām āhutiṃ vidyātsa brūyātsamanvārabhadhvam iti sa juhuyāt
- 15
उपसृजन्धरुणम्मातरं धरुणो धयन्रायस्पोषम् इषम् ऊर्जम् अस्मासु दीधरत्स्वाहेति
upasṛjandharuṇammātaraṃ dharuṇo dhayanrāyaspoṣam iṣam ūrjam asmāsu dīdharatsvāheti
- 16
रायस्पोषम् इषम् ऊर्जम् अवरुन्द्ध आत्मने च यजमानेभ्यश्च यत्रैवं विद्वान् एताम् आहुतिं जुहोति
rāyaspoṣam iṣam ūrjam avarunddha ātmane ca yajamānebhyaśca yatraivaṃ vidvān etām āhutiṃ juhoti

