8 shlokas
- 1
माक्षीककान्ततीक्ष्णं तीक्ष्णं माक्षीकम् अभ्रकं बीजम्
माक्षीककान्तशुल्बं तीक्ष्णाभ्रकं महाबीजम्
mākṣīkakāntatīkṣṇaṃ tīkṣṇaṃ mākṣīkam abhrakaṃ bījam
mākṣīkakāntaśulbaṃ tīkṣṇābhrakaṃ mahābījam
- 2
माक्षीककान्तशुल्बं शुल्बाभ्रकमाक्षिकं चापि
कान्ताभ्रकमाक्षीकं ताप्यकशुल्बाभ्रकं महाबीजम्
mākṣīkakāntaśulbaṃ śulbābhrakamākṣikaṃ cāpi
kāntābhrakamākṣīkaṃ tāpyakaśulbābhrakaṃ mahābījam
- 3
माक्षीकतीक्ष्णशुल्बं तीक्ष्णशुल्बाभ्रकं महाबीजम्
माक्षीककान्तकनकं कनकारुणमाक्षिकं महाबीजम्
mākṣīkatīkṣṇaśulbaṃ tīkṣṇaśulbābhrakaṃ mahābījam
mākṣīkakāntakanakaṃ kanakāruṇamākṣikaṃ mahābījam
- 4
माक्षीकतीक्ष्णतारं तारारुणमाक्षिकं चैवम्
कान्तं तु शुल्बताप्यं शुल्बाभ्रताप्यकांचनं चापि
mākṣīkatīkṣṇatāraṃ tārāruṇamākṣikaṃ caivam
kāntaṃ tu śulbatāpyaṃ śulbābhratāpyakāṃcanaṃ cāpi
- 5
कान्तेन्दुसस्यताप्यं कान्ताभ्रकतीक्ष्णमाक्षिकं चैव
हेमाभ्रशुल्बताप्यं हेमाभ्रकशुल्बमाक्षिकं वापि
kāntendusasyatāpyaṃ kāntābhrakatīkṣṇamākṣikaṃ caiva
hemābhraśulbatāpyaṃ hemābhrakaśulbamākṣikaṃ vāpi
- 6
कान्ताभ्रशुल्बताप्यं सङ्करबीजं चतुःषष्टिः
kāntābhraśulbatāpyaṃ saṅkarabījaṃ catuḥṣaṣṭiḥ
- 7
सर्वेषां बीजानामादौ कृत्वा यथोक्तसंयोगम्
शतवाप्यं यद्वह्नौ द्रावितं हि बीजं विशुद्धमिदं
sarveṣāṃ bījānāmādau kṛtvā yathoktasaṃyogam
śatavāpyaṃ yadvahnau drāvitaṃ hi bījaṃ viśuddhamidaṃ
- 8
न पतति यदि घनसत्वं गर्भे नो वा द्रवन्ति बीजानि
न च बाह्यद्रुतियोगस्तत्कथमिह बध्यते सूतः
na patati yadi ghanasatvaṃ garbhe no vā dravanti bījāni
na ca bāhyadrutiyogastatkathamiha badhyate sūtaḥ

