13 shlokas
- 1
अथ बीजनिर्वाहणम् आरभ्यते
स्वीकृत्य सर्वसरितो गङ्गा जलधौ यथा तथा हैमम्
प्रविशति रसे गृहीत्वा संमिलिति सर्वलोहगुणान्
atha bījanirvāhaṇam ārabhyate
svīkṛtya sarvasarito gaṅgā jaladhau yathā tathā haimam
praviśati rase gṛhītvā saṃmiliti sarvalohaguṇān
- 2
जीर्यति मिलति च शुल्बे तत्सत्वं किट्टतां याति
हेमक्रियासु करिणा त्रपुणा तारक्रियासु निर्व्यूढम्
jīryati milati ca śulbe tatsatvaṃ kiṭṭatāṃ yāti
hemakriyāsu kariṇā trapuṇā tārakriyāsu nirvyūḍham
- 3
घनसत्वं खलु रविणा रसायने द्वंद्वकं योज्यम्
रक्तगणपातभावितगिरिजतुमाक्षिकगैरिकदरदैः
ghanasatvaṃ khalu raviṇā rasāyane dvaṃdvakaṃ yojyam
raktagaṇapātabhāvitagirijatumākṣikagairikadaradaiḥ
- 4
मृदुलताम्रकान्तघनसत्वं मृतनागतीक्ष्णकनकं च
कुर्वीत बीजशेषं दरदशिलातालमाक्षिकैर्वापात्
mṛdulatāmrakāntaghanasatvaṃ mṛtanāgatīkṣṇakanakaṃ ca
kurvīta bījaśeṣaṃ daradaśilātālamākṣikairvāpāt
- 5
मृतनागं वङ्गं वा शुल्वं घनसत्वतारकनकं वा
ध्मातं तदेव सर्वं गिरिणाधिकशोधनैर्वापात्
mṛtanāgaṃ vaṅgaṃ vā śulvaṃ ghanasatvatārakanakaṃ vā
dhmātaṃ tadeva sarvaṃ giriṇādhikaśodhanairvāpāt
- 6
रक्तगणं पीतं वा माक्षिकराजावर्तम् अथो विमलम्
एकतमं वा गैरिककुनटीक्षितिगन्धकखगैर्वा
raktagaṇaṃ pītaṃ vā mākṣikarājāvartam atho vimalam
ekatamaṃ vā gairikakunaṭīkṣitigandhakakhagairvā
- 7
निर्व्यूढैरेव रसो रागादि गृह्णाति बन्धमुपयाति
मृतलोहोपरसाद्यैर्निर्व्यूढं भवति शृङ्खलाबीजम्
nirvyūḍhaireva raso rāgādi gṛhṇāti bandhamupayāti
mṛtalohoparasādyairnirvyūḍhaṃ bhavati śṛṅkhalābījam
- 8
आयसशलाकिकाभ्याम् अद्वन्द्वाख्यैश्च सङ्कराख्यैश्च
निर्व्यूढं रसलोहैर्जारणकर्मोचितं भवति
āyasaśalākikābhyām advandvākhyaiśca saṅkarākhyaiśca
nirvyūḍhaṃ rasalohairjāraṇakarmocitaṃ bhavati
- 9
बीजमिदं रक्तगणे निषेचितं तेन कृतवापम्
चारितजारितमात्रं सूतं रञ्जयति बध्नाति
bījamidaṃ raktagaṇe niṣecitaṃ tena kṛtavāpam
cāritajāritamātraṃ sūtaṃ rañjayati badhnāti
- 10
रक्तस्नेहविशोधितमृतलोहरसादिभिस्तु सर्वेषाम्
बीजानां कुरु वापं रक्तस्नेहे निषेकं च
raktasnehaviśodhitamṛtaloharasādibhistu sarveṣām
bījānāṃ kuru vāpaṃ raktasnehe niṣekaṃ ca
- 11
वङ्गाभ्रम् अभ्रतारं सितशैलमलाहतौ च सितवङ्गौ
रक्तं सितताप्यहतं रञ्जति निर्व्यूढवङ्गाभ्रम्
vaṅgābhram abhratāraṃ sitaśailamalāhatau ca sitavaṅgau
raktaṃ sitatāpyahataṃ rañjati nirvyūḍhavaṅgābhram
- 12
निर्वाहणविधिरेषः प्रकाशितोऽशेषदोषशमनाय
बीजानामप्येवं घनसत्वं युज्यते प्रथमम्
nirvāhaṇavidhireṣaḥ prakāśito'śeṣadoṣaśamanāya
bījānāmapyevaṃ ghanasatvaṃ yujyate prathamam
- 13
छागास्थिभस्मनिर्मितमूषां कृत्वैव मल्लकाकाराम्
दलयोगे घनरन्ध्रां टङ्कणविषगुञ्जाकृतलेपाम्
chāgāsthibhasmanirmitamūṣāṃ kṛtvaiva mallakākārām
dalayoge ghanarandhrāṃ ṭaṅkaṇaviṣaguñjākṛtalepām

