14 shlokas
- 1
सिकतार्धं द्विधा कृत्वार्धं गार्हपत्यायतने निवपत्य् अर्धं दक्षिणाग्नेर् इतरार्धं त्रिधा कृत्वा पूर्वेष्व् आयतनेषु
sikatārdhaṃ dvidhā kṛtvārdhaṃ gārhapatyāyatane nivapaty ardhaṃ dakṣiṇāgner itarārdhaṃ tridhā kṛtvā pūrveṣv āyataneṣu
- 2
सभ्यावसथ्ययोर् अनारम्भे सर्वम् आहवनीये
sabhyāvasathyayor anārambhe sarvam āhavanīye
- 3
एवं कृत्वेतरान्पार्थिवान्निवपति
evaṃ kṛtvetarānpārthivānnivapati
- 4
अग्नेर्भस्मासीति सिकताः
agnerbhasmāsīti sikatāḥ
- 5
संज्ञानम् असीत्य् ऊषान्निवपन्यद् अदश्चन्द्रम् असि कृष्णं तद् इहास्त्व् इति मनसा ध्यायति
saṃjñānam asīty ūṣānnivapanyad adaścandram asi kṛṣṇaṃ tad ihāstv iti manasā dhyāyati
- 6
उद् एह्य् अग्न इत्य् आखूद्धतं यत्पृथिव्या इति गार्हपत्यायतने वल्मीकवपां निदधाति यद् अन्तरिक्षस्येति दक्षिणाग्नेर्यद्दिवो ऽनामृतम् इत्य् आहवनीयस्य तूष्णीम् इतरयोः
ud ehy agna ity ākhūddhataṃ yatpṛthivyā iti gārhapatyāyatane valmīkavapāṃ nidadhāti yad antarikṣasyeti dakṣiṇāgneryaddivo 'nāmṛtam ity āhavanīyasya tūṣṇīm itarayoḥ
- 7
उत्समुद्रान् इति सूदम्
utsamudrān iti sūdam
- 8
इयत्य् अग्न आसीर् इति वराहोद्धतम्
iyaty agna āsīr iti varāhoddhatam
- 9
अदो देवीर् इति शर्करा निवपन्यं द्वेष्टि तस्य वधं मनसा ध्यायति
ado devīr iti śarkarā nivapanyaṃ dveṣṭi tasya vadhaṃ manasā dhyāyati
- 10
लोहान्य् औदुम्बराणि वा पार्थिवानां स्थाने विकल्पार्थानि भवन्ति
lohāny audumbarāṇi vā pārthivānāṃ sthāne vikalpārthāni bhavanti
- 11
ऋतं स्तृणामीत्य् आयतनेषु संभारान्स्तृणाति
ṛtaṃ stṛṇāmīty āyataneṣu saṃbhārānstṛṇāti
- 12
सं या व इत्य् ऊषान्सिकताश्च संसृजति
saṃ yā va ity ūṣānsikatāśca saṃsṛjati
- 13
सं वः सृजामीति वानस्पत्यान्संसृज्येतः प्रथमं जज्ञे अग्निर् इति सकृद् एवैकैकस्मिन्निवपति
saṃ vaḥ sṛjāmīti vānaspatyānsaṃsṛjyetaḥ prathamaṃ jajñe agnir iti sakṛd evaikaikasminnivapati
- 14
तत्तत्संभारसंग्रहणमन्त्रैर् इत्य् एके
tattatsaṃbhārasaṃgrahaṇamantrair ity eke

