10 shlokas
- 1
मयि गृह्णामि यो नो अग्निर् इति द्वाभ्याम् आत्मन्य् अग्निं गृहीत्वा दोह्या च त इत्य् अरणी यजमानाय प्रयच्छति
mayi gṛhṇāmi yo no agnir iti dvābhyām ātmany agniṃ gṛhītvā dohyā ca ta ity araṇī yajamānāya prayacchati
- 2
मही विश्पत्नीत्य् अरणी प्रदीयमाने यजमानः प्रतीक्षते
mahī viśpatnīty araṇī pradīyamāne yajamānaḥ pratīkṣate
- 3
आरोहतं दशतम् इति प्रतिगृह्य ऋत्वियवती स्थो अग्निरेतसाव् इत्य् अभिमन्त्र्य मयि गृह्णामि यो नो अग्निर् इति द्वाभ्याम् आत्मन्य् अग्निं गृह्णाति
ārohataṃ daśatam iti pratigṛhya ṛtviyavatī stho agniretasāv ity abhimantrya mayi gṛhṇāmi yo no agnir iti dvābhyām ātmany agniṃ gṛhṇāti
- 4
इदम् अहम् अनृतात्सत्यम् उपैमीति वाचं यच्छति
idam aham anṛtātsatyam upaimīti vācaṃ yacchati
- 5
अग्नी रक्षांसि सेधतीत्य् अध्वर्युर्ब्राह्मौदनिकम् अभिमन्त्र्य तम् अनुगमयति
agnī rakṣāṃsi sedhatīty adhvaryurbrāhmaudanikam abhimantrya tam anugamayati
- 6
यजमानः पञ्चधाग्नीन्व्यक्रमद् इति पञ्चधाग्नीन्संकल्पयेद् इदं विष्णुर् इति त्रिधा वा
yajamānaḥ pañcadhāgnīnvyakramad iti pañcadhāgnīnsaṃkalpayed idaṃ viṣṇur iti tridhā vā
- 7
गार्हपत्यान्वाहार्यपचनाहवनीयसभ्यावसथ्यानाम् आयतनानि शुन्धध्वम् इति गोमयेनोपलिप्यापेत वीतेति पूर्ववत्संमृज्य रक्षोहणम् एतो न्व् इन्द्रम् इत्य् अवोक्षति
gārhapatyānvāhāryapacanāhavanīyasabhyāvasathyānām āyatanāni śundhadhvam iti gomayenopalipyāpeta vīteti pūrvavatsaṃmṛjya rakṣohaṇam eto nv indram ity avokṣati
- 8
शं नो देवीर् इत्य् एके
śaṃ no devīr ity eke
- 9
मयि देवा इत्यादिभिश्चतुर्दिशं दर्भान्संन्यस्योद्धन्यमानम् इति सौवर्णेन राजतेन वा नवधा खनेत्
mayi devā ityādibhiścaturdiśaṃ darbhānsaṃnyasyoddhanyamānam iti sauvarṇena rājatena vā navadhā khanet
- 10
ब्रह्म जज्ञानं पूतं ह्यतन इति द्वाभ्यां प्रादेशसंमिताः प्रागन्तास्तिस्रस्तथोत्तरान्ताश्च लेखा उल्लिख्य सावित्र्यावोक्ष्य शं नो देवीर् इति संभारान्प्रोक्ष्यायतनेषु हिरण्यं निधायोद्वयं तमस उद् उ त्यं चित्रम् इति पृथक्स्थण्डिले जुहोति
brahma jajñānaṃ pūtaṃ hyatana iti dvābhyāṃ prādeśasaṃmitāḥ prāgantāstisrastathottarāntāśca lekhā ullikhya sāvitryāvokṣya śaṃ no devīr iti saṃbhārānprokṣyāyataneṣu hiraṇyaṃ nidhāyodvayaṃ tamasa ud u tyaṃ citram iti pṛthaksthaṇḍile juhoti

