7 shlokas
- 1
अध्वर्युर् अजन्न् अग्निर् इति तम् अग्निम् अभिमन्त्र्याजीजनन्न् अमृतं मर्त्यास इत्य् अञ्जलिना परिगृह्णाति
adhvaryur ajann agnir iti tam agnim abhimantryājījanann amṛtaṃ martyāsa ity añjalinā parigṛhṇāti
- 2
शरावे करीषादिषु जातम् अग्निं निधाय सम्राड् असि विराड् असीति शल्कैः समिन्द्धे
śarāve karīṣādiṣu jātam agniṃ nidhāya samrāḍ asi virāḍ asīti śalkaiḥ saminddhe
- 3
यजमानः पत्नी च क्षौमे परिधायापवृत्ते ऽग्न्याधेये ऽध्वर्यवे दद्यातां
yajamānaḥ patnī ca kṣaume paridhāyāpavṛtte 'gnyādheye 'dhvaryave dadyātāṃ
- 4
रथन्तरे गीयमाने ऽग्निं प्राञ्चम् उद्धृत्यासीनः प्राग् उदयाद्गार्हपत्यम् आदधाति प्रथमाभ्यां व्याहृतीभ्यां भृगूणां त्वा देवानाम् इति भार्गवस्याङ्गिरसां त्वा देवानाम् इत्य् आङ्गिरसस्यादित्यानां त्वेत्य् अन्येषां ब्राह्मणानां वरुणस्य त्वेति राज्ञ इन्द्रस्य त्वेति राजन्यस्य मनोस्त्वेति वैश्यस्य ऋभूणां त्वेति रथकारस्य भूमिर्भूम्नेति प्रथमाभ्यां सर्पराज्ञीभ्यां घर्मः शिरस्तद् अयम् इति प्रथमेन च घर्मशिरसा यास्ते शिवाः प्राणं त्वामृते दिवस्त्वा वीर्येणाग्ने गृहपते ऽहे बुध्न्य परिषद्येति चतसृभिर्गार्हपत्यायतने संभारेष्व् अग्निं ज्वलन्तम् अभ्यादधाति
rathantare gīyamāne 'gniṃ prāñcam uddhṛtyāsīnaḥ prāg udayādgārhapatyam ādadhāti prathamābhyāṃ vyāhṛtībhyāṃ bhṛgūṇāṃ tvā devānām iti bhārgavasyāṅgirasāṃ tvā devānām ity āṅgirasasyādityānāṃ tvety anyeṣāṃ brāhmaṇānāṃ varuṇasya tveti rājña indrasya tveti rājanyasya manostveti vaiśyasya ṛbhūṇāṃ tveti rathakārasya bhūmirbhūmneti prathamābhyāṃ sarparājñībhyāṃ gharmaḥ śirastad ayam iti prathamena ca gharmaśirasā yāste śivāḥ prāṇaṃ tvāmṛte divastvā vīryeṇāgne gṛhapate 'he budhnya pariṣadyeti catasṛbhirgārhapatyāyatane saṃbhāreṣv agniṃ jvalantam abhyādadhāti
- 5
अग्न आयाहि सम्राड् असि विराड् असीति शल्कैः समिन्द्धे
agna āyāhi samrāḍ asi virāḍ asīti śalkaiḥ saminddhe
- 6
यजमानः सुगार्हपत्य इत्य् आहितं गार्हपत्यम् उपतिष्ठते तत्तद् आधानमन्त्रैश्च
yajamānaḥ sugārhapatya ity āhitaṃ gārhapatyam upatiṣṭhate tattad ādhānamantraiśca
- 7
अध्वर्युर्ग्राम्यारण्यौषधिबीजानि यथालाभम् आज्ये ऽवधाय या ते अग्ने पशुषु पवमाना प्रिया तनूर् इति शमनहोमैर् आहितम् अग्निं शमयेत
adhvaryurgrāmyāraṇyauṣadhibījāni yathālābham ājye 'vadhāya yā te agne paśuṣu pavamānā priyā tanūr iti śamanahomair āhitam agniṃ śamayeta

