7 shlokas
- 1
वेद्यां संभृतान्संभारान्संगृह्णाति
vedyāṃ saṃbhṛtānsaṃbhārānsaṃgṛhṇāti
- 2
वैश्वानरस्य रूपम् इति सिकता यद् इदं दिवो यद् अद इत्य् ऊषान् ऊतीः कुर्वाण इत्य् आखूद्धतम् ऊर्जं पृथिव्या इति वल्मीकवपां प्रजापतिसृष्टानाम् इति सूदं यस्य रूपम् इति वराहोद्धतं याभिर् अदृंहद् इति शर्कराश्च
vaiśvānarasya rūpam iti sikatā yad idaṃ divo yad ada ity ūṣān ūtīḥ kurvāṇa ity ākhūddhatam ūrjaṃ pṛthivyā iti valmīkavapāṃ prajāpatisṛṣṭānām iti sūdaṃ yasya rūpam iti varāhoddhataṃ yābhir adṛṃhad iti śarkarāśca
- 3
सप्तैतान्पार्थिवाञ्छुद्धान्प्रत्येकं कुडुवं शरावे पृथग् एव गृहीत्वाश्वो रूपं कृत्वेत्य् आश्वत्थं प्रादेशमात्रं सपत्राग्रम् ऊर्जः पृथिव्या अध्युत्थितो ऽसीत्य् औदुम्बरं गायत्र्या ह्रियमाणस्य देवानां ब्रह्मवादम् इति द्वाभ्यां पालाशं यया ते सृष्टस्याग्नेर् इति शमीं यत्ते सृष्टस्येति वैकङ्कतं यत्ते तान्तस्येत्य् अशनिहतं
saptaitānpārthivāñchuddhānpratyekaṃ kuḍuvaṃ śarāve pṛthag eva gṛhītvāśvo rūpaṃ kṛtvety āśvatthaṃ prādeśamātraṃ sapatrāgram ūrjaḥ pṛthivyā adhyutthito 'sīty audumbaraṃ gāyatryā hriyamāṇasya devānāṃ brahmavādam iti dvābhyāṃ pālāśaṃ yayā te sṛṣṭasyāgner iti śamīṃ yatte sṛṣṭasyeti vaikaṅkataṃ yatte tāntasyety aśanihataṃ
- 4
यो अश्वत्थः शमीगर्भ इत्य् अत्रैके ऽरणी च संभरन्ति
yo aśvatthaḥ śamīgarbha ity atraike 'raṇī ca saṃbharanti
- 5
यं त्वा समभरं जातवेद इति यजमानः सर्वान्संभारान्पुनः संगृह्णाति
yaṃ tvā samabharaṃ jātaveda iti yajamānaḥ sarvānsaṃbhārānpunaḥ saṃgṛhṇāti
- 6
उपव्युषं सर्वाधानिनो ब्राह्मौदनिके ऽग्नौ प्रातर् औपासनहोम इत्य् एके
upavyuṣaṃ sarvādhānino brāhmaudanike 'gnau prātar aupāsanahoma ity eke
- 7
जातवेदो भुवनस्य रेतो ऽयं ते योनिर् ऋत्विय इति द्वाभ्याम् अस्मिन्न् अग्नाव् अरणी निष्टपति
jātavedo bhuvanasya reto 'yaṃ te yonir ṛtviya iti dvābhyām asminn agnāv araṇī niṣṭapati

