17 shlokas
- 1
आग्नेयम् अष्टाकपालं पञ्चकपालं वा निर्वपति
āgneyam aṣṭākapālaṃ pañcakapālaṃ vā nirvapati
- 2
प्राग् उत्तमाद् अनूयाजाद् उपांशु क्रियते ऽग्ने ऽग्निम् अग्निनाग्निर् इति चतुर्षु प्रयाजेषु चतस्रो विभक्तीर्दधाति
prāg uttamād anūyājād upāṃśu kriyate 'gne 'gnim agnināgnir iti caturṣu prayājeṣu catasro vibhaktīrdadhāti
- 3
समिधाग्निं दुवस्यतेति बुधन्वत्य् आग्नेयस्याज्यभागस्येह्य् ऊ षु ब्रवाणि त इतीन्दुमती सौम्यस्य
samidhāgniṃ duvasyateti budhanvaty āgneyasyājyabhāgasyehy ū ṣu bravāṇi ta itīndumatī saumyasya
- 4
अग्ने तम् अद्याधा ह्य् अग्न इति पङ्क्त्यौ याज्यानुवाक्ये भवतो ऽधा ह्य् अग्न आभिष्टे अद्य गीर्भिर् इति वा
agne tam adyādhā hy agna iti paṅktyau yājyānuvākye bhavato 'dhā hy agna ābhiṣṭe adya gīrbhir iti vā
- 5
पुनर् ऊर्जा सह रय्येत्य् अभितः पुरोडाशम् आहुती जुहोति
punar ūrjā saha rayyety abhitaḥ puroḍāśam āhutī juhoti
- 6
अग्निं प्रति स्विष्टकृतं निराहाभिष्टे अद्यैभिर्नो अर्कैर् इति
agniṃ prati sviṣṭakṛtaṃ nirāhābhiṣṭe adyaibhirno arkair iti
- 7
त्रिष्टुभौ संयाज्ये
triṣṭubhau saṃyājye
- 8
पुनर्निष्कृतो रथो दक्षिणा पुनर् उत्स्यूतं वासः पुनर् उत्सृष्टो ऽनड्वान्
punarniṣkṛto ratho dakṣiṇā punar utsyūtaṃ vāsaḥ punar utsṛṣṭo 'naḍvān
- 9
अग्नेर् अग्नाव् इति द्वयोर् अनूयाजयोर्द्वे विभक्ती दधाति
agner agnāv iti dvayor anūyājayordve vibhaktī dadhāti
- 10
उच्चैर् उत्तमम् अनूयाजं संप्रेष्यति
uccair uttamam anūyājaṃ saṃpreṣyati
- 11
अग्निन्यक्ताः पत्नीसंयाजानाम् ऋचः स्युः
agninyaktāḥ patnīsaṃyājānām ṛcaḥ syuḥ
- 12
आग्निवारुणम् एकादशकपालम् अनुनिर्वपेत्त्वं नो अग्ने स त्वं नो अग्न इति याज्यानुवाक्ये
āgnivāruṇam ekādaśakapālam anunirvapettvaṃ no agne sa tvaṃ no agna iti yājyānuvākye
- 13
संतिष्ठते पुनरग्न्याधानं
saṃtiṣṭhate punaragnyādhānaṃ
- 14
यस्तृतीयम् आदधाति लेकः सलेकः सुलेक इति स एतान्होमान्जुहुयात्
yastṛtīyam ādadhāti lekaḥ salekaḥ suleka iti sa etānhomānjuhuyāt
- 15
अर्थायार्थायाहवनीयं गार्हपत्यात्प्रणयेत्
arthāyārthāyāhavanīyaṃ gārhapatyātpraṇayet
- 16
नित्यो धार्यो गतश्रिय आयुष्कामस्य वा
nityo dhāryo gataśriya āyuṣkāmasya vā
- 17
अपहृताग्नेर्नष्टारणीकस्य च ब्रह्मौदनेनैव प्रतिपद्यते प्रतिपद्यते
apahṛtāgnernaṣṭāraṇīkasya ca brahmaudanenaiva pratipadyate pratipadyate

