6 shlokas
- 1
गृहे सौम्ये पश्चिमपूर्वायतां तथानुवंशां पूर्वदक्षिणयोर्द्वारयुताम् अग्निशालां कल्पयत्य् अस्थिरोमकेशाङ्गारतुषकाष्ठाश्मलोष्टपिपीलिकादीन्वर्जयित्वा मृदा शुद्धया
gṛhe saumye paścimapūrvāyatāṃ tathānuvaṃśāṃ pūrvadakṣiṇayordvārayutām agniśālāṃ kalpayaty asthiromakeśāṅgāratuṣakāṣṭhāśmaloṣṭapipīlikādīnvarjayitvā mṛdā śuddhayā
- 2
पश्चिमे भूर् इति गार्हपत्यायतनं रज्ज्वाष्टादशाङ्गुल्या वृत्तं भ्रामयित्वाष्टाङ्गुलोन्नतं स्थण्डिलं कृत्वा परितश्चतुरङ्गुलिविस्तारं हित्वा मध्ये षडङ्गुलं निम्नं खनति
paścime bhūr iti gārhapatyāyatanaṃ rajjvāṣṭādaśāṅgulyā vṛttaṃ bhrāmayitvāṣṭāṅgulonnataṃ sthaṇḍilaṃ kṛtvā paritaścaturaṅgulivistāraṃ hitvā madhye ṣaḍaṅgulaṃ nimnaṃ khanati
- 3
शिष्टं तद् ऊर्ध्वमेखला स्यात्
śiṣṭaṃ tad ūrdhvamekhalā syāt
- 4
तत्परिगतां चतुरङ्गुलिविस्तारोन्नताम् अधोमेखलां करोति
tatparigatāṃ caturaṅgulivistāronnatām adhomekhalāṃ karoti
- 5
तस्मात्प्राच्याम् अष्टपदप्रक्रमे ब्राह्मणस्यैकादशप्रक्रमे क्षत्रियस्य द्वादशप्रक्रमे वैश्यस्यापि सुवर् इत्य् आहवनीयाग्न्यायतनं चतुरश्रं चतुर्दिक्षु द्वात्रिंशदङ्गुल्यायतम् अष्टाङ्गुलोन्नतं स्थण्डिलं प्रकल्प्य पूर्ववत्परितो हित्वा मेखलाम् ऊर्ध्वां मध्ये निम्नम् अधोमेखलां करोति
tasmātprācyām aṣṭapadaprakrame brāhmaṇasyaikādaśaprakrame kṣatriyasya dvādaśaprakrame vaiśyasyāpi suvar ity āhavanīyāgnyāyatanaṃ caturaśraṃ caturdikṣu dvātriṃśadaṅgulyāyatam aṣṭāṅgulonnataṃ sthaṇḍilaṃ prakalpya pūrvavatparito hitvā mekhalām ūrdhvāṃ madhye nimnam adhomekhalāṃ karoti
- 6
द्वयोर्मध्ये वेदिर् असीत्य् उक्त्वा गार्हपत्याहवनीयसंबन्धां दक्षिणोत्तरयोश्चतुरङ्गुलिविस्तारोन्नतां तदन्तरे षोडशाङ्गुलिविस्तारां वेदिं कुरुते
dvayormadhye vedir asīty uktvā gārhapatyāhavanīyasaṃbandhāṃ dakṣiṇottarayoścaturaṅgulivistāronnatāṃ tadantare ṣoḍaśāṅgulivistārāṃ vediṃ kurute

