6 shlokas
- 1
वेद्यां दक्षिणस्यां पश्चिमे भागे भुव इत्य् अन्वाहार्यपचनं पञ्चविंशत्यङ्गुल्या वृत्तं भ्रामयित्वा दक्षिणार्धे ऽर्धचन्द्राकारं स्थण्डिलं पूर्ववत्तस्योन्नतं मध्यनिम्नम् ऊर्ध्वाधरा मेखला च
vedyāṃ dakṣiṇasyāṃ paścime bhāge bhuva ity anvāhāryapacanaṃ pañcaviṃśatyaṅgulyā vṛttaṃ bhrāmayitvā dakṣiṇārdhe 'rdhacandrākāraṃ sthaṇḍilaṃ pūrvavattasyonnataṃ madhyanimnam ūrdhvādharā mekhalā ca
- 2
वेद्युत्तरं त्रिधा कृत्वा पूर्वभागोत्तरे प्रक्रमे वेद्युन्नतम् उत्करं कुर्यात्
vedyuttaraṃ tridhā kṛtvā pūrvabhāgottare prakrame vedyunnatam utkaraṃ kuryāt
- 3
आहवनीयात्प्राच्यां जन इति सभ्याग्न्यायतनं द्वादशाङ्गुलोन्नतम् आहवनीयवच्चतुरश्रं स्थण्डिलं परितस्तथैव हित्वा द्वादशाङ्गुलं मध्यनिम्नं चतुरङ्गुलिविस्तारोन्नतास्तिस्रो मेखलाः पञ्चाङ्गुलिविस्तारा मध्यमा मेखला
āhavanīyātprācyāṃ jana iti sabhyāgnyāyatanaṃ dvādaśāṅgulonnatam āhavanīyavaccaturaśraṃ sthaṇḍilaṃ paritastathaiva hitvā dvādaśāṅgulaṃ madhyanimnaṃ caturaṅgulivistāronnatāstisro mekhalāḥ pañcāṅgulivistārā madhyamā mekhalā
- 4
तत्प्राच्यां मह इत्य् आवसथ्याग्न्यायतनं त्रिकोणं पश्चिमदक्षिणोत्तरेषु पञ्चचत्वारिंशदङ्गुलायतं स्थण्डिलं तस्योन्नतं मध्यनिम्नं द्वे मेखले च पूर्ववत्
tatprācyāṃ maha ity āvasathyāgnyāyatanaṃ trikoṇaṃ paścimadakṣiṇottareṣu pañcacatvāriṃśadaṅgulāyataṃ sthaṇḍilaṃ tasyonnataṃ madhyanimnaṃ dve mekhale ca pūrvavat
- 5
आवसथ्यं चतुरश्रिम् इत्य् एके
āvasathyaṃ caturaśrim ity eke
- 6
सर्वेषां याज्ञिकानां यजमानस्याध्वर्योर्वा दक्षिणहस्तस्य मध्यमाङ्गुलेर्मध्यमपर्वणा मानम् आचरति
sarveṣāṃ yājñikānāṃ yajamānasyādhvaryorvā dakṣiṇahastasya madhyamāṅgulermadhyamaparvaṇā mānam ācarati

