12 shlokas
- 1
यास्ते शिवास्तनुव इति गार्हपत्ये सौवर्णं रुक्मशकलम् उत्तरतः संभारेषूपास्य चन्द्रम् अग्निम् इत्य् उपास्तम् अभिमन्त्र्य द्वेष्याय राजतं रुक्मम् अतिप्रयच्छति
yāste śivāstanuva iti gārhapatye sauvarṇaṃ rukmaśakalam uttarataḥ saṃbhāreṣūpāsya candram agnim ity upāstam abhimantrya dveṣyāya rājataṃ rukmam atiprayacchati
- 2
यदि द्वेष्यं न विन्देत्तां दिशं प्रति निरस्येत्
yadi dveṣyaṃ na vindettāṃ diśaṃ prati nirasyet
- 3
न तत्पुनर् आददीत
na tatpunar ādadīta
- 4
एवं सर्वेष्व् आयतनेषूपास्य निरस्येत्
evaṃ sarveṣv āyataneṣūpāsya nirasyet
- 5
दिवस्त्वा वीर्येण कल्पेतां द्यावापृथिवी इति द्वाभ्यां सर्वान्न्युप्तान्संभारान्कल्पयति
divastvā vīryeṇa kalpetāṃ dyāvāpṛthivī iti dvābhyāṃ sarvānnyuptānsaṃbhārānkalpayati
- 6
संभृता अग्नयो मा कश्चनान्तरेण संचारिष्टेति गोप्तारम् आदिश्य प्रभाते ब्राह्मौदनिकस्य भस्मापोदूह्य तत्र मुञ्जकुलायम् आस्तीर्य प्रतीचीनप्रजननाम् अधरारणिं निधाय चित्तिः स्रुग् इति दशहोत्रोत्तरारणिं प्रजनने निधायाधराम् अरणीं मन्थम् आत्मानं विष्णुं जन्यम् अग्निं च ध्यायन्सहाग्ने अग्निनेति मन्थत्य् उपतिष्ठति
saṃbhṛtā agnayo mā kaścanāntareṇa saṃcāriṣṭeti goptāram ādiśya prabhāte brāhmaudanikasya bhasmāpodūhya tatra muñjakulāyam āstīrya pratīcīnaprajananām adharāraṇiṃ nidhāya cittiḥ srug iti daśahotrottarāraṇiṃ prajanane nidhāyādharām araṇīṃ mantham ātmānaṃ viṣṇuṃ janyam agniṃ ca dhyāyansahāgne agnineti manthaty upatiṣṭhati
- 7
अश्वे मथ्यमाने चतुर्होतॄन्यजमानं वाचयति
aśve mathyamāne caturhotṝnyajamānaṃ vācayati
- 8
उपावरोहेति जायमानम् अग्निम् अभिमन्त्रयते
upāvaroheti jāyamānam agnim abhimantrayate
- 9
यजमानो वाचं विसृजते
yajamāno vācaṃ visṛjate
- 10
जाते वरं ददाति
jāte varaṃ dadāti
- 11
प्रजापतेस्त्वा प्राणेनाभिप्राणिमि प्राणे त्वामृतम् आदधामीति द्वाभ्यां जातम् अग्निम् अभिजिघ्रति
prajāpatestvā prāṇenābhiprāṇimi prāṇe tvāmṛtam ādadhāmīti dvābhyāṃ jātam agnim abhijighrati
- 12
अहं त्वद् अस्मीत्य् अभिमन्त्रयते
ahaṃ tvad asmīty abhimantrayate

