9 shlokas
- 1
अपरेण गार्हपत्यं पालाश्या शाम्या वा शाखयापेत वीतेति त्रिवीधीस्त्र्यपक्रमम् उदगन्तं मार्जयित्वोद्धन्यमानम् इत्य् उद्धत्य शं नो देवीर् इत्य् अवोक्ष्य तम् अग्निं ब्राह्मौदनिकम् आदधाति
apareṇa gārhapatyaṃ pālāśyā śāmyā vā śākhayāpeta vīteti trivīdhīstryapakramam udagantaṃ mārjayitvoddhanyamānam ity uddhatya śaṃ no devīr ity avokṣya tam agniṃ brāhmaudanikam ādadhāti
- 2
निर्मन्थ्यम् अम्बरीषम् उत्तपनीयं वेत्य् एके
nirmanthyam ambarīṣam uttapanīyaṃ vety eke
- 3
यद्य् औपासनं न शिष्यते सायम् अत्र जुहुयात्
yady aupāsanaṃ na śiṣyate sāyam atra juhuyāt
- 4
निशायाम् अपरेण ब्राह्मौदनिकं लोहितम् आनडुहं चर्म प्राचीनग्रीवम् उत्तरलोमोपस्तीर्य तस्मिंश्चतुःशरावं ब्रह्मौदनं निर्वपति
niśāyām apareṇa brāhmaudanikaṃ lohitam ānaḍuhaṃ carma prācīnagrīvam uttaralomopastīrya tasmiṃścatuḥśarāvaṃ brahmaudanaṃ nirvapati
- 5
आकूत्यै त्वा कामाय त्वेति निरुप्तान् अभिमृश्याद्भिः प्रोक्ष्य चर्मण्य् उलूखलं निधाय निरुप्तान् ओप्यावहन्ति
ākūtyai tvā kāmāya tveti niruptān abhimṛśyādbhiḥ prokṣya carmaṇy ulūkhalaṃ nidhāya niruptān opyāvahanti
- 6
शूर्पेण तुषान्विविच्य प्रजा स्थालीम् इति स्थालीं संशोध्य तस्यां ब्रह्मणे जुष्टम्निर्वपामीति चतुःशरावैश्चतुर्धा तण्डुलान् आवपति
śūrpeṇa tuṣānvivicya prajā sthālīm iti sthālīṃ saṃśodhya tasyāṃ brahmaṇe juṣṭamnirvapāmīti catuḥśarāvaiścaturdhā taṇḍulān āvapati
- 7
न निर्णेनेक्ति नान्ववस्रावयति
na nirṇenekti nānvavasrāvayati
- 8
पयसि श्रपयति
payasi śrapayati
- 9
चतुर्षु वा पात्रेषु श्रपयित्वाभिघार्योदग् उद्वास्य दर्व्या ब्रह्मौदनाद् उद्धृत्य प्रभूतेन सर्पिषोपसिच्य प्र वेधसे कवये मेध्यायेति जुहोत्य् उपतिष्ठते वा
caturṣu vā pātreṣu śrapayitvābhighāryodag udvāsya darvyā brahmaudanād uddhṛtya prabhūtena sarpiṣopasicya pra vedhase kavaye medhyāyeti juhoty upatiṣṭhate vā

