13 shlokas
- 1
अन्व् अग्निर् उषसाम् इति गार्हपत्ये ऽग्निप्रणयनीयान् इध्मान् आदीप्याश्वं पुरस्तात्स्थापयति
anv agnir uṣasām iti gārhapatye 'gnipraṇayanīyān idhmān ādīpyāśvaṃ purastātsthāpayati
- 2
ओजसे बलाय त्वोद्यच्छे यस्त आत्मा दिवः पृथिव्या उद् उ त्वा विश्वे देवा इति चतसृभिर्गार्हपत्याद् आहवनीयं शराव उद्धृत्य तं सिकतापूरितेन पात्रेणोपयम्य जानुदघ्न उद्यच्छति
ojase balāya tvodyacche yasta ātmā divaḥ pṛthivyā ud u tvā viśve devā iti catasṛbhirgārhapatyād āhavanīyaṃ śarāva uddhṛtya taṃ sikatāpūritena pātreṇopayamya jānudaghna udyacchati
- 3
तस्मिन्धार्यमाणे वामदेव्ये गीयमाने लौकिकं मथितं वाग्निम् आहृत्य दक्षिणया द्वारोर्ध्वजानुर् उपविश्याग्नीध्रो द्वितीयया व्याहृत्या यथर्ष्याधानेनायं गौः पृश्निर् अक्रमीत्त्रिंशद्धामेति द्वितीयतृतीयाभ्यां सर्पराज्ञीभ्यां वातः प्राण इति द्वितीयेन च घर्मशिरसा यास्ते शिवास्तनुवो व्यानं त्वामृते दिवस्त्वा वीर्येणाग्ने ऽन्नपा मयोभुवेति संभारेष्व् अन्वाहार्यपचनम् आदधाति
tasmindhāryamāṇe vāmadevye gīyamāne laukikaṃ mathitaṃ vāgnim āhṛtya dakṣiṇayā dvārordhvajānur upaviśyāgnīdhro dvitīyayā vyāhṛtyā yatharṣyādhānenāyaṃ gauḥ pṛśnir akramīttriṃśaddhāmeti dvitīyatṛtīyābhyāṃ sarparājñībhyāṃ vātaḥ prāṇa iti dvitīyena ca gharmaśirasā yāste śivāstanuvo vyānaṃ tvāmṛte divastvā vīryeṇāgne 'nnapā mayobhuveti saṃbhāreṣv anvāhāryapacanam ādadhāti
- 4
गार्हपत्याद् अग्निम् आहृत्येत्य् एके
gārhapatyād agnim āhṛtyety eke
- 5
व्याख्यातो बीजहोमो यजमानस्य चोपस्थानं
vyākhyāto bījahomo yajamānasya copasthānaṃ
- 6
या वाजिन्न् अग्नेर् इत्य् अग्नितनूर् अश्वस्य दक्षिणे कर्णे यजमानं वाचयति
yā vājinn agner ity agnitanūr aśvasya dakṣiṇe karṇe yajamānaṃ vācayati
- 7
विक्रमस्व महाꣳ असि प्राचीम् अनु प्रदिशं क्रमध्वम् अग्निनेति तिसृभिर् अश्वमुखाः प्राचीं गच्छन्ति
vikramasva mahām̐ asi prācīm anu pradiśaṃ kramadhvam agnineti tisṛbhir aśvamukhāḥ prācīṃ gacchanti
- 8
इयत्य् अग्रे ऽग्निं हरत्य् अथ मध्यतो नाभिदघ्ने तृतीयम् आस्यदघ्ने
iyaty agre 'gniṃ haraty atha madhyato nābhidaghne tṛtīyam āsyadaghne
- 9
नाग्निम् आदित्यं च व्यवैति
nāgnim ādityaṃ ca vyavaiti
- 10
इमा उ माम् इत्य् अर्धाध्वे ह्रियमाणं यजमान उपस्थाय वरं दद्यात्
imā u mām ity ardhādhve hriyamāṇaṃ yajamāna upasthāya varaṃ dadyāt
- 11
तस्मिन्न् अध्वर्युर्नाको ऽसीति हिरण्यं निधायातिक्रामति
tasminn adhvaryurnāko 'sīti hiraṇyaṃ nidhāyātikrāmati
- 12
बृहस्पते परिदीयेति दक्षिणतो ब्रह्मा रथं रथचक्रं वा गार्हपत्याद् आहवनीयात्संततं त्रिः परिवर्तयति
bṛhaspate paridīyeti dakṣiṇato brahmā rathaṃ rathacakraṃ vā gārhapatyād āhavanīyātsaṃtataṃ triḥ parivartayati
- 13
यावत्त्रिः परिवर्तयति तावद् अभ्य् अस्थाद् इति प्राञ्चं पूर्ववाहम् अश्वं दक्षिणेन पादेनोत्तरपार्श्वतः संभारान् आक्रमयति
yāvattriḥ parivartayati tāvad abhy asthād iti prāñcaṃ pūrvavāham aśvaṃ dakṣiṇena pādenottarapārśvataḥ saṃbhārān ākramayati

