14 shlokas
- 1
तं चतुर्धा व्युद्धृत्य प्रभूतेन सर्पिषोपसिच्य ऋत्विग्भ्यो ददाति
taṃ caturdhā vyuddhṛtya prabhūtena sarpiṣopasicya ṛtvigbhyo dadāti
- 2
ते प्राश्याचम्य राद्धस्ते ब्रह्मौदन इति प्रशासन्ति
te prāśyācamya rāddhaste brahmaudana iti praśāsanti
- 3
तेभ्यो वत्सतरं ददाति
tebhyo vatsataraṃ dadāti
- 4
स्थाल्याम् आज्यशेषम् आनयति
sthālyām ājyaśeṣam ānayati
- 5
तस्मिन्न् आर्द्राः सपलाशाः प्रादेशमात्रीर्लक्षण्याश्वत्थस्य तिस्रः समिधो ऽभ्यज्य चित्रियाद् अश्वत्थाद् इत्य् अभिमन्त्र्य समिधाग्निं दुवस्यतोप त्वाग्ने हविष्मतीस्तं त्वा समिद्भिर् अङ्गिर इति तिसृभिर्गायत्रीभिर्ब्राह्मणस्य ब्राह्मौदनिके ऽग्नाव् आदधाति समिध्यमानः प्रथमो नु घर्म इति त्रिष्टुब्भी राजन्यस्य त्वाम् अग्ने समिधानं यविष्ठेति जगतीभिर्वैश्यस्य
tasminn ārdrāḥ sapalāśāḥ prādeśamātrīrlakṣaṇyāśvatthasya tisraḥ samidho 'bhyajya citriyād aśvatthād ity abhimantrya samidhāgniṃ duvasyatopa tvāgne haviṣmatīstaṃ tvā samidbhir aṅgira iti tisṛbhirgāyatrībhirbrāhmaṇasya brāhmaudanike 'gnāv ādadhāti samidhyamānaḥ prathamo nu gharma iti triṣṭubbhī rājanyasya tvām agne samidhānaṃ yaviṣṭheti jagatībhirvaiśyasya
- 6
अत्र मिथुनाव् असिक्तरेतसौ गावौ ददाति
atra mithunāv asiktaretasau gāvau dadāti
- 7
एतम् अग्निम् इतो धारयन्त्य् एकाहं द्व्यहं त्र्यहं चतुरहं द्वादशाहम् ऋतुं संवत्सरं वा
etam agnim ito dhārayanty ekāhaṃ dvyahaṃ tryahaṃ caturahaṃ dvādaśāham ṛtuṃ saṃvatsaraṃ vā
- 8
अनुगत एतस्मिन्न् अग्नौ प्रयाणे यजमानस्य च पुनर् एवं विहितं ब्रह्मौदनं
anugata etasminn agnau prayāṇe yajamānasya ca punar evaṃ vihitaṃ brahmaudanaṃ
- 9
ब्राह्मौदनिको यजमानो व्रतं चरति
brāhmaudaniko yajamāno vrataṃ carati
- 10
न स्त्रियम् उपैति न मांसम् अश्नाति नास्य गृहाद् अग्निं हरन्ति नान्यतश्चाहरन्ति
na striyam upaiti na māṃsam aśnāti nāsya gṛhād agniṃ haranti nānyataścāharanti
- 11
यदि संवत्सरे नाधातुं शक्नुयात्पुनर् एवं ब्रह्मौदनं विहितं
yadi saṃvatsare nādhātuṃ śaknuyātpunar evaṃ brahmaudanaṃ vihitaṃ
- 12
श्व आधास्यमानश्च ब्रह्मौदनं पचत्य् अध्वर्युश्चैतां रात्रिम् एतद्व्रतं चरति
śva ādhāsyamānaśca brahmaudanaṃ pacaty adhvaryuścaitāṃ rātrim etadvrataṃ carati
- 13
प्रजा अग्ने संवासयेत्य् उत्तरेण गार्हपत्यायतनं कल्माषम् अजं संयच्छेत्
prajā agne saṃvāsayety uttareṇa gārhapatyāyatanaṃ kalmāṣam ajaṃ saṃyacchet
- 14
शल्कैर् अग्निम् इन्धान इति शल्कैस्तां रात्रिं विनिद्रो यजमानो ऽग्निम् इन्द्धे
śalkair agnim indhāna iti śalkaistāṃ rātriṃ vinidro yajamāno 'gnim inddhe

