11 shlokas
- 1
यथाहितस्याग्नेर् अङ्गारा अभ्यववर्तेरन्
yathāhitasyāgner aṅgārā abhyavavarteran
- 2
तं प्रदक्षिणं परितो नीत्वा यद् अक्रन्द इति पुनर् एव तथाक्रमयति
taṃ pradakṣiṇaṃ parito nītvā yad akranda iti punar eva tathākramayati
- 3
पुरस्तात्प्रत्यङ्मुखम् अश्वं स्थापयति
purastātpratyaṅmukham aśvaṃ sthāpayati
- 4
अश्वाभावे ऽनडुहो ऽजस्य पदे वादधीत
aśvābhāve 'naḍuho 'jasya pade vādadhīta
- 5
कमण्डलुपद आदधीतेत्य् एके
kamaṇḍalupada ādadhītety eke
- 6
यद् इदं दिव इत्य् अग्निम् अभिमन्त्र्य पुरस्तात्प्रत्यङ्मुखस्तिष्ठन्सर्वाभिर्व्याहृतीभिर्यथर्ष्याधानेन भूमिर्भूम्नास्य प्राणाद् इति प्रथमोत्तमाभ्यां सर्पराज्ञीभ्याम् अर्कश्चक्षुर् इत्य् उत्तमेन च घर्मशिरसा यास्ते शिवा अपानं त्वामृते दिवस्त्वा वीर्येणाग्ने सम्राड् इत्य् आहवनीयं ज्वलन्तम् अग्निम् ऊर्ध्वज्ञुर् एव संभारेष्व् अस्य पद आदधाति यज्ञायज्ञीये बृहति श्यैते च गीयमाने
yad idaṃ diva ity agnim abhimantrya purastātpratyaṅmukhastiṣṭhansarvābhirvyāhṛtībhiryatharṣyādhānena bhūmirbhūmnāsya prāṇād iti prathamottamābhyāṃ sarparājñībhyām arkaścakṣur ity uttamena ca gharmaśirasā yāste śivā apānaṃ tvāmṛte divastvā vīryeṇāgne samrāḍ ity āhavanīyaṃ jvalantam agnim ūrdhvajñur eva saṃbhāreṣv asya pada ādadhāti yajñāyajñīye bṛhati śyaite ca gīyamāne
- 7
आहिते वारवन्तीयं गायति
āhite vāravantīyaṃ gāyati
- 8
प्रतिषिद्धान्य् अग्न्याधेये सामानि व्याहृतीभिर् एवोद्गीथं भवतीत्य् एके
pratiṣiddhāny agnyādheye sāmāni vyāhṛtībhir evodgīthaṃ bhavatīty eke
- 9
लौकिकं मथितं वाग्निम् आहृत्याहवनीयाद्वा पञ्चम्या व्याहृत्या चतुर्थ्या च यथर्ष्य् आधानेन सभ्यावसथ्यौ संभारेष्व् आदधाति
laukikaṃ mathitaṃ vāgnim āhṛtyāhavanīyādvā pañcamyā vyāhṛtyā caturthyā ca yatharṣy ādhānena sabhyāvasathyau saṃbhāreṣv ādadhāti
- 10
व्याख्यातो बीजहोमो यजमानस्य चोपस्थानम्
vyākhyāto bījahomo yajamānasya copasthānam
- 11
आनशे व्यानशे सर्वम् आयुर्व्यानशे ऽहं त्वद् अस्मि ये ते अग्ने शिवे तनुवाव् इति चैतैर् आहवनीयम् उपतिष्ठते
ānaśe vyānaśe sarvam āyurvyānaśe 'haṃ tvad asmi ye te agne śive tanuvāv iti caitair āhavanīyam upatiṣṭhate

