19 shlokas
- 1
अथाहिताग्नेर्द्वादशरात्रव्रतानि
athāhitāgnerdvādaśarātravratāni
- 2
न मांसम् अश्नाति न स्त्रियम् उपैति नानृतं वदत्य् अमृन्मयपायी स्वयं पादशोध्य् अक्षारलवणाश्य् अशमीधान्यं भुञ्जानो ऽन्यत्र तिलेभ्यः स्वयम् इध्महारो ऽग्न्यागारे संविशति
na māṃsam aśnāti na striyam upaiti nānṛtaṃ vadaty amṛnmayapāyī svayaṃ pādaśodhy akṣāralavaṇāśy aśamīdhānyaṃ bhuñjāno 'nyatra tilebhyaḥ svayam idhmahāro 'gnyāgāre saṃviśati
- 3
द्वादशरात्रम् अजस्रा अस्याग्नयः
dvādaśarātram ajasrā asyāgnayaḥ
- 4
नास्य ब्राह्मणो ऽनाश्वान्गृहे वसेत्
nāsya brāhmaṇo 'nāśvāngṛhe vaset
- 5
अतीतासु द्वादशरात्रिषु पवमानहवींष्य् अनुनिर्वपेत्संवत्सर ऋतौ मासे ऽर्धमासे चतुरहे त्र्यहे द्व्यहे श्वोभूते सद्यो वा
atītāsu dvādaśarātriṣu pavamānahavīṃṣy anunirvapetsaṃvatsara ṛtau māse 'rdhamāse caturahe tryahe dvyahe śvobhūte sadyo vā
- 6
अग्नये पवमानाय पुरोडाशम् अष्टाकपालं निर्वपेद् अग्नये पावकायाग्नये शुचय इति
agnaye pavamānāya puroḍāśam aṣṭākapālaṃ nirvaped agnaye pāvakāyāgnaye śucaya iti
- 7
त्रीणि हवींषि साकं समस्येत्
trīṇi havīṃṣi sākaṃ samasyet
- 8
पूर्वं निरुप्योत्तरे समस्येद्वा
pūrvaṃ nirupyottare samasyedvā
- 9
आग्नेयेनाष्टाकपालेन साकम् एतानि हवींषि समस्येद् इत्य् एके
āgneyenāṣṭākapālena sākam etāni havīṃṣi samasyed ity eke
- 10
अग्नेः पवमानस्याग्न आयूंष्य् अग्ने पवस्वेति याज्यानुवाक्ये
agneḥ pavamānasyāgna āyūṃṣy agne pavasveti yājyānuvākye
- 11
त्रिंशन्मानं हिरण्यम् अस्य दक्षिणा
triṃśanmānaṃ hiraṇyam asya dakṣiṇā
- 12
अग्नेः पावकस्याग्ने पावक स नः पावकेति
agneḥ pāvakasyāgne pāvaka sa naḥ pāvaketi
- 13
अग्नेः शुचेर् अग्निः शुचिव्रततम उद् अग्ने शुचयस्तवेति
agneḥ śucer agniḥ śucivratatama ud agne śucayastaveti
- 14
त्रिंशन्मानं हिरण्यं मध्यमस्य चत्वारिंशन्मानं हिरण्यम् उत्तमस्य
triṃśanmānaṃ hiraṇyaṃ madhyamasya catvāriṃśanmānaṃ hiraṇyam uttamasya
- 15
ऐन्द्राग्नम् एकादशकपालम् अनुनिर्वपत्य् अदित्यै घृते चरुं
aindrāgnam ekādaśakapālam anunirvapaty adityai ghṛte caruṃ
- 16
सप्तदशादित्यस्य सामिधेन्यः
saptadaśādityasya sāmidhenyaḥ
- 17
अग्निना रयिं गयस्फान इति पुष्टिमन्ताव् आज्यभागाव् इन्द्राग्नी आगतं गीर्भिर्विप्र इत्य् ऐन्द्राग्नस्य
agninā rayiṃ gayasphāna iti puṣṭimantāv ājyabhāgāv indrāgnī āgataṃ gīrbhirvipra ity aindrāgnasya
- 18
उत त्वाम् अदिते महीम् ऊ षु मातरम् इत्य् आदित्यस्य प्रेद्धो अग्न इमो अग्न इति संयाज्ये
uta tvām adite mahīm ū ṣu mātaram ity ādityasya preddho agna imo agna iti saṃyājye
- 19
संतिष्ठते सेष्ट्याधानम्
saṃtiṣṭhate seṣṭyādhānam

