6 shlokas
- 1
अक्षवर्ध्रशलाकाद्यैर्देवनं जिह्मकारितम्
पणक्रीडा वयोभिश्च पदं द्यूतसमाह्वयम्
akṣavardhraśalākādyairdevanaṃ jihmakāritam
paṇakrīḍā vayobhiśca padaṃ dyūtasamāhvayam
- 2
सभिकः कारयेद्द्यूतं देयं दद्याच्च तत्कृतम्
दशकं तु शतं वृद्धिस्तस्य स्याद्द्यूतकारिता
sabhikaḥ kārayeddyūtaṃ deyaṃ dadyācca tatkṛtam
daśakaṃ tu śataṃ vṛddhistasya syāddyūtakāritā
- 3
द्विरभ्यस्ताः पतन्त्य् अक्षा ग्लहे यस्याक्षदेविनः
जयं तस्यापरस्याहुः कितवस्य पराजयम्
dvirabhyastāḥ patanty akṣā glahe yasyākṣadevinaḥ
jayaṃ tasyāparasyāhuḥ kitavasya parājayam
- 4
कितवेष्व् एव तिष्ठेयुः कितवाः संशयं प्रति
त एव तस्य द्रष्टारः स्युस्त एव च साक्षिणः
kitaveṣv eva tiṣṭheyuḥ kitavāḥ saṃśayaṃ prati
ta eva tasya draṣṭāraḥ syusta eva ca sākṣiṇaḥ
- 5
अशुद्धः कितवो नान्यद् आश्रयेद्द्यूतमण्डलम्
प्रतिहन्यान्न सभिकं दापयेत्तत्स्वम् इष्टतः
aśuddhaḥ kitavo nānyad āśrayeddyūtamaṇḍalam
pratihanyānna sabhikaṃ dāpayettatsvam iṣṭataḥ
- 6
कूटाक्षदेविनः पापान्निर्भजेद्द्यूतमण्डलात्
कण्ठे ऽक्षमालाम् आसज्य स ह्य् एषां विनयः स्मृतः
kūṭākṣadevinaḥ pāpānnirbhajeddyūtamaṇḍalāt
kaṇṭhe 'kṣamālām āsajya sa hy eṣāṃ vinayaḥ smṛtaḥ

