7 shlokas
- 1
पाषण्डनैगमादीनां स्थितिः समय उच्यते
समयस्यानपाकर्म तद्विवादपदं स्मृतम्
pāṣaṇḍanaigamādīnāṃ sthitiḥ samaya ucyate
samayasyānapākarma tadvivādapadaṃ smṛtam
- 2
पाषण्डनैगमश्रेणीपूगव्रातगणादिषु
संरक्षेत्समयं राजा दुर्गे जनपदे तथा
pāṣaṇḍanaigamaśreṇīpūgavrātagaṇādiṣu
saṃrakṣetsamayaṃ rājā durge janapade tathā
- 3
यो धर्मः कर्म यच्चैषाम् उपस्थानविधिश्च यः
यच्चैषां वृत्त्युपादानम् अनुमन्येत तत्तथा
yo dharmaḥ karma yaccaiṣām upasthānavidhiśca yaḥ
yaccaiṣāṃ vṛttyupādānam anumanyeta tattathā
- 4
प्रतिकूलं च यद्राज्ञः प्रकृत्यवमतं च यत्
बाधकं च यद् अर्थानां तत्तेभ्यो विनिवर्तयेत्
pratikūlaṃ ca yadrājñaḥ prakṛtyavamataṃ ca yat
bādhakaṃ ca yad arthānāṃ tattebhyo vinivartayet
- 5
मिथः संघातकरणम् अहितं शस्त्रधारणम्
परस्परोपघातं च तेषां राजा न मर्षयेत्
mithaḥ saṃghātakaraṇam ahitaṃ śastradhāraṇam
parasparopaghātaṃ ca teṣāṃ rājā na marṣayet
- 6
पृथग्गणांश्च ये भिन्द्युस्ते विनेया विशेषतः
आवहेयुर्भयं घोरं व्याधिवत्ते ह्य् उपेक्षिताः
pṛthaggaṇāṃśca ye bhindyuste vineyā viśeṣataḥ
āvaheyurbhayaṃ ghoraṃ vyādhivatte hy upekṣitāḥ
- 7
दोषवत्करणं यत्स्याद् अनाम्नायप्रकल्पितम्
प्रवृत्तम् अपि तद्राजा श्रेयस्कामो निवर्तयेत्
doṣavatkaraṇaṃ yatsyād anāmnāyaprakalpitam
pravṛttam api tadrājā śreyaskāmo nivartayet

