12 shlokas
- 1
अथ दाक्षिणानि होष्यन्याचत्य् आज्यस्थालीं सस्रुवां स्रुचं वासः
atha dākṣiṇāni hoṣyanyācaty ājyasthālīṃ sasruvāṃ srucaṃ vāsaḥ
- 2
तस्यैतस्य वसनस्यान्तमायां दशायां हिरण्यशल्कः प्रग्रथितो भवति
tasyaitasya vasanasyāntamāyāṃ daśāyāṃ hiraṇyaśalkaḥ pragrathito bhavati
- 3
एतत्समादायाहैहि यजमानेति
etatsamādāyāhaihi yajamāneti
- 4
उत्तरेणाग्नीध्रीयं परीत्योत्तरेण सदः परीत्य पूर्वया द्वारा शालां प्रपाद्य समन्वारब्धेष्व् अपिव्रतेषु संप्रच्छन्नेषु गार्हपत्य आज्यं विलाप्योत्पूय स्रुचि चतुर्गृहीतं गृहीत्वा वसनस्यान्तं स्रुग्दण्ड उपसंगृह्य सौरीभ्याम् ऋग्भ्यां गार्हपत्ये जुहोत्य् उद् उ त्यं जातवेदसं देवं वहन्ति केतवः
दृशे विश्वाय सूर्यं स्वाहेति
uttareṇāgnīdhrīyaṃ parītyottareṇa sadaḥ parītya pūrvayā dvārā śālāṃ prapādya samanvārabdheṣv apivrateṣu saṃpracchanneṣu gārhapatya ājyaṃ vilāpyotpūya sruci caturgṛhītaṃ gṛhītvā vasanasyāntaṃ srugdaṇḍa upasaṃgṛhya saurībhyām ṛgbhyāṃ gārhapatye juhoty ud u tyaṃ jātavedasaṃ devaṃ vahanti ketavaḥ
dṛśe viśvāya sūryaṃ svāheti
- 5
अपरं चतुर्गृहीतं गृहीत्वा गार्हपत्य एव जुहोति चित्रं देवानाम् उद् अगाद् अनीकं चक्षुर्मित्रस्य वरुणस्याग्नेः
आप्रा द्यावापृथिवी अन्तरिक्षं सूर्य आत्मा जगतस्तस्थुषश्च स्वाहेति
aparaṃ caturgṛhītaṃ gṛhītvā gārhapatya eva juhoti citraṃ devānām ud agād anīkaṃ cakṣurmitrasya varuṇasyāgneḥ
āprā dyāvāpṛthivī antarikṣaṃ sūrya ātmā jagatastasthuṣaśca svāheti
- 6
अथाग्नीध्रं द्रुत्वा स्रुचि चतुर्गृहीतं गृहीत्वा वसनस्यैवान्तं स्रुग्दण्ड उपसंगृह्य नयवत्यर्चाग्नीध्रे जुहोत्य् अग्ने नय सुपथा राये अस्मान्विश्वानि देव वयुनानि विद्वान्
युयोध्य् अस्मज्जुहुराणम् एनो भूयिष्ठां ते नमौक्तिं विधेम स्वाहेति
athāgnīdhraṃ drutvā sruci caturgṛhītaṃ gṛhītvā vasanasyaivāntaṃ srugdaṇḍa upasaṃgṛhya nayavatyarcāgnīdhre juhoty agne naya supathā rāye asmānviśvāni deva vayunāni vidvān
yuyodhy asmajjuhurāṇam eno bhūyiṣṭhāṃ te namauktiṃ vidhema svāheti
- 7
अथ दिवं गच्छ सुवः पतेति हिरण्यं हुत्वोद्गृह्णाति
atha divaṃ gaccha suvaḥ pateti hiraṇyaṃ hutvodgṛhṇāti
- 8
सृज्यन्ते दक्षिणा दक्षिणापथेनान्तरेण सदश्च गार्हपत्यं चान्तरेण सदश्चाग्नीध्रं चान्तरेण चात्वालोत्करौ
sṛjyante dakṣiṇā dakṣiṇāpathenāntareṇa sadaśca gārhapatyaṃ cāntareṇa sadaścāgnīdhraṃ cāntareṇa cātvālotkarau
- 9
एवम् उदीच्यः प्रतिपद्यन्ते
evam udīcyaḥ pratipadyante
- 10
ताः प्रदक्षिणं कृत्वाभ्यैति रूपेण वो रूपम् अभ्यैमि वयसा वय इति
tāḥ pradakṣiṇaṃ kṛtvābhyaiti rūpeṇa vo rūpam abhyaimi vayasā vaya iti
- 11
अथैना विभजति तुथो वो विश्ववेदा विभजतु वर्षिष्ठे अधि नाक इति
athainā vibhajati tutho vo viśvavedā vibhajatu varṣiṣṭhe adhi nāka iti
- 12
अथ सदो ऽभ्यैत्य् एतत्ते अग्ने राध ऐति सोमच्युतं तन्मित्रस्य पथा नयर्तस्य पथा प्रेत चन्द्रदक्षिणा यज्ञस्य पथा सुविता नयन्तीर् इति
atha sado 'bhyaity etatte agne rādha aiti somacyutaṃ tanmitrasya pathā nayartasya pathā preta candradakṣiṇā yajñasya pathā suvitā nayantīr iti

