12 shlokas
- 1
इष्टयजुषस्ते देव सोम स्तुतस्तोमस्य शस्तोक्थस्य हरिवत इन्द्रपीतस्य मधुमत उपहूतस्योपहूतो भक्षयामीति
iṣṭayajuṣaste deva soma stutastomasya śastokthasya harivata indrapītasya madhumata upahūtasyopahūto bhakṣayāmīti
- 2
अथैना निर्णिज्योत्तरवेद्यां संनिवपन्त्य् आपूर्या स्था मा पूरयत प्रजया च धनेन चेति
athainā nirṇijyottaravedyāṃ saṃnivapanty āpūryā sthā mā pūrayata prajayā ca dhanena ceti
- 3
निवपन्न् एव यजमानस्तिस्रो धानाः सचते
nivapann eva yajamānastisro dhānāḥ sacate
- 4
अथ याचति स्फ्यम् उदपात्रं बर्हिर् इति
atha yācati sphyam udapātraṃ barhir iti
- 5
एतत्समादायाहैहि यजमानेति
etatsamādāyāhaihi yajamāneti
- 6
जघनेन दक्षिणेन हविर्धाने परीत्य दक्षिणेन मार्जालीयं धिष्णियं स्फ्येनोद्धत्यावोक्ष्य दक्षिणाग्रं बर्हि स्तीर्त्वाद्भिर्मार्जयति मार्जयन्तां पितरो मार्जयन्तां पितामहा मार्जयन्तां प्रपितामहा इति
jaghanena dakṣiṇena havirdhāne parītya dakṣiṇena mārjālīyaṃ dhiṣṇiyaṃ sphyenoddhatyāvokṣya dakṣiṇāgraṃ barhi stīrtvādbhirmārjayati mārjayantāṃ pitaro mārjayantāṃ pitāmahā mārjayantāṃ prapitāmahā iti
- 7
अथ तिस्रो धाना ददात्य् एतत्ते ततासौ ये च त्वाम् अन्व् एतत्ते पितामहासौ ये च त्वाम् अन्व् एतत्ते प्रपितामहासौ ये च त्वाम् अन्व् इति
atha tisro dhānā dadāty etatte tatāsau ye ca tvām anv etatte pitāmahāsau ye ca tvām anv etatte prapitāmahāsau ye ca tvām anv iti
- 8
अत्र पितरो यथाभागं मन्दध्वम् इत्य् उक्त्वोदङ्पर्यावृत्यात्र षड्ढोतारं व्याचष्टे
atra pitaro yathābhāgaṃ mandadhvam ity uktvodaṅparyāvṛtyātra ṣaḍḍhotāraṃ vyācaṣṭe
- 9
अथाभिपर्यावृत्य तथैवाद्भिर्मार्जयित्वैतेनैव यथेतम् एत्याग्नीध्रीये द्वे स्रुवाहुती जुहोति यन्म आत्मनो मिन्दाभूत्पुनर् अग्निश्चक्षुर् अदाद् इति द्वाभ्याम्
athābhiparyāvṛtya tathaivādbhirmārjayitvaitenaiva yathetam etyāgnīdhrīye dve sruvāhutī juhoti yanma ātmano mindābhūtpunar agniścakṣur adād iti dvābhyām
- 10
अथाहवनीये शाकलैश्चरन्ति देवकृतस्यैनसो ऽवयजनम् असि स्वाहा मनुष्यकृतस्यैनसो ऽवयजनम् असि स्वाहा पितृकृतस्यैनसो ऽवयजनम् असि स्वाहेति
athāhavanīye śākalaiścaranti devakṛtasyainaso 'vayajanam asi svāhā manuṣyakṛtasyainaso 'vayajanam asi svāhā pitṛkṛtasyainaso 'vayajanam asi svāheti
- 11
अथाप्सुषोमान्पर्युपविश्यावघ्रेण भक्षयन्त्य् अप्सु धौतस्य सोम देव ते नृभिः सुतस्येष्टयजुष स्तुतस्तोमस्य शस्तोक्थस्य यो भक्षो अश्वसनिर्यो गोसनिस्तस्य ते पितृभिर्भक्षंकृतस्योपहूतस्योपहूतो भक्षयामीति
athāpsuṣomānparyupaviśyāvaghreṇa bhakṣayanty apsu dhautasya soma deva te nṛbhiḥ sutasyeṣṭayajuṣa stutastomasya śastokthasya yo bhakṣo aśvasaniryo gosanistasya te pitṛbhirbhakṣaṃkṛtasyopahūtasyopahūto bhakṣayāmīti
- 12
अथैना निनीयोपोत्थायादित्यम् उपतिष्ठन्ते
athainā ninīyopotthāyādityam upatiṣṭhante

