9 shlokas
- 1
अपाम सोमम् अमृता अभूमादर्श्म ज्योतिर् अविदाम देवान्
किम् अस्मान्कृणवद् अरातिः किम् उ धूर्तिर् अमृत मर्त्यस्येति
apāma somam amṛtā abhūmādarśma jyotir avidāma devān
kim asmānkṛṇavad arātiḥ kim u dhūrtir amṛta martyasyeti
- 2
यद्य् उ वा अस्तमित आदित्यो भवत्य् आहवनीयम् एवैतेन यजुषोपतिष्ठन्ते
yady u vā astamita ādityo bhavaty āhavanīyam evaitena yajuṣopatiṣṭhante
- 3
अथाग्नीध्रं द्रुत्वाग्नीध्रे दधिद्रप्सान्भक्षयन्ति दधिक्राव्णो अकारिषम् इति
athāgnīdhraṃ drutvāgnīdhre dadhidrapsānbhakṣayanti dadhikrāvṇo akāriṣam iti
- 4
अथ सख्यवैसर्जनं जपन्त्य् उभा कवी युवाना सत्या ता धर्मणस्पती
सत्यस्य धर्मणस्पते वि सख्यानि सृजामह इति
atha sakhyavaisarjanaṃ japanty ubhā kavī yuvānā satyā tā dharmaṇaspatī
satyasya dharmaṇaspate vi sakhyāni sṛjāmaha iti
- 5
अथाध्वर्युः प्रदक्षिणम् आवृत्य प्रत्यङ्ङ् आद्रुत्य पत्नीः संयाज्य प्राङ् एत्य ध्रुवाम् आप्याय्य षड् ऋग्मियाणि जुहोति धाता रातिः सवितेदं जुषन्ताम् इति
athādhvaryuḥ pradakṣiṇam āvṛtya pratyaṅṅ ādrutya patnīḥ saṃyājya prāṅ etya dhruvām āpyāyya ṣaḍ ṛgmiyāṇi juhoti dhātā rātiḥ savitedaṃ juṣantām iti
- 6
त्रीणि यजूंषि यज्ञ यज्ञं गच्छैष ते यज्ञो यज्ञपते देवा गातुविद इति
trīṇi yajūṃṣi yajña yajñaṃ gacchaiṣa te yajño yajñapate devā gātuvida iti
- 7
अथ स्रुचि चतुर्गृहीतं गृहीत्वायुर्दां दशमीं जुहोत्य् आयुर्दा अग्ने हविषो जुषाण इति
atha sruci caturgṛhītaṃ gṛhītvāyurdāṃ daśamīṃ juhoty āyurdā agne haviṣo juṣāṇa iti
- 8
एतस्मिन्काले चात्वाले यजमानः कृष्णविषाणां प्रास्यतीन्द्रस्य योनिर् असि यज्ञस्य त्वा योनौ सादयामीति वा तूष्णीं वा
etasminkāle cātvāle yajamānaḥ kṛṣṇaviṣāṇāṃ prāsyatīndrasya yonir asi yajñasya tvā yonau sādayāmīti vā tūṣṇīṃ vā
- 9
अथ प्रतिप्रस्थाता पत्नीम् उदानयति सा चात्वाले शङ्कुं प्रास्यति तूष्णीम्
atha pratiprasthātā patnīm udānayati sā cātvāle śaṅkuṃ prāsyati tūṣṇīm

