31 shlokas
- 1
होतुश्चमसम् अनून्नयध्वम् उभयतःशुक्रान्कुरुध्वम् अच्छावाकस्य चमसाध्वर्यो ऽपि त्वम् उन्नयस्व प्रतिप्रस्थातश्चतुर्भिर्मा शकलैः प्रोक्षिताप्रोक्षितैः प्रत्युपलम्बस्वेति
hotuścamasam anūnnayadhvam ubhayataḥśukrānkurudhvam acchāvākasya camasādhvaryo 'pi tvam unnayasva pratiprasthātaścaturbhirmā śakalaiḥ prokṣitāprokṣitaiḥ pratyupalambasveti
- 2
यथासंप्रैषं ते कुर्वन्ति
yathāsaṃpraiṣaṃ te kurvanti
- 3
समानं कर्माश्रावणात्
samānaṃ karmāśrāvaṇāt
- 4
आश्रावण एव व्येति
āśrāvaṇa eva vyeti
- 5
अथाध्वर्युः पुरस्तात्प्रत्यङ्तिष्ठन्न् आश्रावयत्य् ओ श्रावयास्तु श्रौषण्माध्यंदिनस्य सवनस्य निष्केवल्यस्य भागस्य शुक्रवतो मन्थिवतो मधुश्चुत इन्द्राय सोमान्प्रस्थितान्प्रेष्येति
athādhvaryuḥ purastātpratyaṅtiṣṭhann āśrāvayaty o śrāvayāstu śrauṣaṇmādhyaṃdinasya savanasya niṣkevalyasya bhāgasya śukravato manthivato madhuścuta indrāya somānprasthitānpreṣyeti
- 6
वषट्कृते सहोभौ जुहुतः स प्रथमः संकृतिर्विश्वकर्मेति
vaṣaṭkṛte sahobhau juhutaḥ sa prathamaḥ saṃkṛtirviśvakarmeti
- 7
वषट्कृतानुवषट्कृते द्विर्जुहुतः
vaṣaṭkṛtānuvaṣaṭkṛte dvirjuhutaḥ
- 8
तथैव द्विर्द्विः सर्वांश्चमसाञ्जुह्वति
tathaiva dvirdviḥ sarvāṃścamasāñjuhvati
- 9
तथा संप्रैषम् आह प्रैतु होतुश्चमसः प्र ब्रह्मण इति
tathā saṃpraiṣam āha praitu hotuścamasaḥ pra brahmaṇa iti
- 10
तथा प्रदक्षिणम् आवृत्य होतृचमसे ग्रहस्य संस्रावम् अवनयति हुतं त्वा हुते ऽवनयाम्य् ऊर्जस्वन्तं देवेभ्यो मधुमन्तं मनुष्येभ्य इति वा तूष्णीं वा
tathā pradakṣiṇam āvṛtya hotṛcamase grahasya saṃsrāvam avanayati hutaṃ tvā hute 'vanayāmy ūrjasvantaṃ devebhyo madhumantaṃ manuṣyebhya iti vā tūṣṇīṃ vā
- 11
तथा प्रतिप्रस्थातोत्तरार्ध आहवनीयस्य मन्थिनः संस्रावं जुहोति
tathā pratiprasthātottarārdha āhavanīyasya manthinaḥ saṃsrāvaṃ juhoti
- 12
तथाप उपस्पृश्य शुक्रपात्रं च मन्थिपात्रं च खरे यथायतनं सादयति
tathāpa upaspṛśya śukrapātraṃ ca manthipātraṃ ca khare yathāyatanaṃ sādayati
- 13
यन्त्य् एते महर्त्विजां चमसाः
yanty ete mahartvijāṃ camasāḥ
- 14
तथैते होत्रकाणां चमसाध्वर्यवः सकृत्सकृद्द्रोणकलशाद् अभ्युन्नीयोपावर्तन्ते
tathaite hotrakāṇāṃ camasādhvaryavaḥ sakṛtsakṛddroṇakalaśād abhyunnīyopāvartante
- 15
तेषां तथैव मैत्रावरुणचमसम् आदायाश्राव्याह प्रशास्तर्यजेति
teṣāṃ tathaiva maitrāvaruṇacamasam ādāyāśrāvyāha praśāstaryajeti
- 16
ब्रह्मन्यज पोतर्यज नेष्टर्यजाच्छावाक यजाग्नीद्यजेति
brahmanyaja potaryaja neṣṭaryajācchāvāka yajāgnīdyajeti
- 17
षड्ढोत्राः संयाज्य प्रदक्षिणम् आवृत्य प्रत्यङ्ङ् आद्रुत्याग्रेण होतारम् उपविशत्य् अयाड् अग्नीद् इति
ṣaḍḍhotrāḥ saṃyājya pradakṣiṇam āvṛtya pratyaṅṅ ādrutyāgreṇa hotāram upaviśaty ayāḍ agnīd iti
- 18
स भद्रम् अकर् इत्य् आह होता यो नः सोमं राजानं पाययिष्यतीति
sa bhadram akar ity āha hotā yo naḥ somaṃ rājānaṃ pāyayiṣyatīti
- 19
तथाप उपस्पृश्य होत्र इडाम् उपोद्यच्छन्ते
tathāpa upaspṛśya hotra iḍām upodyacchante
- 20
उपहूयमानायाम् इडायाम् उपप्रगृह्णन्ति चमसान्
upahūyamānāyām iḍāyām upapragṛhṇanti camasān
- 21
उपहूतायाम् इडायाम् अग्नीध आदधाति षडवत्तम्
upahūtāyām iḍāyām agnīdha ādadhāti ṣaḍavattam
- 22
प्राश्नन्ति
prāśnanti
- 23
मार्जयन्ते
mārjayante
- 24
इडोपहूतांश्चमसान्भक्षयन्ति भक्षेहि माविशेति दीर्घभक्षम् अनुद्रुत्य रुद्रवद्गणस्य सोम देव ते मतिविदो माध्यंदिनस्य सवनस्य त्रिष्टुप्छन्दस इन्द्रपीतस्य मधुमत उपहूतस्योपहूतो भक्षयामीति
iḍopahūtāṃścamasānbhakṣayanti bhakṣehi māviśeti dīrghabhakṣam anudrutya rudravadgaṇasya soma deva te mativido mādhyaṃdinasya savanasya triṣṭupchandasa indrapītasya madhumata upahūtasyopahūto bhakṣayāmīti
- 25
होतृचमसम् एवैते त्रयः समुपहूय भक्षयन्ति
hotṛcamasam evaite trayaḥ samupahūya bhakṣayanti
- 26
यथाचमसं चमसान्
yathācamasaṃ camasān
- 27
हिन्व म इत्य् आत्मानं प्रत्यभिमृशन्ते
hinva ma ity ātmānaṃ pratyabhimṛśante
- 28
आप्याययन्ति चमसान् आप्यायस्व समेतु त इति
āpyāyayanti camasān āpyāyasva sametu ta iti
- 29
सीदन्ति नाराशंसा आप्यायिता दक्षिणस्य हविर्धानस्यापालम्बम् अधोऽधस्तृतीयाय मरुत्वतीयाय
sīdanti nārāśaṃsā āpyāyitā dakṣiṇasya havirdhānasyāpālambam adho'dhastṛtīyāya marutvatīyāya
- 30
एतस्मिन्काल आग्नीध्रे यजमानः पुरोडाशानां प्राश्नाति
etasminkāla āgnīdhre yajamānaḥ puroḍāśānāṃ prāśnāti

