28 shlokas
- 1
प्रसर्पन्ति माध्यंदिनाय सवनाय देवी द्वाराव् इत्य् अत एवोर्ध्वेन
prasarpanti mādhyaṃdināya savanāya devī dvārāv ity ata evordhvena
- 2
सम्प्रसृप्तान्विदित्वाध्वर्युः प्राङ् आयन्न् आहाभिषोतार एत ह्वयत ग्रावस्तुतम् एहि यजमानेति
samprasṛptānviditvādhvaryuḥ prāṅ āyann āhābhiṣotāra eta hvayata grāvastutam ehi yajamāneti
- 3
पूर्वया द्वारा हविर्धानं प्रपाद्य होतृचमसे वसतीवरीभ्यो ऽध्य् अपो निःषिच्य तासु तथैव निग्राभ्यासु यजमानं वाचयति
pūrvayā dvārā havirdhānaṃ prapādya hotṛcamase vasatīvarībhyo 'dhy apo niḥṣicya tāsu tathaiva nigrābhyāsu yajamānaṃ vācayati
- 4
तास्तथैव यजमानाय सम्प्रदाय ग्रावाणम् आदत्ते ऽन्यम् उपांशुसवनात्
tāstathaiva yajamānāya sampradāya grāvāṇam ādatte 'nyam upāṃśusavanāt
- 5
तं तथैव प्राञ्चं प्रश्रित्य विस्रस्य राजानं ग्रावाणम् अभिमिमीत इन्द्राय त्वेन्द्राय त्वेति
taṃ tathaiva prāñcaṃ praśritya visrasya rājānaṃ grāvāṇam abhimimīta indrāya tvendrāya tveti
- 6
पञ्चकृत्वो यजुषा पञ्चकृत्वस्तूष्णीम्
pañcakṛtvo yajuṣā pañcakṛtvastūṣṇīm
- 7
दशकृत्वो मिमानः सर्वश एव राजानं मिमीते
daśakṛtvo mimānaḥ sarvaśa eva rājānaṃ mimīte
- 8
अद्भिर् अभ्युक्ष्य ग्रावस्तुत उष्णीषं प्रयच्छति
adbhir abhyukṣya grāvastuta uṣṇīṣaṃ prayacchati
- 9
अद्भिर् एवाभ्युक्ष्याध्वर्योर् आवसथं वासो हरन्ति
adbhir evābhyukṣyādhvaryor āvasathaṃ vāso haranti
- 10
तथा मितं राजानं होतृचमसीयाभिर् उपसृजति
tathā mitaṃ rājānaṃ hotṛcamasīyābhir upasṛjati
- 11
तथा संप्रयौति
tathā saṃprayauti
- 12
तथा तिरश्चर्मन्फलके अभिमृशति
tathā tiraścarmanphalake abhimṛśati
- 13
तथा वृद्धीर्वाचयति
tathā vṛddhīrvācayati
- 14
नात्रांशून्सचते
nātrāṃśūnsacate
- 15
घोषवन्त एवाभिषुण्वन्तीहा३ इहा३ इहेति
ghoṣavanta evābhiṣuṇvantīhā3 ihā3 iheti
- 16
तद् एव सद्विनयन्तीहा३ इह इहा३ इह इहा३ इहेति
tad eva sadvinayantīhā3 iha ihā3 iha ihā3 iheti
- 17
अथ संभरणीये निष्क्रीडयन्तीहा३ इहा३ इहेति
atha saṃbharaṇīye niṣkrīḍayantīhā3 ihā3 iheti
- 18
अथैनं सुसंभृतं संभरण्यां संभृत्योन्नेत्र उत्प्रयच्छति
athainaṃ susaṃbhṛtaṃ saṃbharaṇyāṃ saṃbhṛtyonnetra utprayacchati
- 19
तम् उन्नेताधवनीये ऽवनयति
tam unnetādhavanīye 'vanayati
- 20
एवम् एव द्वितीयः पर्यायः संतिष्ठते
evam eva dvitīyaḥ paryāyaḥ saṃtiṣṭhate
- 21
एवं तृतीयः
evaṃ tṛtīyaḥ
- 22
तृतीयस्य तृतीये बृहद् उपयन्ति बृहद्बृहद्बृहद् इति
tṛtīyasya tṛtīye bṛhad upayanti bṛhadbṛhadbṛhad iti
- 23
ऋजीषम् अन्ततो दशापवित्रेण परिवेष्ट्योन्नेत्र उत्प्रयच्छति
ṛjīṣam antato daśāpavitreṇa pariveṣṭyonnetra utprayacchati
- 24
तद् उन्नेताधवनीये विक्षाल्य प्रपीड्य दक्षिणस्य हविर्धानस्यान्तरेणेषे उपावहृत्य चर्मणि निदधाति
tad unnetādhavanīye vikṣālya prapīḍya dakṣiṇasya havirdhānasyāntareṇeṣe upāvahṛtya carmaṇi nidadhāti
- 25
तस्मिंस्तथैव संमुखान्ग्राव्णः कृत्वा चतुर्धैतद् ऋजीषं ग्रावमुखेभ्यो व्यपोहति
tasmiṃstathaiva saṃmukhāngrāvṇaḥ kṛtvā caturdhaitad ṛjīṣaṃ grāvamukhebhyo vyapohati
- 26
तथोद्गाता वा प्रस्तोता वा दक्षिणस्य हविर्धानस्य पश्चाद् अक्षम् उपसृप्य प्राञ्चं ग्रावसु द्रोणकलशम् अध्यूहति
tathodgātā vā prastotā vā dakṣiṇasya havirdhānasya paścād akṣam upasṛpya prāñcaṃ grāvasu droṇakalaśam adhyūhati
- 27
तस्मिंस्तथैवोदीचीनदशं दशापवित्रं वितत्य प्रसिद्धं शुक्रामन्थिनौ ग्रहौ गृह्णाति
tasmiṃstathaivodīcīnadaśaṃ daśāpavitraṃ vitatya prasiddhaṃ śukrāmanthinau grahau gṛhṇāti
- 28
अथर्तुपात्राभ्यां द्वौ मरुत्वतीयौ ग्रहौ गृह्णाति
athartupātrābhyāṃ dvau marutvatīyau grahau gṛhṇāti

