20 shlokas
- 1
अत्रैतम् अवभृथं संसादयन्त्य् अग्रेणाग्नीध्रम् उच्छ्राय्यां वा चर्मणि वा
atraitam avabhṛthaṃ saṃsādayanty agreṇāgnīdhram ucchrāyyāṃ vā carmaṇi vā
- 2
पत्नीशालाद् आददते वारुणम् उपस्तीर्णाभिघारितम् आज्यस्थालीं सस्रुवां स्रुचं बर्हिः प्रतिवसनीये वाससी औदुम्बरीं राजासन्दीम्
patnīśālād ādadate vāruṇam upastīrṇābhighāritam ājyasthālīṃ sasruvāṃ srucaṃ barhiḥ prativasanīye vāsasī audumbarīṃ rājāsandīm
- 3
सदस औदुम्बरीं स्थूणां मैत्रावरुणदण्डम्
sadasa audumbarīṃ sthūṇāṃ maitrāvaruṇadaṇḍam
- 4
हविर्धानाभ्यां पूतभृदाधवनीयौ चमसान् अधिषवणं चर्माधिषवणे फलके षट्छङ्कून्ग्राव्णो वायव्यानि स्थालीर्द्रोणकलशं दशापवित्रे ऋजीषम् इत्य् एतत्सह कृष्णाजिनेन यत्किंचित्सोमलिप्तं भवति
havirdhānābhyāṃ pūtabhṛdādhavanīyau camasān adhiṣavaṇaṃ carmādhiṣavaṇe phalake ṣaṭchaṅkūngrāvṇo vāyavyāni sthālīrdroṇakalaśaṃ daśāpavitre ṛjīṣam ity etatsaha kṛṣṇājinena yatkiṃcitsomaliptaṃ bhavati
- 5
अथ वै भवति
atha vai bhavati
- 6
परा स्थालीर् अस्यन्त्य् उद्वायव्यानि हरन्तीति
parā sthālīr asyanty udvāyavyāni harantīti
- 7
एतत्समादाय प्रस्तोतारम् आह प्रस्तोतः साम गायेति
etatsamādāya prastotāram āha prastotaḥ sāma gāyeti
- 8
साम्ना प्रस्तोतान्ववैति
sāmnā prastotānvavaiti
- 9
त्रिर्निधनम् उपैति
trirnidhanam upaiti
- 10
पुरुषः पुरुषो निधनम् उपैतीति ब्राह्मणम्
puruṣaḥ puruṣo nidhanam upaitīti brāhmaṇam
- 11
अथान्तरेण चात्वालोत्कराव् उदङ्ङ् उपनिष्क्रामन्त्य् उरुं हि राजा वरुणश्चकार सूर्याय पन्थाम् अन्वेतवा उ
अपदे पादा प्रतिधातवे ऽकर् उतापवक्ता हृदयाविधश्चिद् इति
athāntareṇa cātvālotkarāv udaṅṅ upaniṣkrāmanty uruṃ hi rājā varuṇaścakāra sūryāya panthām anvetavā u
apade pādā pratidhātave 'kar utāpavaktā hṛdayāvidhaścid iti
- 12
विषुवति द्वितीयं निधनम् उपयन्ति
viṣuvati dvitīyaṃ nidhanam upayanti
- 13
अपः पराख्याय वाचयति शतं ते राजन्भिषजः सहस्रम् उर्वी गम्भीरा सुमतिष्टे अस्तु
बाधस्व द्वेषो निरृतिं पराचैः कृतं चिद् एनः प्रमुमुग्ध्य् अस्मद् इति
apaḥ parākhyāya vācayati śataṃ te rājanbhiṣajaḥ sahasram urvī gambhīrā sumatiṣṭe astu
bādhasva dveṣo nirṛtiṃ parācaiḥ kṛtaṃ cid enaḥ pramumugdhy asmad iti
- 14
उदकान्ते तृतीयं निधनम् उपयन्ति
udakānte tṛtīyaṃ nidhanam upayanti
- 15
अथापाम् अन्तम् अभितिष्ठन्त्य् अभिष्ठितो वरुणस्य पाश इति
athāpām antam abhitiṣṭhanty abhiṣṭhito varuṇasya pāśa iti
- 16
अथाप्सु बर्हिः प्रास्यत्य् अग्नेर् अनीकम् अप आविवेश
अपां नपात्प्रतिरक्षन्न् असुर्यं दमे दमे समिधं यक्ष्य् अग्न इति
athāpsu barhiḥ prāsyaty agner anīkam apa āviveśa
apāṃ napātpratirakṣann asuryaṃ dame dame samidhaṃ yakṣy agna iti
- 17
अथैनत्स्रुवाहुत्याभिजुहोति प्रति ते जिह्वा घृतम् उच्चरण्येत्स्वाहेति
athainatsruvāhutyābhijuhoti prati te jihvā ghṛtam uccaraṇyetsvāheti
- 18
अथ स्रुचि चतुर्गृहीतं गृहीत्वापबर्हिषश्चतुरः प्रयाजान्यजति
atha sruci caturgṛhītaṃ gṛhītvāpabarhiṣaścaturaḥ prayājānyajati
- 19
अथाग्नये सोमायेत्य् आज्यभागाभ्यां चरति
athāgnaye somāyety ājyabhāgābhyāṃ carati
- 20
अथोपस्तीर्य पूर्वार्धात्पुरोडाशस्यावद्यन्न् आह
athopastīrya pūrvārdhātpuroḍāśasyāvadyann āha

