33 shlokas
- 1
मरुत्वन्तं वृषभं वावृधानम् इन्द्र मरुत्व इह पाहि सोमम् इति द्वाभ्याम्
marutvantaṃ vṛṣabhaṃ vāvṛdhānam indra marutva iha pāhi somam iti dvābhyām
- 2
अथोपरिष्टाद् आग्रयणम् आनीयाधस्ताद् उपगृह्णाति
athopariṣṭād āgrayaṇam ānīyādhastād upagṛhṇāti
- 3
तं तथैव त्रिर् अभिहिङ्कृत्य परिमृज्य सादयति
taṃ tathaiva trir abhihiṅkṛtya parimṛjya sādayati
- 4
तथोक्थ्यं गृह्णाति
tathokthyaṃ gṛhṇāti
- 5
उक्थ्येन राजानं परिदधाति
ukthyena rājānaṃ paridadhāti
- 6
तथोपर्यर्धे द्रोणकलशे परिप्लु पात्रं प्रास्य द्रप्सान् अनुमन्त्रयते द्रप्सश्चस्कन्द यस्ते द्रप्सो यो द्रप्सो यस्ते द्रप्स इति
tathoparyardhe droṇakalaśe pariplu pātraṃ prāsya drapsān anumantrayate drapsaścaskanda yaste drapso yo drapso yaste drapsa iti
- 7
तथोन्नेतारम् आहारिक्तं पूतभृतं कुरु पवमानस्य ग्रहान्ग्रहीष्यामीति
tathonnetāram āhāriktaṃ pūtabhṛtaṃ kuru pavamānasya grahāngrahīṣyāmīti
- 8
तथारिक्ते पूतभृति पवमानस्य ग्रहान्गृह्णात्य् उपयामगृहीतो ऽसीन्द्राय त्वेति द्रोणकलशम् अभिमृशति
tathārikte pūtabhṛti pavamānasya grahāngṛhṇāty upayāmagṛhīto 'sīndrāya tveti droṇakalaśam abhimṛśati
- 9
इन्द्राय त्वेत्य् आधवनीयम्
indrāya tvety ādhavanīyam
- 10
इन्द्राय त्वेति पूतभृतम्
indrāya tveti pūtabhṛtam
- 11
तथोन्नेतर् इत्य् आह प्राञ्चं राजानं पूतभृतम् अभि संपवयताद्दशाभिर् आधवनीयं मृष्ट्वा न्युब्जताद् इति
tathonnetar ity āha prāñcaṃ rājānaṃ pūtabhṛtam abhi saṃpavayatāddaśābhir ādhavanīyaṃ mṛṣṭvā nyubjatād iti
- 12
स तथा करोति
sa tathā karoti
- 13
तथाप उपस्पृश्य बर्हिषी आदायोपनिःसर्पति
tathāpa upaspṛśya barhiṣī ādāyopaniḥsarpati
- 14
तेषु तथैव समन्वारब्धेष्व् आहवनीये स्रुवाहुतिं जुहोति
teṣu tathaiva samanvārabdheṣv āhavanīye sruvāhutiṃ juhoti
- 15
विश्वे देवा मरुत इन्द्रो अस्मान् अस्मिन्द्वितीये सवने न जह्युः
आयुष्मन्तः प्रियम् एषां वदन्तो वयं देवानां सुमतौ स्याम स्वाहेत्य् एतयाध्वर्यू जुहुतः
viśve devā maruta indro asmān asmindvitīye savane na jahyuḥ
āyuṣmantaḥ priyam eṣāṃ vadanto vayaṃ devānāṃ sumatau syāma svāhety etayādhvaryū juhutaḥ
- 16
यथावेदम् इतरे जुह्वति
yathāvedam itare juhvati
- 17
अथ प्रदक्षिणम् आवृत्य सदो ऽभि पवमानं सर्पन्ति
atha pradakṣiṇam āvṛtya sado 'bhi pavamānaṃ sarpanti
- 18
तथा सदसि यथायतनम् उपविशन्ति
tathā sadasi yathāyatanam upaviśanti
- 19
तथोद्गात्रे वा प्रस्तोत्रे वा बर्हिषी प्रयच्छत्य् ऋक्सामयोर् उपस्तरणम् असि मिथुनस्य प्रजात्या इति वा तूष्णीं वा
tathodgātre vā prastotre vā barhiṣī prayacchaty ṛksāmayor upastaraṇam asi mithunasya prajātyā iti vā tūṣṇīṃ vā
- 20
तथोपाकरणं जपति वायुर्हिंकर्तेति
tathopākaraṇaṃ japati vāyurhiṃkarteti
- 21
स एष पञ्चदशो माध्यंदिनः पवमानो भवति
sa eṣa pañcadaśo mādhyaṃdinaḥ pavamāno bhavati
- 22
तस्याष्टम्यां प्रस्तुतायां वाचयति सुपर्णो ऽसि त्रिष्टुप्छन्दा अनु त्वारभे स्वस्ति मा संपारयेति
tasyāṣṭamyāṃ prastutāyāṃ vācayati suparṇo 'si triṣṭupchandā anu tvārabhe svasti mā saṃpārayeti
- 23
अत्र चतुर्होतारं व्याचष्टे
atra caturhotāraṃ vyācaṣṭe
- 24
उद्द्रुते साम्नि संप्रैषम् आहाग्नीद् अग्नीन्विहर बर्हि स्तृणाहि पुरोडाशां अलंकुरु प्रतिप्रस्थातर्दधिघर्माय दध्य् आहरेति
uddrute sāmni saṃpraiṣam āhāgnīd agnīnvihara barhi stṛṇāhi puroḍāśāṃ alaṃkuru pratiprasthātardadhigharmāya dadhy āhareti
- 25
यथासंप्रैषं तौ कुरुतः
yathāsaṃpraiṣaṃ tau kurutaḥ
- 26
तथाप उपस्पृश्याहैहि यजमानेति
tathāpa upaspṛśyāhaihi yajamāneti
- 27
पूर्वया द्वारा हविर्धानं प्रपाद्य तथा समस्तं राजानम् उपतिष्ठते
pūrvayā dvārā havirdhānaṃ prapādya tathā samastaṃ rājānam upatiṣṭhate
- 28
तथावकाशैश्चरति
tathāvakāśaiścarati
- 29
तथा प्रचरण्यां नवकृत्वो गृह्णीते
tathā pracaraṇyāṃ navakṛtvo gṛhṇīte
- 30
तथैष आग्नीध्र आग्नीध्रीयाद्धिष्णियाद् अनुपूर्वं धिष्णियेष्व् अङ्गारान्विहरति
tathaiṣa āgnīdhra āgnīdhrīyāddhiṣṇiyād anupūrvaṃ dhiṣṇiyeṣv aṅgārānviharati

