30 shlokas
- 1
वरुणायानुब्रूहीति
varuṇāyānubrūhīti
- 2
पूर्वार्धाद् अवदायापरार्धाद् अवद्यति
pūrvārdhād avadāyāparārdhād avadyati
- 3
अभिघारयति
abhighārayati
- 4
प्रत्यनक्ति
pratyanakti
- 5
अत्याक्रम्याश्राव्याह वरुणं यजेति
atyākramyāśrāvyāha varuṇaṃ yajeti
- 6
वषट्कृते जुहोति
vaṣaṭkṛte juhoti
- 7
अथोपस्तीर्य सर्वश एव वारुणम् अवदधद् आहाग्नीवरुणाभ्यां स्विष्टकृद्भ्याम् अनुब्रूहीति
athopastīrya sarvaśa eva vāruṇam avadadhad āhāgnīvaruṇābhyāṃ sviṣṭakṛdbhyām anubrūhīti
- 8
द्विर् अभिघारयति
dvir abhighārayati
- 9
आश्राव्याहाग्नीवरुणौ स्विष्टकृतौ यजेति
āśrāvyāhāgnīvaruṇau sviṣṭakṛtau yajeti
- 10
वषट्कृत उत्तरार्धपूर्वार्धे ऽतिहाय पूर्वा आहुतीर्जुहोति
vaṣaṭkṛta uttarārdhapūrvārdhe 'tihāya pūrvā āhutīrjuhoti
- 11
अथ स्रुचि चतुर्गृहीतं गृहीत्वापबर्हिषौ द्वाव् अनूयाजौ यजति
atha sruci caturgṛhītaṃ gṛhītvāpabarhiṣau dvāv anūyājau yajati
- 12
अथाप्सु स्रुचं प्रतिष्ठापयति समुद्रे ते हृदयम् अप्स्व् अन्तर् इति
athāpsu srucaṃ pratiṣṭhāpayati samudre te hṛdayam apsv antar iti
- 13
अथैनाम् अद्भिः पूरयति सं त्वा विशन्त्व् ओषधीर् उताप इति
athainām adbhiḥ pūrayati saṃ tvā viśantv oṣadhīr utāpa iti
- 14
अप्स्व् एवापो जुहोति यज्ञस्य त्वा यज्ञपते हविर्भिः
सूक्तवाके नमोवाके विधेम स्वाहेति
apsv evāpo juhoti yajñasya tvā yajñapate havirbhiḥ
sūktavāke namovāke vidhema svāheti
- 15
अत्रैतम् अवभृथं संप्रकिरन्ति यत्किंचित्सोमलिप्तं भवत्य् अवभृथ निचंकुण निचेरुर् असि निचंकुणाव देवैर्देवकृतम् एनो ऽयाड् अव मर्त्यैर्मर्त्यकृतम् उरोर् आ नो देव रिषस्पाहीति
atraitam avabhṛthaṃ saṃprakiranti yatkiṃcitsomaliptaṃ bhavaty avabhṛtha nicaṃkuṇa nicerur asi nicaṃkuṇāva devairdevakṛtam eno 'yāḍ ava martyairmartyakṛtam uror ā no deva riṣaspāhīti
- 16
अथाञ्जलिनाप उपहन्ति सुमित्रा न आप ओषधयः सन्त्व् इति
athāñjalināpa upahanti sumitrā na āpa oṣadhayaḥ santv iti
- 17
तां दिशं निरुक्षति यस्याम् अस्य दिशि द्वेष्यो भवति दुर्मित्रास्तस्मै भूयासुर्यो ऽस्मान्द्वेष्टि यं च वयं द्विष्म इति
tāṃ diśaṃ nirukṣati yasyām asya diśi dveṣyo bhavati durmitrāstasmai bhūyāsuryo 'smāndveṣṭi yaṃ ca vayaṃ dviṣma iti
- 18
अथाप उपस्पृश्यात्रैतद् ऋजीषं प्रप्लावयन्ति सह कृष्णाजिनेन देवीर् आप एष वो गर्भस्तं वः सुप्रीतं सुभृतम् अकर्म देवेषु नः सुकृतो ब्रूताद् इति
athāpa upaspṛśyātraitad ṛjīṣaṃ praplāvayanti saha kṛṣṇājinena devīr āpa eṣa vo garbhastaṃ vaḥ suprītaṃ subhṛtam akarma deveṣu naḥ sukṛto brūtād iti
- 19
बिन्दून् उपैव स्पृशति
bindūn upaiva spṛśati
- 20
न भक्षयति
na bhakṣayati
- 21
अथानुपमज्जन्ताव् अन्योन्यस्य पृष्ठे धावयतो विस्रस्य मेखले प्रतिवसनीये वाससी परिधायोन्नेतारम् आहोन्नेतर् उन्नो नयेति
athānupamajjantāv anyonyasya pṛṣṭhe dhāvayato visrasya mekhale prativasanīye vāsasī paridhāyonnetāram āhonnetar unno nayeti
- 22
तिसृभिर् उद्वतीभिर् उदायन्त्य् उद्वयं तमसस्पर्य् उद् उ त्यं चित्रम् इति
tisṛbhir udvatībhir udāyanty udvayaṃ tamasaspary ud u tyaṃ citram iti
- 23
अथापाम् अन्तं प्रतियौति प्रतियुतो वरुणस्य पाशः प्रत्यस्तो वरुणस्य पाश इति
athāpām antaṃ pratiyauti pratiyuto varuṇasya pāśaḥ pratyasto varuṇasya pāśa iti
- 24
अथाप्रतीक्षम् आयन्ति
athāpratīkṣam āyanti
- 25
वरुणस्यान्तर्हित्यै
varuṇasyāntarhityai
- 26
प्रपथे समिधः कुर्वत एधो ऽस्य् एधिषीमहीति
prapathe samidhaḥ kurvata edho 'sy edhiṣīmahīti
- 27
एत्याहवनीये ऽभ्यादधाति समिद् असि तेजो ऽसि तेजो मयि धेहीति
etyāhavanīye 'bhyādadhāti samid asi tejo 'si tejo mayi dhehīti
- 28
अथाहवनीयम् उपतिष्ठन्ते ऽपो अन्वचारिषं रसेन समसृक्ष्महि
पयस्वाꣳ अग्न आगमं तं मा संसृज वर्चसेति
athāhavanīyam upatiṣṭhante 'po anvacāriṣaṃ rasena samasṛkṣmahi
payasvām̐ agna āgamaṃ taṃ mā saṃsṛja varcaseti
- 29
व्यवच्छिन्दन्ति परिश्रयणानि
vyavacchindanti pariśrayaṇāni
- 30
विवर्तयन्ति हविर्धाने दक्षिणेन दक्षिणम् उत्तरेणोत्तरम्
vivartayanti havirdhāne dakṣiṇena dakṣiṇam uttareṇottaram

