40 shlokas
- 1
अथ होतारं विपृच्छति परियक्ष्यसि सौम्या३ं न परियक्ष्यसी३ इति
atha hotāraṃ vipṛcchati pariyakṣyasi saumyā3ṃ na pariyakṣyasī3 iti
- 2
स यथैनं होता प्रत्याह तच्छ्रुत्वासन्नं सौम्यम् आगच्छति
sa yathainaṃ hotā pratyāha tacchrutvāsannaṃ saumyam āgacchati
- 3
अथ स्रुचि चतुर्गृहीतं गृहीत्वात्याक्रम्याश्राव्याह घृतस्य यजेति
atha sruci caturgṛhītaṃ gṛhītvātyākramyāśrāvyāha ghṛtasya yajeti
- 4
वषट्कृते जुहोति
vaṣaṭkṛte juhoti
- 5
अथोपस्तीर्य द्विश्चरोर् अवद्यति
athopastīrya dviścaror avadyati
- 6
पूर्वार्धाद् अवदायापरार्धाद् अवद्यति
pūrvārdhād avadāyāparārdhād avadyati
- 7
अभिघारयति
abhighārayati
- 8
न प्रत्यनक्ति
na pratyanakti
- 9
अत्याक्रम्याश्राव्याह सौम्यस्य यजेति
atyākramyāśrāvyāha saumyasya yajeti
- 10
वषट्कृते दक्षिणार्धपूर्वार्धे प्राचीनावीती सौम्यं जुहोति
vaṣaṭkṛte dakṣiṇārdhapūrvārdhe prācīnāvītī saumyaṃ juhoti
- 11
अथैनं वैष्णव्यर्चा स्रुवाहुत्याभिजुहोति विष्णो त्वं नो अन्तम इति
athainaṃ vaiṣṇavyarcā sruvāhutyābhijuhoti viṣṇo tvaṃ no antama iti
- 12
यद्य् उ वै होताग्नावैष्णव्यर्चा परियजति सम्पन्नम् इति नाद्रियेत
yady u vai hotāgnāvaiṣṇavyarcā pariyajati sampannam iti nādriyeta
- 13
तस्मिन्न् आज्यम् आनीयावेक्षते
tasminn ājyam ānīyāvekṣate
- 14
पवित्रं वै सौम्यः
pavitraṃ vai saumyaḥ
- 15
आत्मानम् एव पवयन्ते
ātmānam eva pavayante
- 16
य आत्मानं न परिपश्येद् इतासुः स्यात्
ya ātmānaṃ na paripaśyed itāsuḥ syāt
- 17
अभिददिं कृत्वावेक्षेतेति
abhidadiṃ kṛtvāvekṣeteti
- 18
तस्मिन्भूय आज्यम् आनीयावेक्षते यन्मे मनः परागतं यद्वा मे अपरागतम्
राज्ञा सोमेन तद्वयम् अस्मासु धारयामसीति
tasminbhūya ājyam ānīyāvekṣate yanme manaḥ parāgataṃ yadvā me aparāgatam
rājñā somena tadvayam asmāsu dhārayāmasīti
- 19
मन एवात्मन्दाधार न गतमना भवतीति ब्राह्मणम्
mana evātmandādhāra na gatamanā bhavatīti brāhmaṇam
- 20
अथैनम् उद्गातृभ्यो हरन्ति
athainam udgātṛbhyo haranti
- 21
तस्मिंस्तच्चेष्टन्ति यत्ते विदुः
tasmiṃstacceṣṭanti yatte viduḥ
- 22
अथ प्राङ् आयन्न् आह प्रतिप्रस्थातर् उपांशुपात्रेण पात्नीवतम् आग्रयणाद्ग्रहं गृहीत्वोपास्व मा सीषद इति
atha prāṅ āyann āha pratiprasthātar upāṃśupātreṇa pātnīvatam āgrayaṇādgrahaṃ gṛhītvopāsva mā sīṣada iti
- 23
तच्छ्रुत्वा प्रतिप्रस्थातोपांशुपात्रेण पात्नीवतम् आग्रयणाद्ग्रहं गृह्णात्य् उपयामगृहीतो ऽसि बृहस्पतिसुतस्य त इन्दो इन्द्रियावतः पत्नीवन्तं ग्रहं गृह्णाम्य् अग्ना३इ पत्नीवा३ इति
tacchrutvā pratiprasthātopāṃśupātreṇa pātnīvatam āgrayaṇādgrahaṃ gṛhṇāty upayāmagṛhīto 'si bṛhaspatisutasya ta indo indriyāvataḥ patnīvantaṃ grahaṃ gṛhṇāmy agnā3i patnīvā3 iti
- 24
बर्हिषी अन्तर्धाय घृतेन श्रीणात्य् अहं परस्ताद् अहम् अवस्ताद् अहं ज्योतिषा वि तमो ववार
यद् अन्तरिक्षं तद् उ मे पिताभूद् अहं सूर्यम् उभयतो ददर्शाहं भूयासम् उत्तमः समानानाम् इति
barhiṣī antardhāya ghṛtena śrīṇāty ahaṃ parastād aham avastād ahaṃ jyotiṣā vi tamo vavāra
yad antarikṣaṃ tad u me pitābhūd ahaṃ sūryam ubhayato dadarśāhaṃ bhūyāsam uttamaḥ samānānām iti
- 25
अपोद्धृत्य बर्हिषी न सादयतीति ब्राह्मणम्
apoddhṛtya barhiṣī na sādayatīti brāhmaṇam
- 26
असादयित्वोपनिष्क्रम्याश्राव्याहाग्नीत्पात्नीवतस्य यजेति
asādayitvopaniṣkramyāśrāvyāhāgnītpātnīvatasya yajeti
- 27
वषट्कृते जुहोति सजूर्देवेन त्वष्ट्रा सोमं पिब स्वाहेत्य् उपांश्व् अनुवषट्कृते हुत्वा हरति भक्षम्
vaṣaṭkṛte juhoti sajūrdevena tvaṣṭrā somaṃ piba svāhety upāṃśv anuvaṣaṭkṛte hutvā harati bhakṣam
- 28
स यद्य् अस्मिन्न् आग्नीध्र उपहवम् इच्छत उपैवैनं ह्वयते
sa yady asminn āgnīdhra upahavam icchata upaivainaṃ hvayate
- 29
नो त्व् एव संभक्षयतः
no tv eva saṃbhakṣayataḥ
- 30
अथाहाग्नीन्नेष्टुर् उपस्थम् आसीद नेष्टः पत्नीम् उदानयोद्गात्रा संख्याप्याप उपप्रवर्तयताद् ऊरुणोपप्रवर्तयतान्नग्नं कृत्वोरुम् उपप्रवर्तयताद्धोतुश्चमसम् अनून्नयध्वम् उन्नेतः सर्वश एव राजानम् उन्नय मातिरीरिचः प्रतिप्रस्थातर्होतृचमसे ध्रुवायावकाशं कुरुताद् एहि यजमानेति
athāhāgnīnneṣṭur upastham āsīda neṣṭaḥ patnīm udānayodgātrā saṃkhyāpyāpa upapravartayatād ūruṇopapravartayatānnagnaṃ kṛtvorum upapravartayatāddhotuścamasam anūnnayadhvam unnetaḥ sarvaśa eva rājānam unnaya mātirīricaḥ pratiprasthātarhotṛcamase dhruvāyāvakāśaṃ kurutād ehi yajamāneti

