54 shlokas
- 1
अथ पशुना चरति मनोताप्रभृतिनेडान्तेन
atha paśunā carati manotāprabhṛtineḍāntena
- 2
तथा सवनीयान्पुरोडाशान्याचति
tathā savanīyānpuroḍāśānyācati
- 3
तेषां तथैव समवद्यन्न् आह तृतीयस्य सवनस्येन्द्राय पुरोडाशानाम् अवदीयमानानाम् अनुब्रूहीति
teṣāṃ tathaiva samavadyann āha tṛtīyasya savanasyendrāya puroḍāśānām avadīyamānānām anubrūhīti
- 4
पूर्वार्धाद् अवदायापरार्धाद् अवद्यति
pūrvārdhād avadāyāparārdhād avadyati
- 5
अभिघारयति
abhighārayati
- 6
प्रत्यनक्ति
pratyanakti
- 7
तथोपभृति स्विष्टकृते सर्वेषां सकृत्सकृद् उत्तरार्धाद् अवद्यति
tathopabhṛti sviṣṭakṛte sarveṣāṃ sakṛtsakṛd uttarārdhād avadyati
- 8
द्विर् अभिघारयति
dvir abhighārayati
- 9
न प्रत्यनक्ति
na pratyanakti
- 10
अत्याक्रम्याश्राव्याह तृतीयस्य सवनस्येन्द्राय पुरोडाशान्प्रस्थितान्प्रेष्येति
atyākramyāśrāvyāha tṛtīyasya savanasyendrāya puroḍāśānprasthitānpreṣyeti
- 11
वषट्कृते जुहोति
vaṣaṭkṛte juhoti
- 12
तथा समावपमान आहाग्नये ऽनुब्रूहीति
tathā samāvapamāna āhāgnaye 'nubrūhīti
- 13
आश्राव्याहाग्नये प्रेष्येति
āśrāvyāhāgnaye preṣyeti
- 14
वषट्कृत उत्तरार्धपूर्वार्धे ऽतिहाय पूर्वा आहुतीर्जुहोति
vaṣaṭkṛta uttarārdhapūrvārdhe 'tihāya pūrvā āhutīrjuhoti
- 15
अथोदङ्ङ् अत्याक्रम्य यथायतनं स्रुचौ सादयित्वा तथैव पात्र्याम् इडां समवधाय प्रतीचः पुरोडाशान्प्रहिणोति
athodaṅṅ atyākramya yathāyatanaṃ srucau sādayitvā tathaiva pātryām iḍāṃ samavadhāya pratīcaḥ puroḍāśānprahiṇoti
- 16
अनु हैके संयन्ति पशव इडेति वदन्तः
anu haike saṃyanti paśava iḍeti vadantaḥ
- 17
अथ प्राङ् आयन्न् आहोन्नीयमानेभ्यो ऽनुब्रूहि होतुश्चमसम् अनून्नयध्वं तीव्राꣳ आशीर्वतः कुरुध्वम् उन्नेतः सोमं प्रभावयेति
atha prāṅ āyann āhonnīyamānebhyo 'nubrūhi hotuścamasam anūnnayadhvaṃ tīvrām̐ āśīrvataḥ kurudhvam unnetaḥ somaṃ prabhāvayeti
- 18
होतृचमसम् एव प्रथमम् उन्नयन्ति
hotṛcamasam eva prathamam unnayanti
- 19
यथोपपादम् इतरान्
yathopapādam itarān
- 20
समुन्नीयोत्तरवेद्यां संसादयन्ति
samunnīyottaravedyāṃ saṃsādayanti
- 21
अथ प्राङ् एत्य होतृचमसम् आदायाश्राव्याह तृतीयस्य सवनस्यर्भुमतो विभुमतः प्रभुमतो वाजवतः सवितृवतो बृहस्पतिवतो विश्वदेव्यावतस्तीव्राꣳ आशीर्वत इन्द्राय सोमान्प्रस्थितान्प्रेष्येति
atha prāṅ etya hotṛcamasam ādāyāśrāvyāha tṛtīyasya savanasyarbhumato vibhumataḥ prabhumato vājavataḥ savitṛvato bṛhaspativato viśvadevyāvatastīvrām̐ āśīrvata indrāya somānprasthitānpreṣyeti
- 22
वषट्कृते जुहोति श्येनाय पत्वने स्वाहेति
vaṣaṭkṛte juhoti śyenāya patvane svāheti
- 23
अनुवषट्कृते तृम्पन्तां होत्रा मधोर्घृतस्य स्वाहेति
anuvaṣaṭkṛte tṛmpantāṃ hotrā madhorghṛtasya svāheti
- 24
वषट्कृतानुवषट्कृते द्विर्जुहोति
vaṣaṭkṛtānuvaṣaṭkṛte dvirjuhoti
- 25
तथैव द्विर्द्विः सर्वांश्चमसाञ्जुह्वति
tathaiva dvirdviḥ sarvāṃścamasāñjuhvati
- 26
तथा संप्रैषम् आह प्रैतु होतुश्चमसः प्र ब्रह्मणः प्रोद्गातुः प्र यजमानस्य प्र सदस्यस्य होत्रकाणां चमसाध्वर्यवः सकृत्सकृद् आशीर्वतो ऽभ्युन्नीयोपावर्तध्वम् इति
tathā saṃpraiṣam āha praitu hotuścamasaḥ pra brahmaṇaḥ prodgātuḥ pra yajamānasya pra sadasyasya hotrakāṇāṃ camasādhvaryavaḥ sakṛtsakṛd āśīrvato 'bhyunnīyopāvartadhvam iti
- 27
यन्त्य् एते महर्त्विजां चमसाः
yanty ete mahartvijāṃ camasāḥ
- 28
तथैते होत्रकाणां चमसाध्वर्यवः सकृत्सकृद् आशीर्वतो ऽभ्युन्नीयोपावर्तन्ते
tathaite hotrakāṇāṃ camasādhvaryavaḥ sakṛtsakṛd āśīrvato 'bhyunnīyopāvartante
- 29
तेषां तथैव मैत्रावरुणचमसम् आदायाश्राव्याह प्रशास्तर्यजेति
teṣāṃ tathaiva maitrāvaruṇacamasam ādāyāśrāvyāha praśāstaryajeti
- 30
वषट्कृते जुहोति विष्टम्भाय धर्मणे स्वाहेति
vaṣaṭkṛte juhoti viṣṭambhāya dharmaṇe svāheti

