17 shlokas
- 1
अथ संप्रैषम् आहाग्नीद् औपयजान् अङ्गारान् आहरोपयष्टर् उपसीद ब्रह्मन्प्रस्थास्यामः समिधम् आधायाग्नीद् अग्नीन्सकृत्सकृत्संमृड्ढीति
atha saṃpraiṣam āhāgnīd aupayajān aṅgārān āharopayaṣṭar upasīda brahmanprasthāsyāmaḥ samidham ādhāyāgnīd agnīnsakṛtsakṛtsaṃmṛḍḍhīti
- 2
आहरन्त्य् एतान् आग्नीध्राद् औपयजान् अङ्गारान्
āharanty etān āgnīdhrād aupayajān aṅgārān
- 3
तान् अग्रेण होतारं निवपति
tān agreṇa hotāraṃ nivapati
- 4
उपसीदत्य् उपयष्टा गुदतृतीयेन
upasīdaty upayaṣṭā gudatṛtīyena
- 5
अथाध्वर्युः पृषदाज्यं विहत्य जुह्वां समानीयात्याक्रम्याश्राव्याह देवेभ्यः प्रेष्येति
athādhvaryuḥ pṛṣadājyaṃ vihatya juhvāṃ samānīyātyākramyāśrāvyāha devebhyaḥ preṣyeti
- 6
वषट्कृते जुहोति प्रेष्य प्रेष्येति
vaṣaṭkṛte juhoti preṣya preṣyeti
- 7
एकादशानूयाजान् इष्ट्वोदङ्ङ् अत्याक्रम्य यथायतनं स्रुचौ सादयित्वा वाजवतीभ्यां स्रुचौ व्यूहति
ekādaśānūyājān iṣṭvodaṅṅ atyākramya yathāyatanaṃ srucau sādayitvā vājavatībhyāṃ srucau vyūhati
- 8
शंयुना प्रस्तरपरिधि संप्रकीर्य संप्रस्राव्य स्रुचौ विमुच्योन्नेतारम् आहोन्नेतर्ग्रहस्ते प्रचरेति
śaṃyunā prastaraparidhi saṃprakīrya saṃprasrāvya srucau vimucyonnetāram āhonnetargrahaste pracareti
- 9
तच्छ्रुत्वोन्नेता द्रोणकलश आग्रयणतृतीयं ग्रहं गृह्णात्य् उपयामगृहीतो ऽसि हरिर् असि हारियोजनो हर्यो स्थाता वज्रस्य भर्ता पृश्नेः प्रेता तस्य ते देव सोमेष्टयजुष स्तुतस्तोमस्य शस्तोक्थस्य हरिवन्तं ग्रहं गृह्णामीति
tacchrutvonnetā droṇakalaśa āgrayaṇatṛtīyaṃ grahaṃ gṛhṇāty upayāmagṛhīto 'si harir asi hāriyojano haryo sthātā vajrasya bhartā pṛśneḥ pretā tasya te deva someṣṭayajuṣa stutastomasya śastokthasya harivantaṃ grahaṃ gṛhṇāmīti
- 10
बर्हिषी अन्तर्धाय धानाभिः श्रीणाति हरी स्थ हर्योर्धाना इति
barhiṣī antardhāya dhānābhiḥ śrīṇāti harī stha haryordhānā iti
- 11
अपोद्धृत्य बर्हिषी अथैनम् आदायोपोत्तिष्ठन्न् आहेन्द्राय हरिवते धानासोमानाम् अनुब्रूहीति
apoddhṛtya barhiṣī athainam ādāyopottiṣṭhann āhendrāya harivate dhānāsomānām anubrūhīti
- 12
शीर्षन्न् अधिनिधाय विक्रम्याश्राव्याहेन्द्राय हरिवते धानासोमान्प्रस्थितान्प्रेष्येति
śīrṣann adhinidhāya vikramyāśrāvyāhendrāya harivate dhānāsomānprasthitānpreṣyeti
- 13
वषट्कृते जुहोति सहसोमा इन्द्राय स्वाहेति
vaṣaṭkṛte juhoti sahasomā indrāya svāheti
- 14
अनुवषट्कृते हुत्वा हरति भक्षम्
anuvaṣaṭkṛte hutvā harati bhakṣam
- 15
स यावन्त ऋत्विजस्तेभ्य उन्नेता धाना व्यावपति
sa yāvanta ṛtvijastebhya unnetā dhānā vyāvapati
- 16
त उन्नेतर्य् उपहवम् इष्ट्वैकैकाम् अन्वस्यन्ते
ta unnetary upahavam iṣṭvaikaikām anvasyante
- 17
मनसा संबाधते
manasā saṃbādhate

