29 shlokas
- 1
होत्र एषोत्तमेति प्राहुः
hotra eṣottameti prāhuḥ
- 2
होतुः कालात्पराङ् आवर्तते ऽध्वर्युः
hotuḥ kālātparāṅ āvartate 'dhvaryuḥ
- 3
अभ्य् एनम् आह्वयते होता
abhy enam āhvayate hotā
- 4
प्रत्याह्वयते ऽध्वर्युः
pratyāhvayate 'dhvaryuḥ
- 5
शंसति
śaṃsati
- 6
प्रतिगृणाति
pratigṛṇāti
- 7
अथ यत्र होतुर् अभिजानाति स्वादुष्किलायं मधुमाꣳ उतायम् इति तद् उभयतोमोदं प्रतिगृणाति मोदा मोद इव मदा मोद इवेत्य् आ व्याहावात्
atha yatra hotur abhijānāti svāduṣkilāyaṃ madhumām̐ utāyam iti tad ubhayatomodaṃ pratigṛṇāti modā moda iva madā moda ivety ā vyāhāvāt
- 8
अथ यत्र होतुर् अभिजानाति तन्तुं तन्वन्रजसो भानुम् अन्विहीति तत्प्रतिप्रस्थाता ध्रुवम्परिगृह्णाति द्यावापृथिवीभ्यां त्वा परिगृह्णामीति
atha yatra hotur abhijānāti tantuṃ tanvanrajaso bhānum anvihīti tatpratiprasthātā dhruvamparigṛhṇāti dyāvāpṛthivībhyāṃ tvā parigṛhṇāmīti
- 9
अथैनं प्रच्यावयति विश्वे त्वा देवा वैश्वानराः प्रच्यावयन्त्व् इति
athainaṃ pracyāvayati viśve tvā devā vaiśvānarāḥ pracyāvayantv iti
- 10
अथैनम् आहरति दिवि देवान्दृंहान्तरिक्षे वयांसि पृथिव्यां पार्थिवान् इति
athainam āharati divi devāndṛṃhāntarikṣe vayāṃsi pṛthivyāṃ pārthivān iti
- 11
अथैनं होतृचमसे ऽवनयति ध्रुवं ध्रुवेण हविषाव सोमं नयामसि
यथा नः सर्वम् इज्जगद् अयक्ष्मं सुमना असत्
athainaṃ hotṛcamase 'vanayati dhruvaṃ dhruveṇa haviṣāva somaṃ nayāmasi
yathā naḥ sarvam ijjagad ayakṣmaṃ sumanā asat
- 12
यथा न इन्द्र इद्विशः केवलीः सर्वाः समनसः करत्
यथा नः सर्वा इद्दिशो ऽस्माकं केवलीर् असन्न् इति
yathā na indra idviśaḥ kevalīḥ sarvāḥ samanasaḥ karat
yathā naḥ sarvā iddiśo 'smākaṃ kevalīr asann iti
- 13
प्रसिद्धम् उक्थं प्रतिगीर्य प्राङ् एत्योद्यच्छत एतं होतृचमसम्
prasiddham ukthaṃ pratigīrya prāṅ etyodyacchata etaṃ hotṛcamasam
- 14
अनूद्यच्छन्ते चमसान्
anūdyacchante camasān
- 15
अथाश्रावयत्य् ओ श्रावयास्तु श्रौषड् उक्थशा यज सोमानाम् इति
athāśrāvayaty o śrāvayāstu śrauṣaḍ ukthaśā yaja somānām iti
- 16
वषट्कृतानुवषट्कृते द्विर्जुहोति
vaṣaṭkṛtānuvaṣaṭkṛte dvirjuhoti
- 17
तथैव द्विर्द्विः सर्वांश्चमसाञ्जुह्वति
tathaiva dvirdviḥ sarvāṃścamasāñjuhvati
- 18
अथ भक्षैः प्रत्यञ्च आद्रवन्ति
atha bhakṣaiḥ pratyañca ādravanti
- 19
अनुसवनभक्षो ऽग्निना वैश्वानरेण मरुद्भिः पीतस्य मधुमत उपहूतस्योपहूतो भक्षयामीति
anusavanabhakṣo 'gninā vaiśvānareṇa marudbhiḥ pītasya madhumata upahūtasyopahūto bhakṣayāmīti
- 20
होतृचमसम् एवैते त्रयः समुपहूय भक्षयन्ति
hotṛcamasam evaite trayaḥ samupahūya bhakṣayanti
- 21
यथाचमसं चमसान्
yathācamasaṃ camasān
- 22
हिन्व म इत्य् आत्मानं प्रत्यभिमृशन्ते
hinva ma ity ātmānaṃ pratyabhimṛśante
- 23
नाप्याययन्ति चमसान्
nāpyāyayanti camasān
- 24
सर्वभक्षा मार्जयन्ते
sarvabhakṣā mārjayante
- 25
अथैतांश्चमसान् अद्भिः पूरयित्वोत्तरेणाहवनीयं प्राचो वोदीचो वायातयति
athaitāṃścamasān adbhiḥ pūrayitvottareṇāhavanīyaṃ prāco vodīco vāyātayati
- 26
तेषु त्रींस्त्रींश्च दूर्वाग्रन्थीन्प्रास्यत्य् एकैकं च दर्भपुञ्जीलम्
teṣu trīṃstrīṃśca dūrvāgranthīnprāsyaty ekaikaṃ ca darbhapuñjīlam
- 27
अथोक्थं वाचीन्द्रायेत्य् आह तृतीयसवनं प्रतिगीर्य प्रशास्तः प्रसुहीति
athokthaṃ vācīndrāyety āha tṛtīyasavanaṃ pratigīrya praśāstaḥ prasuhīti
- 28
सर्पतेत्य् आह प्रशास्ता
sarpatety āha praśāstā
- 29
संतिष्ठते तृतीयसवनम्
saṃtiṣṭhate tṛtīyasavanam

