5 shlokas
- 1
अष्टावक्र उवाच
aṣṭāvakra uvāca
- 2
तदा बन्धो यदा चित्तं किंचिद्वाञ्छति शोचति
किंचिन्मुञ्चति गृह्णाति किंचिद्धृष्यति कुप्यति
tadā bandho yadā cittaṃ kiṃcidvāñchati śocati
kiṃcinmuñcati gṛhṇāti kiṃciddhṛṣyati kupyati
- 3
तदा मुक्तिर्यदा चित्तं न वाञ्छति न शोचति
न मुञ्चति न गृह्णाति न हृष्यति न कुप्यति
tadā muktiryadā cittaṃ na vāñchati na śocati
na muñcati na gṛhṇāti na hṛṣyati na kupyati
- 4
तदा बन्धो यदा चित्तं सक्तं कास्वपि दृष्टिषु
तदा मोक्षो यदा चित्तम् असक्तं सर्वदृष्टिषु
tadā bandho yadā cittaṃ saktaṃ kāsvapi dṛṣṭiṣu
tadā mokṣo yadā cittam asaktaṃ sarvadṛṣṭiṣu
- 5
यदा नाहं तदा मोक्षो यदाहं बन्धनं तदा
मत्वेति हेलया किंचित्मा गृहाण विमुञ्च मा
yadā nāhaṃ tadā mokṣo yadāhaṃ bandhanaṃ tadā
matveti helayā kiṃcitmā gṛhāṇa vimuñca mā

