4 shlokas
- 1
जनक उवाच
प्रकृत्या शून्यचित्तो यः प्रमादाद्भावभावनः
निद्रितो बोधित इव क्षीणसंस्मरणो हि सः
janaka uvāca
prakṛtyā śūnyacitto yaḥ pramādādbhāvabhāvanaḥ
nidrito bodhita iva kṣīṇasaṃsmaraṇo hi saḥ
- 2
क्व धनानि क्व मित्राणि क्व मे विषयदस्यवः
क्व शास्त्रं क्व च विज्ञानं यदा मे गलिता स्पृहा
kva dhanāni kva mitrāṇi kva me viṣayadasyavaḥ
kva śāstraṃ kva ca vijñānaṃ yadā me galitā spṛhā
- 3
विज्ञाते साक्षिपुरुषे परमात्मनि चेश्वरे
नैराश्ये बन्धमोक्षे च न चिन्ता मुक्तये मम
vijñāte sākṣipuruṣe paramātmani ceśvare
nairāśye bandhamokṣe ca na cintā muktaye mama
- 4
अन्तर्विकल्पशून्यस्य बहिः स्वच्छन्दचारिणः
भ्रान्तस्येव दशास्तास्तास्तादृशा एव जानते
antarvikalpaśūnyasya bahiḥ svacchandacāriṇaḥ
bhrāntasyeva daśāstāstāstādṛśā eva jānate

