9 shlokas
- 1
जनक उवाच
janaka uvāca
- 2
तत्त्वविज्ञानसन्दंशम् आदाय हृदयोदरात्
नानाविधपरामर्शशल्योद्धारः कृतो मया
tattvavijñānasandaṃśam ādāya hṛdayodarāt
nānāvidhaparāmarśaśalyoddhāraḥ kṛto mayā
- 3
क्व धर्मः क्व च वा कामः क्व चार्थः क्व विवेकिता
क्व द्वैतं क्व च वाद्वैतं स्वमहिम्नि स्थितस्य मे
kva dharmaḥ kva ca vā kāmaḥ kva cārthaḥ kva vivekitā
kva dvaitaṃ kva ca vādvaitaṃ svamahimni sthitasya me
- 4
क्व भूतं क्व भविष्यद्वा वर्तमानम् अपि क्व वा
क्व देशः क्व च वा नित्यं स्वमहिम्नि स्थितस्य मे
kva bhūtaṃ kva bhaviṣyadvā vartamānam api kva vā
kva deśaḥ kva ca vā nityaṃ svamahimni sthitasya me
- 5
क्व चात्मा क्व च वानात्मा क्व शुभं क्वाशुभं यथा
क्व चिन्ता क्व च वाचिन्ता स्वमहिम्नि स्थितस्य मे
kva cātmā kva ca vānātmā kva śubhaṃ kvāśubhaṃ yathā
kva cintā kva ca vācintā svamahimni sthitasya me
- 6
क्व स्वप्नः क्व सुषुप्तिर्वा क्व च जागरणं तथा
क्व तुरियं भयं वापि स्वमहिम्नि स्थितस्य मे
kva svapnaḥ kva suṣuptirvā kva ca jāgaraṇaṃ tathā
kva turiyaṃ bhayaṃ vāpi svamahimni sthitasya me
- 7
क्व दूरं क्व समीपं वा बाह्यं क्वाभ्यन्तरं क्व वा
क्व स्थूलं क्व च वा सूक्ष्मं स्वमहिम्नि स्थितस्य मे
kva dūraṃ kva samīpaṃ vā bāhyaṃ kvābhyantaraṃ kva vā
kva sthūlaṃ kva ca vā sūkṣmaṃ svamahimni sthitasya me
- 8
क्व मृत्युर्जीवितं वा क्व लोकाः क्वास्य क्व लौकिकम्
क्व लयः क्व समाधिर्वा स्वमहिम्नि स्थितस्य मे
kva mṛtyurjīvitaṃ vā kva lokāḥ kvāsya kva laukikam
kva layaḥ kva samādhirvā svamahimni sthitasya me
- 9
अलं त्रिवर्गकथया योगस्य कथयाप्य् अलम्
अलं विज्ञानकथया विश्रान्तस्य ममात्मनि
alaṃ trivargakathayā yogasya kathayāpy alam
alaṃ vijñānakathayā viśrāntasya mamātmani

