6 shlokas
- 1
अष्टावक्र उवाच
हन्तात्मज्ञस्य धीरस्य खेलतो भोगलीलया
न हि संसारवाहीकैर्मूढैः सह समानता
aṣṭāvakra uvāca
hantātmajñasya dhīrasya khelato bhogalīlayā
na hi saṃsāravāhīkairmūḍhaiḥ saha samānatā
- 2
यत्पदं प्रेप्सवो दीनाः शक्राद्याः सर्वदेवताः
अहो तत्र स्थितो योगी न हर्षम् उपगच्छति
yatpadaṃ prepsavo dīnāḥ śakrādyāḥ sarvadevatāḥ
aho tatra sthito yogī na harṣam upagacchati
- 3
तज्ज्ञस्य पुण्यपापाभ्यां स्पर्शो ह्य् अन्तर्न जायते
न ह्य् आकाशस्य धूमेन दृश्यमानापि सङ्गति
tajjñasya puṇyapāpābhyāṃ sparśo hy antarna jāyate
na hy ākāśasya dhūmena dṛśyamānāpi saṅgati
- 4
आत्मैवेदं जगत्सर्वं ज्ञातं येन महात्मना
यदृच्छया वर्तमानं तं निषेद्धुं क्षमेत कः
ātmaivedaṃ jagatsarvaṃ jñātaṃ yena mahātmanā
yadṛcchayā vartamānaṃ taṃ niṣeddhuṃ kṣameta kaḥ
- 5
आ ब्रह्मस्तम्बपर्यन्ते भूतग्रामे चतुर्विधे
विज्ञस्यैव हि सामर्थ्यम् इच्छानिच्छाविवर्जने
ā brahmastambaparyante bhūtagrāme caturvidhe
vijñasyaiva hi sāmarthyam icchānicchāvivarjane
- 6
आत्मानम् अद्वयं कश्चिज्जानाति जगद् ईश्वरं
यद्वेत्ति तत्स कुरुते न भयं तस्य कुत्रचित्
ātmānam advayaṃ kaścijjānāti jagad īśvaraṃ
yadvetti tatsa kurute na bhayaṃ tasya kutracit

