5 shlokas
- 1
जनक उवाच
मय्य् अनन्तमहाम्भोधौ विश्वपोत इतस्ततः
भ्रमति स्वान्तवातेन न ममास्त्य् असहिष्णुता
janaka uvāca
mayy anantamahāmbhodhau viśvapota itastataḥ
bhramati svāntavātena na mamāsty asahiṣṇutā
- 2
मय्य् अनन्तमहाम्भोधौ जगद्वीचिः स्वभावतः
उदेतु वस्तम् आयातु न मे वृद्धिर्न च क्षतिः
mayy anantamahāmbhodhau jagadvīciḥ svabhāvataḥ
udetu vastam āyātu na me vṛddhirna ca kṣatiḥ
- 3
मय्य् अनन्तमहाम्भोधौ विश्वं नाम विकल्पना
अतिशान्तो निराकार एतद् एवाहम् आस्थितः
mayy anantamahāmbhodhau viśvaṃ nāma vikalpanā
atiśānto nirākāra etad evāham āsthitaḥ
- 4
नात्मा भावेषु नो भावस्तत्रानन्ते निरञ्जने
इत्य् असक्तो ऽस्पृहः शान्त एतद् एवाहम् आस्थितः
nātmā bhāveṣu no bhāvastatrānante nirañjane
ity asakto 'spṛhaḥ śānta etad evāham āsthitaḥ
- 5
अहो चिन्मात्रम् एवाहम् इन्द्रजालोपमं जगत्
अतो मम कथं कुत्र हेयोपादेयकल्पना
aho cinmātram evāham indrajālopamaṃ jagat
ato mama kathaṃ kutra heyopādeyakalpanā

