12 shlokas
- 1
पत्नीं योक्त्रेण दीक्षयति
patnīṃ yoktreṇa dīkṣayati
- 2
तां प्रतिप्रस्थाता सं त्वा नह्यामीति पूर्ववत्संनह्यति
tāṃ pratiprasthātā saṃ tvā nahyāmīti pūrvavatsaṃnahyati
- 3
ततो ऽस्याः शिरसि जालं प्रतिमुञ्चति
tato 'syāḥ śirasi jālaṃ pratimuñcati
- 4
विष्णोः शर्मासीति यजमानो ऽहतेन वाससा सदक्षिणांसं शिरः प्रोर्णुते
viṣṇoḥ śarmāsīti yajamāno 'hatena vāsasā sadakṣiṇāṃsaṃ śiraḥ prorṇute
- 5
इन्द्रस्य योनिर् असीति त्रिवलिं पञ्चवलिं वा शाण्या मौञ्ज्या वा रज्ज्वा परितृण्णां कृष्णविषाणां यजमानस्य वासोदशायां बध्नाति
indrasya yonir asīti trivaliṃ pañcavaliṃ vā śāṇyā mauñjyā vā rajjvā paritṛṇṇāṃ kṛṣṇaviṣāṇāṃ yajamānasya vāsodaśāyāṃ badhnāti
- 6
कृष्यै त्वा सुसस्याया इति वेद्या लोष्टम् उद्धन्ति
kṛṣyai tvā susasyāyā iti vedyā loṣṭam uddhanti
- 7
सुपिप्पलाभ्यस्त्वौषधीभ्य इति कण्डूत्यां शिरः कण्डूयते
supippalābhyastvauṣadhībhya iti kaṇḍūtyāṃ śiraḥ kaṇḍūyate
- 8
विषाणे विष्यैतम् इत्य् अन्येष्व् अङ्गेषु
viṣāṇe viṣyaitam ity anyeṣv aṅgeṣu
- 9
पत्न्याश्च प्रतिप्रस्थाता षडङ्गुलमात्रं पृथ्वग्रं कण्डूयमानं शङ्कुं बध्नाति
patnyāśca pratiprasthātā ṣaḍaṅgulamātraṃ pṛthvagraṃ kaṇḍūyamānaṃ śaṅkuṃ badhnāti
- 10
स बैल्वो पालाशो वा यो वान्यस्य यज्ञियवृक्षस्य
sa bailvo pālāśo vā yo vānyasya yajñiyavṛkṣasya
- 11
अथ मुखसंमितम् औदुम्बरं दीक्षितदण्डं मुष्टिनाहम् ऊर्ध्वसदसीत्य् ऊर्ध्वाग्रं यजमानाय प्रयच्छति
atha mukhasaṃmitam audumbaraṃ dīkṣitadaṇḍaṃ muṣṭināham ūrdhvasadasīty ūrdhvāgraṃ yajamānāya prayacchati
- 12
सूपस्था देवो वनस्पतिर् इति प्रतिगृह्य तं दक्षिणत उपधत्ते
sūpasthā devo vanaspatir iti pratigṛhya taṃ dakṣiṇata upadhatte

